• Gujarati News
  • Dvb original
  • It Doesn't Matter How Long The Antibody Lasts After The Vaccine ... The Memory Of The Body's T cells Only Comes Into Play.

ભાસ્કર નોલેજ:સંક્રમણ થયું હશે કે વેક્સિન લીધી હશે તો શરીરના ટી-સેલ્સ સંક્રમણને યાદ રાખશે એટલે જ્યારે કોરોના થશે ત્યારે તે લડશે

નવી દિલ્હી5 દિવસ પહેલા
  • કૉપી લિંક
ફાઇલ તસવીર - Divya Bhaskar
ફાઇલ તસવીર
  • નિષ્ણાતોએ કહ્યું- એન્ટિબોડી વધુ બને અને વધુ દિવસ સુધી રહે તેને સંક્રમણના ખતરા સાથે કોઈ સંબંધ નથી
  • વિજ્ઞાનીઓએ કહ્યું- બીમારી ફક્ત દોઢ વર્ષ જૂની, સંક્રમણ અને રસીથી બનતી એન્ટિબોડીના તુલનાત્મક અધ્યયનનો કોઈ ઠોસ નિષ્કર્ષ નથી મળ્યો... ટી-સેલ્સની મેમરી બંનેથી બને છે

દુનિયાભરમાં કોરોના રસીકરણ ઝડપથી થઈ રહ્યું છે અને તેની અસરોની પણ જોરશોરથી ચર્ચા ચાલુ છે. હાલમાં જ કેટલાક અહેવાલોમાં કહેવાયું હતું કે, કોરોનાથી સંક્રમિત થઈને સાજા થનારામાં એન્ટિબોડીની માત્રા, રસી લીધા પછી બનતી એન્ટિબોડી કરતા વધુ હોય છે. એટલું જ નહીં, સંક્રમણ પછી બનતી એન્ટિબોડી વધુ સમય જળવાઈ રહે છે. આ સવાલ એવો છે, જે રસી લેનારી દરેક વ્યક્તિને થાય છે.

આ અંગે ભાસ્કરે નિષ્ણાતો સાથે વાત કરી તો તેમણે એકમતે કહ્યું કે, શરીરમાં એન્ટિબોડીની માત્રાના આધારે સંક્રમણના ખતરાને ના આંકી શકાય. એન્ટિબોડી વધુ દિવસ સુધી રહેવાથી પણ કોઈ ફર્ક નથી પડતો. રસીકરણ કે સંક્રમણ પછી શરીરમાં ટી-સેલ્સની મેમરીમાં એન્ટિબોડી બનાવતા તત્ત્વો આવી જ જાય છે. એટલે ભવિષ્યમાં સંક્રમણ થાય ત્યારે ટી-સેલ્સ તુરંત એન્ટિબોડી બનાવવા લાગે જ છે. નિષ્ણાતોનું કહેવું છે કે, અનેક દેશોમાં નેચરલ ઈન્ફેક્શન અને વેક્સિન લગાવ્યા પછી બનતા એન્ટિબોડી પર સંશોધન થયા છે, પરંતુ હજુ સુધી ઠોસ નિષ્કર્ષ નીકળી નથી શક્યું.

રસીની એન્ટિબોડી ખાસ વેરિયેન્ટ વિરુદ્ધ બને
એઈમ્સના એસો. પ્રો. ડૉ. નીરજ નિશ્ચલનું કહેવું છે કે, કોરોના સંક્રમણ પછી બનતી એન્ટિબોડી વધુ કારગર છે કારણ કે, એન્ટિબોડી અનેક પ્રકારના એન્ટિજન વિરુદ્ધ બને છે, જ્યારે રસી કોઈ ખાસ વેરિયેન્ટ વિરુદ્ધ અસરકારક હોય છે.

એન્ટિબોડી શરીરમાં રહે કે ઘટે, ફર્ક નથી પડતો
ICMRના વિજ્ઞાની ડૉ. સમીરન પાંડા કહે છે કે, એન્ટિબોડી ઘટવાથી ફર્ક નથી પડતો. તે બન્યા પછી બનતા મેમરી સેલ્સમાં ઈમ્યુનિટી રહે છે. તે ક્યાં સુધી રહે, તે હજુ સ્પષ્ટ નથી કારણ કે, આ બીમારી દોઢ જ વર્ષ જૂની છે.

ટી-સેલ્સ ઈમ્યુનિટી રહે, તો સંક્રમણ ઓછું રહેશે
ICMRના પૂર્વ વિજ્ઞાની ડૉ. રમણ ગંગાખેડકર કહે છે કે, ભવિષ્યમાં સંક્રમણ થાય તો ટી-સેલ્સની મેમરી સક્રિય થઈ એન્ટિબોડી બનાવે છે. ટી-સેલ્સ ઈમ્યુનિટી પછી પણ સંક્રમણનો ખતરો રહે છે. વૃદ્ધો-નબળા લોકોએ કદાચ બુસ્ટર ડોઝ લેવો પડે.

ઈમ્યુનિટીનો ગાળો રસી-વાઈરસના વેરિયેન્ટ પર આધારિત
નેશનલ કોવિડ ટાસ્ક ફોર્સના સભ્ય પ્રો. કે. શ્રીનાથ રેડ્ડીનું કહેવું છે કે, સંક્રમણ થયું હોય અને રસી પણ લીધી હોય તો એક વર્ષથી વધુ સમય ઈમ્યુનિટી રહે. આ ગાળો રસી અને વાઈરસના વેરિયેન્ટ પર પણ આધારિત છે.