ભાસ્કર ઇન્ટરવ્યૂ'મુસ્લિમો દેશમાં આશ્રિત છે, એટલે માથે નાચશો નહીં':બજરંગ દળના વડાએ કહ્યું- લવ-જેહાદ નહીં થવા દઈએ, પ્રતિબંધ લગાવ્યો તો જોઈ લઈશું

કર્ણાટક વિધાનસભા ચૂંટણીમાં કોંગ્રેસે જીત મેળવી છે, સિદ્ધારમૈયા મુખ્યમંત્રી બની ચૂક્યા છે. જીત પછી સિદ્ધારમૈયાને બજરંગ દળ પર પ્રતિબંધ મૂકવા અંગે સવાલ પૂછવામાં આવતાં કહ્યું, 'નફરત ફેલાવનારા તમામ રાજકીય જૂથો સામે કાર્યવાહી કરવામાં આવશે, એ ગમે તે ધર્મ કેમ ન હોય'.

સિદ્ધારમૈયાના નિવેદનથી સ્પષ્ટ છે કે જો આગામી દિવસોમાં બજરંગ દળ આક્રમક રહેશે તો કર્ણાટકમાં તેની સામે કાર્યવાહી કરવામાં આવી શકે છે. બીજેપીએ કર્ણાટકમાં બજરંગ દળને બજરંગ બલી સાથે જોડીને રાજકીય મેદાન મેળવવાનો પ્રયાસ કર્યો હતો, પરંતુ કોઈ ફાયદો થયો નહીં.

મોબલિંચિંગ, હિંસા અને અન્ય હિંસક પ્રવૃત્તિઓમાં બજરંગ દળનું નામ વારંવાર સામે આવ્યું છે. લાલુપ્રસાદ યાદવ, રામવિલાસ પાસવાન, માયાવતી અને દિગ્વિજય સિંહ જેવાં નેતાઓ આ સંગઠન પર પ્રતિબંધ મૂકવાની માગ ઉઠાવી રહ્યાં છે. આ તમામ મુદ્દાઓ પર ભાસ્કરે બજરંગ દળના રાષ્ટ્રીય સંયોજક નીરજ દૌનેરિયા સાથે વાત કરી…

સવાલ: બજરંગ દળનું નામ બબાલ, હિંસા, પ્રેમી યુગલ સાથે મારપીટ કે આવી જ ઘટનાઓમાં વારંવાર સામે આવે છે, આવું શા માટે?
નીરજ દૌનેરિયાઃ બજરંગ દળનો જન્મ 1984માં રામમંદિર આંદોલન દરમિયાન થયો. પ્રશાસને રામ-જાનકી રથયાત્રાને સુરક્ષા આપવાનો ઈનકાર કરી દીધો હતો. ત્યારે વિશ્વ હિન્દુ પરિષદે (VHP) યુવાનોને રથયાત્રાની સુરક્ષાની જવાબદારી સોંપી. એ જ રક્ષક આજે બજરંગ દળ છે.

સવાલ: હિંસા કરવી, કોઈને મારવું, પ્રેમીઓના મોઢા કાળા કરવા શું આ બહાદુરી છે?
નીરજ દૌનેરિયા: VHPએ બજરંગ દળની રચના માત્ર હિન્દુ મૂલ્યોની રક્ષા અને પુનઃસ્થાપન માટે કરી. આવી સ્થિતિમાં ચોક્કસ સંઘર્ષ થશે, વિરોધ પણ થશે. 'ધ કેરલ સ્ટોરી' જેવી ફિલ્મો આજે આવી છે, પરંતુ અમે તો 1990થી ધર્માંતરણનો મુદ્દો ઉઠાવી રહ્યા છીએ.

બજરંગ દળે લવ-જેહાદનો મુદ્દો ઉઠાવ્યો ત્યારે અમને કોમવાદી કહેવામાં આવ્યા. બાદમાં કેરળ હાઈકોર્ટે પણ આ વાતનો સ્વીકાર કર્યો અને 1994માં કોંગ્રેસના ધારાસભ્યોએ જ કર્ણાટક વિધાનસભામાં ધર્મપરિવર્તનને લઈને હોબાળો મચાવ્યો.

હિન્દુ છોકરીઓનું અપહરણ, નામ બદલીને લગ્ન કરવામાં આવે છે. માત્ર એટલા માટે કે તેઓ હિન્દુ છોકરીઓમાંથી બાળકો પેદા કરી શકે. ભારતની ડેમોગ્રાફી બદલી શકે. શું આ કાવતરું નથી? બજરંગ દળ તેની સામે ઊભું છે. બજરંગ દળ હિન્દુ સંસ્કૃતિના રક્ષણ માટે પ્રતિબદ્ધ છે.

સવાલ: બિહાર શરીફમાં હિંસા, હાવડા હિંસા, હરિયાણા લિંચિંગ, 2002માં ગુજરાતનાં રમખાણોમાં બાબુ બજરંગી, 1999માં ઓડિશામાં ફાધર સ્ટેનને સળગાવાનો મામલો, બધામાં બજરંગ દળનું નામ સામે આવ્યું. શું આ માટે જ VHPએ સંગઠન બનાવ્યું છે?
નીરજ દૌનેરિયાઃ જ્યાં પણ હિન્દુ જીવનમૂલ્યો પર હુમલો થશે, તેની વિરુદ્ધ ષડ્યંત્ર થશે, તો બજરંગ દળ આગળ આવશે. અમને હિંસક કહેવામાં આવે છે, જ્યારે અમે રક્ષણ કરીએ છીએ. અમને કોઈ બોલાવતું નથી, અમે સ્વયં હાજર થઈ જઈએ છીએ. શિક્ષણના નામે, સેવાના નામે, ચોખાની બોરી આપીને કોઈનું ધર્માંતરણ કરવું યોગ્ય છે? ભારતના છેવાડાના વિસ્તારોમાં આવું જ થઈ રહ્યું છે.

સવાલ: વીપી સિંહ, લાલુ યાદવ, રામવિલાસ પાસવાન, માયાવતી, દિગ્વિજય સિંહ અને હવે કર્ણાટકમાં કોંગ્રેસ. બજરંગ દળ હિંસક છે, એટલે વારંવાર પ્રતિબંધની માગ થઈ રહી છે?
નીરજ દૌનેરિયાઃ એ સ્પષ્ટ છે કે બજરંગ દળ દેશભક્ત યુવાનોનું જૂથ છે. અમારું નેટવર્ક વિશાળ છે, અમે હિન્દુઓનું નેતૃત્વ કરીએ છીએ, તેથી અમારા દુશ્મનો પણ છે. લવ-જેહાદ, લેન્ડ જેહાદ અને ઘૂસણખોરી જેહાદ સિવાય અમે PFI સાથે સીધી લડાઈ લડી રહ્યા છીએ. અમે રાષ્ટ્રવિરોધીઓ સામે ઊભા છીએ. તેમના મત માગનારાઓ અમને બેન કરવાની માગ કરે છે.

કોંગ્રેસ પ્રતિબંધની વાત કરીને મુસ્લિમ મત માગી રહી છે, પરંતુ તેઓ બજરંગ દળ પર કયા આધારે પ્રતિબંધ મૂકશે. 1992માં બજરંગ દળ પર પ્રતિબંધ લગાવવાનો પ્રયાસ કર્યો. એક વર્ષમાં જ એને હટાવવો પડ્યો હતો. અમે આ નાની-નાની ધમકીઓથી ડરવાના નથી.

સવાલ: ભાજપ બજરંગ બલીને પણ ચૂંટણીમાં લાવી છતાં હારી ગઈ. શું કર્ણાટકના લોકોએ બજરંગ દળને નકારી દીધું છે?
નીરજ દૌનેરિયા: હું રાજકીય વાત કરવા માગતો નથી. અમે ક્યારેય પ્રચાર કર્યો નથી. અમે હનુમાન ચાલીસાના પાઠ કર્યા હોવાથી અમારા પર પ્રતિબંધ લગાવવાની વાત થઈ હતી. હનુમાન ચાલીસામાં એક પંક્તિ છે – કુમતિ નિવાર, સુમતિ સંગી… એટલે કે જેમને બજરંગ દળ પર પ્રતિબંધ મૂકવાની કુમતિ આવી છે તેમને સુમતિ આપો. દેશભરમાં 6 લાખ લોકોએ હનુમાન ચાલીસાના પાઠ કર્યા. શું હવે હનુમાન ચાલીસા પર પ્રતિબંધ લાગશે? બજરંગ દળે આવાં અનેક કાવતરાં જોયાં છે.

સવાલ: પછી કર્ણાટકના લોકોએ 'કુમતિ' વાળી કોંગ્રેસને કેમ પસંદ કરી?
નીરજ દૌનેરિયા: તેમનો મેનિફેસ્ટો લોભથી ભરેલો હતો. સબસિડી આપો, બધું મફત આપો. કોંગ્રેસ આતંકવાદીઓને સમર્થન આપી રહી છે. તેમણે JKLFના યાસિન મલિકને બોલાવીને સન્માનિત કર્યા હતા, 1990માં ઘાટીમાં રમખાણોમાં તેની મોટી ભૂમિકા હતી.

કોંગ્રેસે જ બાટલા હાઉસ એન્કાઉન્ટર પર સવાલ ઉઠાવ્યા હતા. આજે PFI સાથે ઊભી છે. PFI પર 27 રાજકીય હત્યા કરવાનો આરોપ છે, જેમાં બજરંગ દળના 9 કાર્યકર પણ છે.

સવાલ: બજરંગ દળ પર પ્રતિબંધની માગ કરવી એ PFI સાથે ઊભું રહેવું કેવી રીતે?
નીરજ દૌનેરિયાઃ PFI પર પ્રતિબંધની વાત થઈ, ત્યારબાદ જ કોંગ્રેસે બજરંગ દળ પર પ્રતિબંધનો મુદ્દો ઉઠાવ્યો. કોંગ્રેસ જેહાદી માનસિકતા ધરાવતા લોકોને ખુશ કરવા માગે છે. સરકારી જમીન પર કબરો અને કબ્રસ્તાન બનાવવામાં આવી રહ્યાં છે. લવ-જેહાદ કરીને હિન્દુ છોકરીઓ બાળકોને જન્મ આપી રહી છે, શું આ બધું ષડ્યંત્ર નથી. સરકારે તપાસ કરવી જોઈએ કે 1990થી અત્યારસુધીમાં કેટલી હિન્દુ છોકરીઓ લવ-જેહાદનો શિકાર બની છે.

સવાલઃ તમારી પાસે કોઈ ડેટા છે, 1990થી અત્યારસુધીમાં કેટલી છોકરીઓ લવ-જેહાદનો શિકાર બની?
નીરજ દૌનેરિયા: ડેટા તો સરકારે એકત્રિત કરવો જોઈએ. આ અમારું કામ નથી. આખો દિવસ અમે તો અહીં જ કામ કરીએ છીએ. સરકાર તપાસ કરાવે. જો એક છોકરી પણ શિકાર બની હોય તો સામે આવવું જોઈએ.

ધર્મના આધારે દેશનું વિભાજન થયું હતું. રોકાયેલા 3 કરોડ મુસ્લિમોને આશ્રય આપવામાં આવ્યો. તેઓ આશ્રિત છે છતાં બંધારણમાં તેમને સમાન સન્માન આપવામાં આવ્યું. તો શું હવે તેઓ માથા પર ચડીને નગ્ન થઈને નાચશે? અરાજકતા ફેલાવશે, તોડફોડ કરશે. બજરંગ દળ આવું ક્યારેય થવા દેશે નહીં.

સવાલ: તમે કહો છો કે મુસ્લિમો આશ્રિત છે, એનો આધાર શું છે? આ એક બિનસાંપ્રદાયિક દેશ છે, દરેકને સમાન અધિકાર મળે છે...
નીરજ દૌનેરિયાઃ દેશનું વિભાજન ધર્મના આધારે થયું છતાં અહીં મુસ્લિમો વસે છે. આ તો બહુમતી સાથે છેતરપિંડી છે ને? બંધારણ, કાયદા અને દરેક વસ્તુ બહુમતીના આધારે બનવી જોઈતી હતી. અહીંની સંસ્કૃતિ અને પરંપરાના આધારે બધું થવું જોઈએ. જો સેક્યુલર બનાવીએ તો બેલેન્સ કરવું પડે.

તમે તેમને સબસિડી, રિઝર્વેશન, જમીન આપતા ગયા. હિન્દુઓ પાસેથી બધું છીનવીને તેઓ તેમને આપી રહ્યા છે. આ દેશમાં મંદિરો પર સરકારનું નિયંત્રણ છે. બીજી તરફ દેશના કરોડો રૂપિયા મુલ્લાઓ-મૌલવીઓ અને ચર્ચના પાદરીઓના પગારમાં જાય છે, શા માટે? આ ભેદભાવ નથી. ખ્રિસ્તીઓ-મુસ્લિમોના તમામ મતો એકસાથે ગણીને હિન્દુ જાતિઓમાં વહેંચવામાં આવી રહ્યા છે.

સવાલ: તમે કહો છો કે બંધારણમાં જ સમસ્યા છે?
નીરજ દૌનેરિયાઃ ભારત એ સમયે હિન્દુ રાષ્ટ્ર બનવું જોઈતું હતું. વિભાજન ધર્મના નામે થયું, એટલે થવું જોઈતું હતું.

સવાલ: તમે વારંવાર જેહાદની વાત કરો છો, આ કેવી રીતે થાય છે એ જણાવશો?
નીરજ દૌનેરિયા: આ એક મોટી યોજના છે. લેન્ડ જેહાદ દ્વારા હિન્દુઓની જમીનો કબજે કરવામાં આવી રહી છે. તક મળતાં જ તેઓ ગમે ત્યાં મકબરો-મસ્જિદ બનાવી દે છે. ગાયની તસ્કરી અને ગૌહત્યા એ માત્ર ઇસ્લામિક જેહાદીઓની યોજના છે. કોણ દાણચોરી કરે છે, કોણ ગૌમાંસ ખાય છે?

બધા એક જ સમુદાયના છે. હિન્દુઓ ગાયને માતાનો દરજ્જો આપે છે તો એને કેમ કાપીને ખવાય છે. એક તરફ ભાઈચારાની વાતો થઈ રહી છે તો બીજી તરફ ગૌમાંસની સાથે રોટલી પણ તોડી રહ્યા છે.

સવાલ: બજરંગ દળ ઉપરાંત હિન્દુ સેના, સનાતન સંસ્થા, શ્રી રામ સેના અને અભિનવ ભારત પણ આ જ કામ કરે છે. શું તમારી વચ્ચે સ્પર્ધા છે?
નીરજ દૌનેરિયાઃ અમારી વચ્ચે કોઈ સ્પર્ધા નથી. બધા એકબીજાના સહકારી છે. બજરંગ દળ પોતાનું કામ કરે છે અને બીજા દળ પોતાનું કરે છે. બધા પોતાની રીતે કામ કરે છે.

સવાલ: બજરંગ દળમાં અત્યારે કેટલા લોકો છે? તમારું નેટવર્ક કયાં કયાં રાજ્યોમાં છે?
નીરજ દૌનેરિયાઃ બજરંગ દળનું નેટવર્ક આખા દેશમાં છે. 9 હજાર બ્લોકમાં કામ કરે છે, જેમાં 51 હજાર સંયોજક અને 3 લાખ 51 હજાર કાર્યકરો છે. સભ્યોની સંખ્યા 1 કરોડથી વધુ છે.

સવાલ: બજરંગ દળમાં જોડાવાની પ્રક્રિયા શું છે? એક બજરંગીનો નિત્યક્રમ શું હોય છે?
નીરજ દૌનેરિયા: બજરંગ દળ ત્રણ વર્ષમાં એકવાર ભરતી અભિયાન ચલાવે છે. ઘરે-ઘરે જઈને યુવાનોને જોડે છે. VHPની વેબસાઈટ પર જોઈન બજરંગ દળ નામનું પેજ છે. તમે અહીંથી એક ફોર્મ ભરીને પણ જોડાઈ શકો છો.

બજરંગી મિલનસાર અને સક્રિય હોવો જોઈએ. બજરંગ દળના સાપ્તાહિક સભા કેન્દ્રમાં જવાનું રહેશે. હૃદયમાં દેશ અને ધર્મ હોવો જોઈએ. બાળપૂજા પણ જરૂરી છે. દંડની તાલીમ, કબડ્ડી જેવી રમતો રમવી, કસરત કરવી. હિન્દુ જીવન મૂલ્યોનું જ્ઞાન જરૂરી છે. પહેલા ભારત માતાની અને પછી બજરંગ બલીની આરતી થાય છે.

સવાલ: શું તમે હથિયાર ચલાવતા પણ શીખવો છો?
નીરજ દૌનેરિયાઃ બજરંગ દળ હથિયારોની ટ્રેનિંગ નથી આપતું, પણ એટલી ટ્રેનિંગ જરૂરી હોય છે કે બજરંગીને હથિયાર ઉઠાવવું પડે તો તે ભાગી ન જાય. એર રાઈફલ ચલાવતા શીખવે છે.

સવાલ: બજરંગ દળ અને ભાજપ વચ્ચેના સંબંધો કેવા છે, શું તેમના માટે પ્રચાર પણ કરે છે?
નીરજ દૌનેરિયા: અમે કોઈ રાજકીય પક્ષ નથી અને ક્યારેય હોઈ શકીએ નહીં. જ્યાં સુધી ભાજપનો સવાલ છે તે હિન્દુ મૂલ્યોને લગતા મુદ્દા ઉઠાવે છે. અમને તેમની પાસેથી હિન્દુત્વ વિશેના વિચારો મળે છે. અમે વૈચારિક રીતે તેમની સાથે ઊભા છીએ, પરંતુ પ્રચાર કરતા નથી.

સવાલ: વિનય કટિયારે કહ્યું હતું કે બજરંગ દળની રચના કરવાનો હેતુ મઠ-મંદિરોમાંથી દબાણ દૂર કરવાનો હતો. સંસ્થાની રચનાને લગભગ 40 વર્ષ થયાં છે, તમે કેટલા સફળ રહ્યા છો?
નીરજ દૌનેરિયાઃ દેશના ભાગલા વખતે 30 હજાર મંદિરોનું રૂપાંતર કરવામાં આવ્યું હતું. દેશમાં મુસ્લિમો પણ ધર્માંતરિત છે. અમે તેમના ડીએનએને હિન્દુઓના જ ગણીએ છીએ. જે મંદિરો તોડી પડાયાં એનું પણ ધર્માન્તર કરવામાં આવ્યું.

સવાલ: બાકીનાં મંદિરોનું શું થશે, જો બધા ખોદવાનું શરૂ કરશે તો આખો દેશ ખોદાઈ જશે?
નીરજ દૌનેરિયા: જુઓ, અમે હમણાં જ 3 પર કામ કરવાનું શરૂ કર્યું છે. અમે આગામી જાન્યુઆરીમાં રામજન્મભૂમિમાં પ્રાણપ્રતિષ્ઠા પણ કરીશું. બાકી મંદિરો માટે જનતાએ અવાજ ઉઠાવવો જોઈએ, કોર્ટમાં જવું જોઈએ, અમે સાથે છીએ. જો ઇસ્લામિક જેહાદ ચાલુ રહેશે તો દેશના હિન્દુઓ એક થશે અને આ જેહાદીઓને માથું છુપાવવાની જગ્યા પણ નહીં આપે. ઈસ્લામિક નેતાઓ અને મુલ્લા-મૌલવીઓએ તેને ગંભીરતાથી લેવું જોઈએ.

સવાલ: તમારો ઉદ્દેશ્ય ભારતને વિશ્વગુરુ બનાવવાનો છે, વિશ્વગુરુ બન્યા પછી ભારત કેવું હશે, તેમાં શું બદલાવ આવશે તે સમજાવો?
નીરજ દૌનેરિયા: જો આપણે વિશ્વગુરુ બનીશું, તો આપણે સર્વ ભવન્તુ સુખીના સિદ્ધાંતોનું પાલન કરીશું. આજે પણ ચાલે છે. આ હિન્દુઓનું સૂત્ર છે. ધર્મના આધારે દેશનું વિભાજન થયું, પણ તેને બિનસાંપ્રદાયિક બનાવી દેવામાં આવ્યું. ચાલો, આ પણ ઠીક છે, પણ હિંદુઓ બિનસાંપ્રદાયિકતાને અનુસરે છે, તે લોકો નહીં. જો તેઓએ આમ કર્યું હોત તો લવ જેહાદ, લેન્ડ જેહાદ અને ગૌહત્યા અને દાણચોરી ન થઈ હોત. ખ્રિસ્તી મિશનરીઓ ધર્મ પરિવર્તન કરાવતા નથી.

સવાલઃ કર્ણાટકમાં કોંગ્રેસ સરકાર બજરંગ દળ પર પ્રતિબંધ મૂકે તો તમે શું કરશો?
નીરજ દૌનેરિયા: પહેલી વાત એ કે પ્રતિબંધ મૂકવામાં આવશે નહીં. રાજ્યોને આ અધિકાર નથી. જો કોઈ સંજોગોમાં આવું થાય તોપણ આ પ્રતિબંધ ટકશે નહીં. જો આ લોકો આવી ઉદ્ધતાઈ કરશે તો અમે પણ તેમને જવાબ આપીશું. કોર્ટમાં અને આંદોલન બંનેમાં જે યોગ્ય લાગશે, જવાબ આપવામાં આવશે.