કરિયર ફન્ડા:સ્ટુડન્ટ્સથી વધુ તપ પેરેન્ટ્સનાં, કોમ્પિટિટિવ એક્ઝામમાં પેરેન્ટ્સનો રોલ

3 મહિનો પહેલા
  • શિક્ષણવિદ સંદીપ માનુધને

कस के जूता कस के बेल्ट, खोंस के अन्दर अपनी शर्ट, मंजिल को चली सवारी, कंधो पे ज़िम्मेदारी हाथ में फाइल मन में दम, मीलों मील चलेंगे हम, हर मुश्किल से टकरायेंगे, टस से मस ना होंगे हम दुनिया का नारा जमे रहो, मंजिल का इशारा जमे रहो, दुनिया का नारा जमे रहो, मंजिल का इशारा जमे रहो…

માતા-પિતા કંઈક આવી રીતે જ પોતાનાં બાળકોની જવાબદારી ઉઠાવે છે.

કરિયર ફન્ડામાં સ્વાગત છે!

કોમ્પિટિટિવ એક્ઝામ્સ (પ્રતિયોગી પરીક્ષા)ની તૈયારી કરતા સમયે બાળકો પર ઘણું જ પ્રેશર હોય છે, પરંતુ પેરેન્ટ્સના એટિટ્યૂડથી ઘણુંબધું મેળવી શકાય છે.

પેરેન્ટ્સ માટે 7 પાવરફુલ ટિપ્સ
જો તમારું બાળક/બાળકી કોઈ મોટી કોમ્પિટિટિવ એક્ઝામ આપી રહ્યા છે, તો જરૂરથી આ વાંચો.

1) બાળકને સમય આપો, તેમની સાથે વાત કરો- ગપશપ કરવી ઈન્સાન માટે સારું સ્ટ્રેસ-બસ્ટર હોય છે. બાળકો સાથે હંમેશાં અભ્યાસની જ વાતો ન કરતા, થોડી સામાન્ય, હલકીફૂલકી વાતો કરવી ઘણાં સારાં પરિણામ આપી શકે છે, જેનાથી બાળકો ખૂલીને પોતાની સમસ્યા જણાવી શકશે, જે તેઓ પોતાના સ્તરે ઉકેલી નથી શકતા. મોટા ભાગનાં બાળકો પેરેન્ટ્સથી ડરતા હોય છે અને તેમને પોતાની સમસ્યા નથી જણાવતા, પરંતુ તેઓ જણાવે છે પોતાના મિત્રોને, જે-તે સમસ્યાઓને ખોટું સોલ્યુશન પણ આપી શકે છે. તમારે ફક્ત એ વાતની તપાસ કરવાની છે કે તમારાં બાળકોને શિક્ષણમાં શું મુશ્કેલીઓ આવી રહી છે અને એને ઉકેલવાની છે. પોતાનાં બાળકોની પસંદની કોઈ વસ્તુને પૂરી રીતે હટાવવાની બદલે એને રેગ્યુલેટ કરો.

2) યોગ્ય ફેસિલિટીઝ ઉપલબ્ધ કરાવવી- મેં અનેક ઘરોમાં જોયું છે, જ્યાં ભણતાં બાળકો માટે સ્ટડી ટેબલ પણ યોગ્ય નથી હોતાં. આ સમજો, સફળતા માત્ર બાળકો પ્રત્યે પોતાના ઈમોશન્સથી જ નથી મળતી. સફળતા માટે તન અને મનની સાથે થોડાંઘણાં ધનની પણ આવશ્યકતા છે (વધારેપડતા નહીં), અર્થાત આજની ઘોર કોમ્પિટિટિવ વર્લ્ડમાં જો પેરેન્ટ્સ બાળકોને યોગ્ય રિસોર્સીસ, યોગ્ય ફેસેલિટીઝ અવેલેબલ નથી કરાવી શકતા તો તેમને બાળકો પાસેથી આશા પણ એવી જ રાખવી જોઈએ. બાળકોને અલગ રૂમ આપો કે જેથી ભણતી વખતે બાળકો ડિસ્ટર્બ ન થાય. જે જગ્યાએ બાળકો ભણી રહ્યાં છે ત્યાં તમે પ્લાન્ટ લગાવી શકો છો તેનાથી પોઝિટિવની અનુભૂતિ થાય છે.

3) ડાઈટ, હેલ્થ અને હાઇજીન- પરીક્ષાની તૈયારીની ધૂનમાં બાળકો, ખાવા-પીવાનું, કપડાં અને ક્યારેક ક્યારેક હાઇજીન (સાફ-સફાઈ) પર પણ ધ્યાન નથી આપી શકતા. પેરેન્ટ્સે ધ્યાન રાખવું જોઈએ કે બાળક ત્રણથી ચાર વખત પોષ્ટિક ડાયટ લે, રોજ સ્નાા કરે અને સ્વચ્છ કપડાં પહેરો. આ વસ્તુ પર ધ્યાન રાખવાથી બાળકોનું સ્વાસ્થ્ય યોગ્ય રહેશે. તમામે દિવસમાં ઓછામાં ઓછા આઠ ગ્લાસ પાણી પીવું જોઈએ, સાત કલાકની ઊંઘ અને પૂર્ણ ભોજન લેવું જોઈએ. ફિઝિકલ અને મેન્ટલ હેલ્થ માટે તમારા બાળકોને ફિઝિકલી એક્ટિવ રાખવા માટે જિમ, યોગ કેન્દ્ર મોકલી શકો છો કે સાથમાં કોઈ સ્પોર્ટ રમી શકે છે કે સામાન્ય એક્સર્સાઈઝ કરી શકે છે.

4) કોન્સ્ટ્રેશનનું વાતાવરણ ઊભું કરો- ભારત એક ધર્મ અને સમાજ (સોસાયટી) પ્રધાન દેશ છે. લગભગ દરેક ચોથા કે પાંચમા દિવસે કોઈ ને કોઈ ધાર્મિક કે સોશિયલ કાર્યક્રમ હોય છે. જો બાળક આ બધામાં પાર્ટિસિપેટ કરે છે તો સોશિયલ ઈન્ટરેક્શન માટે તો સારું છે, પરંતુ તેનાથી અભ્યાસ પર ખરાબ અસર પડી શકે છે. એકાગ્રતાનું વાતાવરણ જોઈએ. એની તુલના તમે એકાંત વનવાસથી કરી શકો છો. આ તપસ્યા, સફળતા માટે જરૂરી છે. દરેક સોશિયલ ગેધરિંગમાં બાળકો હોવાની આશા ન કરો. તો પૂર્ણ સામાજિક અલગાવ બાળકો માટે હાનિકારક હોય શકે છે, તો બેલેન્સ બનાવી રાખો.

5) રિક્રિએશન- રોજરોજ એક જેવું રૂટિન, જેમાં મોટા ભાગનો સમય ટેબલ-ખુરસી પર બેસીને પસાર થાય છે, સ્ટૂડન્ટ્સને ફિઝિકલી થકાવટ અને મેન્ટલી ટાર્યડ કરી દે છે. હોમો સેપિયન્સ (મનુષ્યનું વૈજ્ઞાનિક નામ)નું શરીર ટેબલ-ખુરસી પર બેસવા માટે નથી બન્યું, તેના બદલે આપણાં પૂર્વજ, મેદાનમાં દોડતા/ચાલતા હતા, વધુને વધુ ફિઝિકલ એક્સર્સાઈઝ કરતા હતા, લાંબા-લાંબા અંતર પગપાળા જતા હતા, તેની પણ પહેલાં આપણે ઝાડ પર કૂદાકૂદી કરતા હતા. તેથી પેરેન્ટ્સે અભ્યાસ કરતા બાળકોને દર થોડા દિવસે યાત્રા, મુસાફરી, પિકનિક સહિતની જગ્યાએ લઈ જવા જોઈએ. રિક્રિએશન માટે જે પણ રીત પસંદ કરીએ તેમાં એક વાથ ધ્યાન રાખીએ કે ફિઝિકલ એક્સરસાઈઝ જરૂરી છે.

6) બાળકોને પોઝિટિવલી ઈન્સ્પાયર કરો- પોતાનાં બાળકોને મોટિવેટ કરો અને સફળ થઈ ગયેલા લોકોના સ્ટ્રગલની વાર્તા સંભળાવો, પરંતુ એનો તેને ખ્યાલ ન આવવો જોઈએ કે તેના પર પ્રેશર નાખી રહ્યા છો. બાળકોને અનુભવ કરાવો કે તમને તેની સફળતા પર પૂરો વિશ્વાસ છે. એનાથી તેનામાં સકારાત્મક માનસિકતા વિકસિત થશે. કુલ મળીને વાત એવી છે કે બાળકોને તેની નબળાઈનો અનુભવ કરાવવાને બદલે તેમની ક્ષમતાઓનો અનુભવ કરાવો.

7) બાળકો પર વિશ્વાસ કરો અને બીજાં બાળકો સાથે કમ્પેરિઝન ન કરો- કેટલાક પેરેન્ટ્સ હંમેશાં પોતાનાં બાળકોને કોઈ ને કોઈ વાતને લઈને ટોકતા હોય છે. તેમને લાગે છે કે બાળક અભ્યાસ અને પરીક્ષાને લઈને સજાગ નથી, પરંતુ દરેક બાળક પોતાનું કેલિબર અને અન્ડરસ્ટેન્ડિંગની રીતે ઉમદા પ્રદર્શન આપવાનો પ્રયાસ કરે છે. જરૂરી છે કે તેમના પર વિશ્વાસ કરવાનો અને તેમનું મનોબળ વધારવાનો. કેટલાંક પેરેન્ટ્સની આદક હંમેશા બીજા બાળકો સાથે પોતાના બાળકોની સરખામણી કરવાનો હોય છે, જેનો કોઈ નક્કર આધાર પણ નથી હોતો. બાળકો પર તેની ઘણી જ નેગેટિવ અસર પડે છે અને તેનું સેલ્ફ કોન્ફિડન્સ ડાઉન થાય છે.

તો આજનું કરિયર ફન્ડા એ છે કે કોમ્પિટિટિવ એક્ઝામની તૈયારી પેરેન્ટ્સની પણ એક એક્ઝામ હોય છે, જેમાં પાસ થવું કમ્પલ્સરી છે.

કરીને દેખાડીશું!