તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • Dvb original
  • The Elders Of The House Now Safe From The Corona, Endangering The Children In The Third Wave; No Need To Panic, There Will Be A Vaccine For Them By September Too: Dr. Kang

ભાસ્કર ઈન્ટરવ્યૂ:ઘરના વડીલો હવે કોરોનાથી સુરક્ષિત, ત્રીજી લહેરમાં બાળકોને જોખમ; ગભરાવાની જરૂર નથી, સપ્ટેમ્બર સુધી તેમના માટે પણ વેક્સિન હશેઃ ડો. કંગ

2 મહિનો પહેલાલેખક: રવીન્દ્ર ભજની
  • કૉપી લિંક

110 દિવસમાં 1.80 લાખથી વધુ લોકોના જીવ લીધા પછી દેશમાં કોરોનાની બીજી લહેર નબળી પડતી જોવા મળી રહી છે. પરંતુ હવે ત્રીજી લહેરની ચર્ચા છે. કહેવાય છે કે એ બાળકો માટે વધુ ખતરનાક બની શકે છે. આ થર્ડ વેવ એટલે કે ત્રીજી લહેર ક્યારે આવશે? આવશે તો કેવી રહેશે? આપણી તૈયારી કેવી છે? શું ત્યાં સુધીમાં વેક્સિને પોતાનું કામ કરી લીધું હશે? આ એવા અનેક સવાલો છે, જે સીધા તમારી સાથે જોડાયેલા છે.

અમે આવા તમામ સવાલ દેશના વિખ્યાત વેક્સિન વિજ્ઞાની ડો. ગગનદીપ કંગને પૂછ્યા. ડો. કંગ પ્રથમ ભારતીય મહિલા સાયન્ટિસ્ટ છે, જેમને લંડનની રોયલ સોસાયટીએ ફેલો બનાવ્યા છે. તેઓ ક્રિશ્ચિયન મેડિકલ કોલેજ, વેલ્લોરના પ્રોફેસર પણ છે.

હવે જઈએ સીધા સવાલ-જવાબ પર...

ભાસ્કરઃ શું ભારતમાં કોરોના વાયરસની ત્રીજી લહેર આવશે?
ડો. કંગઃ હા, બિલકુલ આવી શકે છે. ત્રીજી જ નહીં ચોથી, પાંચમી, છઠ્ઠી લહેર પણ આવી શકે છે. મહામારીમાં આવું બને જ છે. ધીમે ધીમે નબળી પડીને તે સ્થાનિક બીમારી (એન્ડેમિક) બની જશે. તેની ચિંતા ન કરવી જોઈએ કે ત્રીજી કે ચોથી લહેર આવશે. વધુમાં વધુ લોકો વેક્સિનેટ થઈ જશે તો ગંભીર લક્ષણો વિરુદ્ધ તેમને પ્રોટેક્શન મળી જશે. તેનાથી બીમારી આપોઆપ નબળી પડી જશે.

ભાસ્કરઃ શું ત્રીજી લહેરમાં બાળકો વધુ પ્રભાવિત થશે?
ડો. કંગઃ જો તમે વ્યાપક સ્તરે આંકડાની વાત કરો તો એ યોગ્ય નથી. રેશિયોમાં જરૂર એવું બની શકે છે. ચિંતિત હોવું પણ જોઈએ. અત્યારે આપણું ફોકસ 18+ને વેક્સિનેટ કરવા પર છે. વધુમાં વધુ પુખ્તો ઈન્ફેક્શન કે વેક્સિનથી એન્ટીબોડી હાંસલ કરી લેશે તો તેમાં કેસ ઓછા આવશે. ત્યારે ઈન્ફેક્ટ થવાનું જોખમ બાળકો જ રહેશે. ભલે ઈન્ફેક્ટ થનારા બાળકોનો આંકડો વધુ ન હોય, રેશિયોમાં તે વધુ દેખાશે.

આમ તો મોટાભાગના બાળકોમાં અત્યાર સુધીમાં હળવા લક્ષણો જ દેખાયા છે. કેટલાક જ બાળકોમાં મલ્ટીસિસ્ટમ ઈન્ફ્લેમેટરી સિન્ડ્રોમ (MIS-C) દેખાયો છે. પરંતુ જ્યારે ઈન્ફેક્ટ થનારા બાળકોની સંખ્યા વધશે તો તુલનાત્મક રીતે MIS-Cથી પીડિત બાળકોની સંખ્યા પણ વધશે. એવામાં જો સરકારે પીડિયાટ્રિક્સને તૈયાર રહેવા કહ્યું છે તો એ સારૂં છે.

ભાસ્કરઃ અમેરિકામાં બાળકો પર સફળ રહેલી ફાઈઝર અને મોડર્નાની વેક્સિન શું ભારતમાં ઉપલબ્ધ થઈ શકે છે?
ડો. કંગઃ હા, થઈ શકે છે. જૂઓ, બાળકો અને પુખ્તો માટે વેક્સિન અલગ નથી થતી. એક જ વેક્સિન હોય છે. બાળકો માટે ડોઝ એડજસ્ટ કરવાનો હોય છે. અમેરિકામાં આપણે જોયું કે ફાઈઝર અને મોડર્નાની વેક્સિનના એટલા જ ડોઝ 12 વર્ષથી મોટા બાળકોને પણ લગાવાઈ રહ્યા છે, જેટલા પુખ્તોને લગાવાયા છે. ડોઝ એડજસ્ટ કરવાની જરૂર પડી નથી. હવે અમેરિકામાં બે વર્ષથી ઓછી વયના બાળકોમાં ટ્રાયલ્સ ચાલી રહી છે. એ જોવામાં આવ્યું રહ્યું છે કે ડોઝને અડધો કરવાનો છે કે ક્વાર્ટર. બે-ત્રણ મહિનામાં આપણી પાસે રિઝલ્ટ હશે કે નાના બાળકો માટે ડોઝ ઘટાડવાની જરૂર છે કે નહીં.

ભાસ્કરઃ ભારતમાં બાળકોને કોવેક્સિન ક્યાં સુધીમાં ઉપલબ્ધ થઈ શકે છે?
ડો. કંગઃ ભારતમાં જૂનમાં કોવેક્સિનની ટ્રાયલ્સ શરૂ થઈ રહી છે. તેને ટ્રાયલ્સના બદલે ઈમ્યુનોજેનેસિટી સ્ટડી કહેવું સારૂં રહેશે. તેમાં એ જોવામાં આવે છે કે વેક્સિન ઈમ્યુન રિસ્પોન્સ પેદા કરી રહી છે કે નહીં. 28 દિવસના ગેપથી બે ડોઝ આપવામાં આવશે. ચાર સપ્તાહ પછી સેમ્પલ લેવામાં આવશે. બે સપ્તાહ પછી પણ સેમ્પલ લઈ શકાય છે. એટલે કે આ સ્ટડી બે મહિનામાં પૂરો થઈ જવો જોઈએ. ત્રીજા મહિનામાં આપણી પાસે ડેટા ઉપલબ્ધ હશે. કોવેક્સિનની ટ્રાયલ્સ જૂનમાં શરૂ થઈ રહી છે તો એવું માનીને ચાલો કે સપ્ટેમ્બર સુધીમાં વેક્સિનને લાયસન્સ મળી શકે છે.

ભાસ્કરઃ શું પુખ્તોને વેક્સિન કવર આપતા પહેલા બાળકોને વેક્સિન લગાવવી જોઈએ?
ડો. કંગઃ પ્રથમ રિસ્ક ગ્રૂપ્સને કવર કરવા જોઈએ. યુકેમાં જૂઓ, તેમણે વયને આધાર બનાવીને સ્ટ્રેટેજી બનાવી. પ્રથમ 80+ને વેક્સિન ઓફર કરી, પછી 75+ અને 70+ને. આ રીતે હવે ત્યાં 32થી 33+ને વેક્સિન લાગી રહી છે. તેમનો ટારગેટ છે કે જૂન સુધીમાં તમામ પુખ્ત વસતીને ઓછામાં ઓછો એક ડોઝ આપી દેવામાં આવે.

આપણી સરકારે પણ આ પ્રકારની કોઈ સ્ટ્રેટેજી બનાવવાની આવશ્યકતા છે. તેમણે જોવું જોઈએ કે ભારત જેવા મોટા દેશમાં સૌના માટે એકસાથે વેક્સિનેશન શરૂ કરવાનો કોઈ લાભ છે કે નહીં. આપણે ત્યાં પણ વયને આધાર બનાવીને વેક્સિનેશન થઈ શકતું હતું.

એક વિકલ્પ એવો છે કે આપણે લોકેશન બેઝ્ડ સ્ટ્રેટેજી બનાવીએ. શહેરોમાં વધુ ઈન્ફેક્શન છે તો ત્યાં પહેલા વેક્સિન આપો. તેનાથી ગામો સુધી ઈન્ફેક્શન ફેલાતું રોકી શકીએ છીએ. પ્રાયોરિટી સેટ કરવી સરકારનો નિર્ણય છે. એ જોવું જોઈએ કે કઈ સ્ટ્રેટેજીના શું લાભ છે, એ આધારે જ નિર્ણયો લેવા જોઈએ.

ભાસ્કરઃ શું તમે વેક્સિનેશનની સ્પીડથી સંતુષ્ટ છો?
ડો. કંગઃ ના, આપણે ત્યાં વેક્સિનેશન ખૂબ ધીમું છે. ઓગસ્ટ-સપ્ટેમ્બર પછી સપ્લાઈ વધી જશે, ત્યારે સ્પીડ વધવાની આશા રાખી શકાય. જે દેશોએ વસતી કરતાં અનેક ગણી વધુ વેક્સિન બુક કરી રાખી છે, ત્યાંથી પણ આપણા દેશને વેક્સિન મળવા લાગશે. કેનેડાએ તો એટલી વેક્સિન બુક કરી લીધી છે કે તે પોતાની વસતીને પાંચ વખત વેક્સિન લગાવી શકે છે. જ્યારે તેમની વસતીને વેક્સિન લાગી ચૂકી હશે તો બચેલી વેક્સિન રિલીઝ કરી દેશે.

આપણી કંપનીઓ પણ પ્રોડક્શન વધારી ચૂકી હશે. બે-ચાર મહિનામાં સપ્લાઈ વધી જશે. સરકારે 2.1 અબજ ડોઝ ઓગસ્ટ-સપ્ટેમ્બર વચ્ચે મળવાનું પ્રોજેક્શન આપ્યું છે. એટલું ન પણ થયા તો પણ ડોઝની ઉપલબ્ધતા તો વધશે જ. જુલાઈથી નહીં તો ઓગસ્ટથી વેક્સિન ડોઝની ઉપલબ્ધતા વધી શકે છે. ત્યારે સ્પીડ પણ વધી જશે.

ભાસ્કરઃ હર્ડ ઈમ્યુનિટી માટે કેટલી વસતીને વેક્સિનેટ કરવાનું જરૂરી છે?
ડો. કંગઃ એ સમજવું પડશે કે તમે હર્ડ ઈમ્યુનિટીથી આખરે ઈચ્છો છો શું? જો તમે વિચારતા હો કે કોઈ બીમાર નહીં થાય તો એવું નહીં બને. દરેક વ્યક્તિની ક્ષમતા અલગ હોય છે. તમને ક્યારેય અગાઉ ઈન્ફેક્શન થયું નથી અને વેક્સિન પણ લાગી નથી તો તમે બીમાર થઈ શકો છો. વધુમાં વધુ લોકો ઈન્ફેક્શન કે વેક્સિનથી ઈમ્યુનિટી હાંસલ કરી લેશે, તો એ ગંભીર રીતે બીમાર નહીં થાય.

અમારૂં માનવું છે કે જ્યારે ઈન્ફેક્શન કે વેક્સિનેશન દ્વારા ઈમ્યુનિટી 70-80% લોકો સુધી પહોંચી જશે તો એ પેન્ડેમિક એક એન્ડેમિક બની જશે. એટલે કે એ બીમારી સંપૂર્ણપણે ગાયબ નહીં થાય. વાયરસ આપણી વચ્ચે રહેશે જરૂર, પરંતુ ગંભીર રીતે બીમાર નહીં કરી શકે. જે સ્થિતિ અત્યારે સર્જાઈ છે, તે ફરી નહીં આવે.

ભાસ્કરઃ શું વેરિએન્ટ્સને લઈને ભારતમાં જે સ્ટડી થઈ રહ્યો છે, તેનાથી તમે સંતુષ્ટ છો?
ડો. કંગઃ ના, વેરિએન્ટ પર નજર રાખવી જરૂરી છે. તેના માટે જિનોમ સિક્વન્સિંગના સેમ્પલ વધારવાની જરૂર છે. તેનાથી જ ભવિષ્યની સ્ટ્રેટેજી બનાવવામાં મદદ મળશે. હવે ભારતમાં મળેલા ડેલ્ટા વેરિએન્ટ એટલે કે B.1.617.2ની વાત કરીએ તો યુકેએ ચાર હજાર સેમ્પલ્સનું સિક્વન્સિંગ કર્યુ છે, જ્યારે ભારતમાં માત્ર ત્રણ હજાર સેમ્પલનું સિક્વન્સિંગ થયું છે. આપણે આ વેરિએન્ટ્સ વિશે જેટલી વધુ જાણકારી હાંસલ કરીશું આપણે એટલા જ તેને ફેલાતા રોકવામાં મદદ મળશએ. અત્યાર સુધીમાં જે થયું એ છોડો. પરંતુ આપણે જે વેક્સિન લગાવી રહ્યા છીએ, તેનું તો મૂલ્યાંકન થવું જ જોઈએ.

ભાસ્કરઃ ઈઝરાયેલ, યુએસમાં લોકોના માસ્ક ઉતરી ગયા, આપણે ત્યાં ક્યારે ઉતરશે?
ડો. કંગઃ અમેરિકાએ જ્યારે આ નિર્ણય લીધો ત્યારે ત્યાંની 38% વસતી વેક્સિનેટ થઈ ચૂકી હતી. સેન્ટર ફોર ડિસિસ કંટ્રોલે પણ કહ્યું છે કે તમામ લોકો માસ્ક લગાવીને થાકી ચૂક્યા હતા. તેમને કોઈ એડવાન્ટેજ આપવાનો હતો. આ કારણથી કહેવામાં આવ્યું કે જેમણે વેક્સિન લગાવી લીધી છે, તેઓ માસ્ક ઉતારી શકે છે. તેનાથી વેક્સિનનો વ્યાપ વધશે. ભારતની વાત કરીએ તો અત્યારે તો અમે એ જ કહીશું કે કેસ ખૂબ વધારે છે. માસ્ક ત્યારે ઉતરશે, જ્યારે વધુમાં વધુ લોકો વેક્સિનેટ થઈ જશે અને કેસો ખૂબ ઓછા થઈ જશે.

અન્ય સમાચારો પણ છે...