• Gujarati News
  • Dvb original
  • Old Man Selling Chhana In Front Of Gujarat University In Ahmedabad, Earns Rs 15,000 Per Month By Speaking English To Attract Youngsters.

આજની પોઝિટિવ સ્ટોરી:અમદાવાદમાં ગુજરાત યુનિવર્સિટી સામે ચણા જોર ગરમ વેચતા વૃદ્ધ, યંગસ્ટર્સને આકર્ષવા કડકડાટ ઇંગ્લિશ બોલીને મહિને 15 હજારની કમાણી કરે છે

અમદાવાદ14 દિવસ પહેલાલેખક: આનંદ મોદી
કોઈ દિવસ સ્કૂલની અંદર ન ગયેલા જોની અંકલ વિદ્યાર્થીઓને બોલતા સાંભળી અંગ્રેજી શીખી ગયા છે.
  • મૂળ યુપીના જોની અંકલ 1990થી ગુજરાત યુનિવર્સિટી આસપાસ ચણા જોર ગરમ વેચે છે

જરૂરિયાત ભલભલા સંશોધનની જન્મદાત્રી હોય છે. આ કહેવત અમદાવાદમાં ચણા જોર ગરમ વેચતા વૃદ્ધ માટે બંધબેસતી દેખાય છે, કારણ કે 60 વર્ષની ઉંમરના વયોવૃદ્ધને કડકડાટ ઈંગ્લિશમાં બોલતા જોઈને કોઈપણ બે ઘડી તો ચકિત થઈ જાય, કારણ કે કોઈ દિવસ સ્કૂલની અંદર ન ગયેલા જોની અંકલ 1990થી ઈંગ્લિશ મીડિયમ સ્કૂલ અને ગુજરાત કોલેજ બહાર લારીમાં ચણા જોર ગરમ વેચવાના વ્યવસાય સાથે સંકળાયેલા છે. સ્કૂલોના વિદ્યાર્થીઓને બોલતા સાંભળીને કડકડાટ ઈંગ્લિશ શીખી ગયેલા જોની અંકલ ગ્રાહકોને આકર્ષવા અંગ્રેજીમાં સાદ પાડીને ચણા જોર ગરમનું વેચાણ કરીને રોજના 500 રૂપિયા, એટલે કે મહિનાના 15 હજાર રૂપિયા આસપાસની કમાણી કરી લે છે.

જોની અંકલ 1990થી ગુજરાત યુનિવર્સિટી આસપાસ ફરીને ચણા જોર ગરમ વેચીને ધંધો કરે છે
જોની અંકલ 1990થી ગુજરાત યુનિવર્સિટી આસપાસ ફરીને ચણા જોર ગરમ વેચીને ધંધો કરે છે

ઉત્તરપ્રદેશથી વેપાર કરવા અમદાવાદ આવ્યા
ગુજરાત યુનિવર્સિટી પાસે ખાણી-પીણીની અનેક લારી ઊભી રહે છે, જેમાં એક ઉંમરલાયક વ્યક્તિ પણ લારી લઈને એ પટ્ટામાં આંટા મારે છે. આ 60 વર્ષીય વ્યક્તિનું નામ જોની અંકલ છે. જોની અંકલ 1990થી ગુજરાત યુનિવર્સિટી આસપાસ ફરીને ચણા જોર ગરમ વેચીને ધંધો કરે છે. મૂળ યુપી(ઉત્તરપ્રદેશ)થી જોની અંકલ અમદાવાદ વેપાર કરવા માટે આવ્યા હતા અને પોતાની લારી શરૂ કરી હતી. આજે પણ તેઓ એ જ લારી ચલાવી પોતાનું અને પરિવારનું ગુજરાન ચલાવે છે.

ક્યારેય સ્કૂલે ન ગયેલા જોની અંકલ આજે કડકડાટ ઈંગ્લિશ બોલીને પોતાનો વેપાર ચલાવી રહ્યા છે.
ક્યારેય સ્કૂલે ન ગયેલા જોની અંકલ આજે કડકડાટ ઈંગ્લિશ બોલીને પોતાનો વેપાર ચલાવી રહ્યા છે.

વિદ્યાર્થીઓ પાસેથી અંગ્રેજી શીખ્યા
જોની અંકલ શરૂઆતમાં હિન્દી ભાષામાં વાત કરીને ચણા જોર ગરમ વેચતા. યુનિવર્સિટી હોવાથી આખો દિવસ વિદ્યાર્થીઓની જ અવરજવર રહેતી હોય છે, જેમાં કેટલાક વિદ્યાર્થીઓ ઈંગ્લિશમાં પણ વાત કરતા હતા, પરંતુ જોની અંકલ ઈંગ્લિશ સમજતા નહોતા. સમય જતાં સેન્ટ ઝેવિયર્સ કોલેજ પાસે ઊભા રહી રેગ્યુલર વિદ્યાર્થીઓ સાથે સંપર્કમાં રહેતા જોની અંકલે પણ થોડું ઈંગ્લિશ શીખી લીધું હતું. ક્યારેય સ્કૂલે ન ગયેલા જોની અંકલ આજે કડકડાટ ઈંગ્લિશ બોલીને પોતાનો વેપાર ચલાવી રહ્યા છે.

સતત ખુશ મિજાજમાં રહેતા અંકલ વિદ્યાર્થીઓને ડાયલોગ પણ બોલી સંભળાવે છે.
સતત ખુશ મિજાજમાં રહેતા અંકલ વિદ્યાર્થીઓને ડાયલોગ પણ બોલી સંભળાવે છે.

ડાયલોગ પણ બોલતા રહે છે
જોની અંકલ સવારે 11 વાગ્યે પોતાની લારી લઈને યુનિવર્સિટી સામે આવે છે. ગ્રાહક જોઈને તેઓ જોની જોની યસ પાપા..ઇટિંગ શુગર નો પાપા..થોડા થોડા ખાને કા ટેન્શન કાઈ કો લેને કા.. ડાયલોગ બોલી ગ્રાહકોને આવકારે છે. બાદમાં ગ્રાહક આવે ત્યારે ચણા જોર આપતાં પહેલાં વિથ ઓનિયન ઓર વિધાઉટ ઓનિયન, રેગ્યુલર ઓર સ્પાઈસી અને ઓરિયેન્ટેડ ચિલી એવું ઈંગ્લિશમાં જ પૂછે છે.. નેવેર કોમ્પરોમાઇઝ ઇન ક્વોલિટી સર.. અને વેરી વેરી ટેસ્ટી.. કહીને ચણા જોર ગરમનું પેકેટ બનાવીને વિદ્યાર્થી ગ્રાહકોને આપે છે.

વિદ્યાર્થીઓ પણ અંકલની સ્ટાઈલને બિરદાવતા હોય છે.
વિદ્યાર્થીઓ પણ અંકલની સ્ટાઈલને બિરદાવતા હોય છે.

સતત ખુશ મિજાજમાં રહે છે
ગુજરાત યુનિવર્સિટીના વિદ્યાર્થીએ કહ્યું હતું કે જોની અંકલ સતત ખુશ મિજાજમાં રહેતા હોય છે. તેમના ચહેરા પર ઉદાસી જોવા મળતી નથી. નાનું કામ કરે છે, પરંતુ તેમને જોઈને મારા જેવા ઘણા વિદ્યાર્થીઓને પણ મોટિવેશન મળી રહેતું હોય છે. તેઓ ભલે સ્કૂલની અંદર ન ગયા હોય, પરંતુ જીવન ઘડતરના ઘણા પાઠ શીખ્યા છે. શાનથી જીવવાની એ પ્રેરણા આપતા રહે છે.

અન્ય સમાચારો પણ છે...