• Gujarati News
  • Dvb original
  • In Surat, A Woman Who Studied 4th Standard Got Expertise In Papadi Cultivation, Earns 1 Lakh In 3 Months In 3 Vighas Of Land.

આજની પોઝિટિવ સ્ટોરી:સુરતમાં 4 ધોરણ ભણેલી મહિલાએ પાપડીની ખેતીમાં મેળવ્યો મહારથ, 3 વીઘા જમીનમાં 3 મહિનામાં 1 લાખની આવક કરે છે

સુરત5 દિવસ પહેલાલેખક: પંકજ રામાણી
હજીરા રોડ પર ભાઠા ગામે પોતાની 3 વીઘા જમીનમાં ઉષાબેન પાપડીનો પાક લે છે.
  • ઊંધિયા સહિત વેજ અને નોન-વેજમાં પાપડીનો ઉપયોગ થાય છે

કાશીના મરણની જેમ સુરતનું જમણ વખણાય છે. સુરતના જમણમાં ઊંધિયું ફેમસ છે. ત્યારે આ ઊંધિયામાં પાપડીનો ઉપયોગ ભરપૂર થાય છે. ત્યારે સુરતમાં પાપડીની ખેતીમાં ચાર ધોરણ ભણેલી મહિલાએ મહારથ મેળવ્યો છે. છેલ્લા 3 દાયકાથી ઉષાબેન પટેલ પાપડીની ખેતી કરે છે. હજીરા રોડ પર ભાઠા ગામે પોતાની 3 વીઘા જમીનમાં ઉષાબેન પાપડીનો પાક લે છે, જેનું જાતે જ ગ્રાહકોના ઘર સુધી વેચાણ કરીને માત્ર ત્રણ મહિનાના ટૂંકા ગાળામાં એકાદ લાખ જેટલી આવક મેળવે છે.

માત્ર ત્રણ મહિનાના ટૂંકા ગાળામાં એકાદ લાખ જેટલી આવક મેળવે છે.
માત્ર ત્રણ મહિનાના ટૂંકા ગાળામાં એકાદ લાખ જેટલી આવક મેળવે છે.

30 વર્ષથી પાપડીની ખેતી કરે છે
ઉષાબેન દીપકભાઈ પટેલએ કહે છે, સુરતીઓને પાપડી વગર ચાલતું નથી. તમામ સુરતીઓ વેજ કે નોન-વેજમાં પાપડીનો ઉપયોગ કરતા હોય છે. ત્યારે અમે આ પાપડીની ખેતી વર્ષોથી કરીએ છીએ. 30 વર્ષ કરતાં વધુ સમયમાંથી અમે પાપડીની ખેતી કરીએ છીએ. અમારી પાપડીનું વેચાણ અમે નવસારી બજારથી કરીએ છીએ, સાથે જ ગ્રાહકોના એડવાન્સ બુકિંગ હોય તો સીધા તેમના ઘર સુધી એની ડિલિવરી પણ કરીએ છીએ.

ગ્રાહકોના એડવાન્સ બુકિંગ હોય તો સીધા તેમના ઘર સુધી પાપડીની ડિલિવરી પણ કરાય છે.
ગ્રાહકોના એડવાન્સ બુકિંગ હોય તો સીધા તેમના ઘર સુધી પાપડીની ડિલિવરી પણ કરાય છે.

રોજની 20 કિલોથી વધુ પાપડીનું ઉત્પાદન થાય
60 દિવસના ટૂંકા ગાળાનો પાક હોવાનું કહેતાં ઉષાબેને ઉમેર્યું, છોડ પર પાપડી આવવાની શરૂઆત થાય એટલે રોજેરોજ પરિવાર સહિત શ્રમિકોની મદદથી પાપડી ઉતારતા હોઈએ છીએ. પરિવારમાં દીકરા-દીકરીઓ સહિતના લોકો પાપડી ઉતારવામાં મદદરૂપ થતા હોય છે. અમે ગ્રાહકોને રોજેરોજની તાજી પાપડી જ આપવાનું પસંદ કરીએ છીએ. એકદમ ફ્રેશ પાપડીથી ભોજનમાં પણ સ્વાદ સારો આવતો હોવાનું ગ્રાહકો જણાવતા હોવાનું ઉષાબેને વધુમાં કહ્યું હતું.

છોડ પર પાપડી આવવાની શરૂઆત થાય એટલે રોજેરોજ પરિવાર સહિત શ્રમિકોની મદદથી પાપડી ઉતારતા હોય છે.
છોડ પર પાપડી આવવાની શરૂઆત થાય એટલે રોજેરોજ પરિવાર સહિત શ્રમિકોની મદદથી પાપડી ઉતારતા હોય છે.

પાપડી 150થી વધુ રૂપિયે કિલો વેચાય છે
શરૂઆતમાં પાપડીના ભાવ સારા મળતા હોય છે. 200 રૂપિયાથી શરૂ થતી પાપડી સીઝનમાં વધુ ઉત્પાદન થાય એ વખતે 150 રૂપિયે આસપાસ વેચાતી હોય છે. ગ્રાહકો ફોન પર એડવાન્સમાં બુકિંગ કરાવતા હોવાનું જણાવી ઉષાબેને કહ્યું હતું કે એક કિલોથી વધુ પાપડીની ખરીદી કરનારના ઘર સુધી અમે પાપડી પહોંચાડી દઈએ છીએ. સુરતીઓ એક ટાઈમ ભોજનમાં પાપડી ખાવાનું પસંદ કરતા હોય છે. વેજ અને નોજ-વેજ બન્ને આઈટમમાં પાપડીનો ઉપયોગ ભરપૂર થતો હોવાથી પાપડીની માગ એકધારી રહેતી હોય છે. શિયાળામાં ઠંડી પડે એમ પાપડીનું ઉત્પાદન પણ વધે છે અને વેચાણ પણ થતું હોય છે.

ગ્રાહકોને રોજેરોજની તાજી પાપડી જ આપવાનું પસંદ કરીએ છીએ-ઉષાબેન.
ગ્રાહકોને રોજેરોજની તાજી પાપડી જ આપવાનું પસંદ કરીએ છીએ-ઉષાબેન.

ઈયળોથી પાકને બચાવવો પડે
પાપડીની ખેતીમાં પાણીની ઓછી જરૂર પડે છે, સાથે જ પાપડીનો પાક તૈયાર થાય ત્યારે રોજેરોજ એને ઉતારી લેવી પડતી હોય છે. પાપડીના પાકમાં સામાન્ય રીતે માત્ર ઈયળોનો જ ત્રાસ રહેતો હોય છે. ઈયળો સિવાયનો રોગ ખાસ લાગુ પડતો નથી. ઈયળોથી પાકની માવજત કરવી પડતી હોય છે, નહિતર એક રાતમાં સમગ્ર ખેતર સાફ થઈ જતા હોવાના બનાવ પણ બનતા હોવાનું ઉષાબેને જણાવ્યું હતું.

150થી 200 રૂપિયા સુધીના ભાવે કિલો પાપડીનું વેચાણ થાય છે.
150થી 200 રૂપિયા સુધીના ભાવે કિલો પાપડીનું વેચાણ થાય છે.

પાપડીની શીંગો પાતળી અને ભરાવદાર હોય
પાપડીને ઊંધિયા પાપડી તરીકે પણ ઓળખવામાં આવે છે. આ જાતનાં ફૂલ સફેદ રંગનાં હોય છે, જ્યારે છોડ અર્ધનિયંત્રિત વૃદ્ધિવાળા હોય છે. શીંગો મધ્યમ લંબાઈની પાતળી ભરાવદાર હોય છે, જેનો રંગ લાલાશ પડતો સફેદ હોય છે. શીંગની છાલ અતિસુંવાળી હોવાથી દાણાનો વિકાસ થયા પછી પણ રેસા વગરની સુંવાળી રહે છે, જેથી શીંગોને છાલ સાથે ટુકડા કરી ઉપયોગમાં લઈ શકાય છે. શીંગમાં ત્રણથી ચાર લાલાશ પડતા સફેદ રંગના મધ્યમ કદના દાણા હોય છે.

શિયાળામાં ઠંડી પડે એમ પાપડીનું ઉત્પાદન પણ વધે છે.
શિયાળામાં ઠંડી પડે એમ પાપડીનું ઉત્પાદન પણ વધે છે.

વાવણી સમય, અંતર અને પદ્ધતિ
વાલ પાપડીની સામાન્ય રીતે સપ્ટેમ્બર માસ દરમિયાન વાવણી કરવામાં આવે છે. સામાન્ય રીતે જાતની વૃદ્ધિની ખાસિયત પ્રમાણે બે હરોળ વચ્ચે 0.90થી 1.20 મીટર અને એક હરોળ બે છોડ વચ્ચે 0.50થી 0.75 મીટર અંતર રાખવામાં આવે છે. ખૂબ નિયંત્રિત વૃદ્ધિવાળી જાતો 0.45 મીટર X 0.30 મીટર અંતર રાખી વાવણી કરવામાં આવે છે. આ પાકની ખુલ્લા ખેતરમાં ખેતી કરવામાં આવે છે. એના છોડની વૃદ્ધિ વાલોળની સરખામણીમાં ઓછી હોય છે અર્થાત નિયંત્રિત કે અર્ધનિયંત્રિત વૃદ્ધિવાળો પાક છે, જેથી છોડ જમીન પર આડા પથરાતા હોવાથી આ પાકને ફિલ્ડબીન તરીકે ઓળખવામાં આવે છે.

પાચનમાં પણ પાપડી ખૂબ ફાયદાકારક હોય છે.
પાચનમાં પણ પાપડી ખૂબ ફાયદાકારક હોય છે.

અપચો થતો નથી
આ જાતમાં અપચો અને ગેસ કરનાર લેક્ટિન જેવાં પોલિફિનોલિક તત્ત્વોનું પ્રમાણ ઓછું હોય છે, જેથી આખી શીંગ તેમજ લીલા દાણા શાકભાજી તરીકે બહોળા પ્રમાણમાં વપરાય છે. આ વાલ પાપડીની મુખ્યત્વે માગ શાકભાજી માટે તેમજ ઊંધિયું બનાવવા માટે રહેતી હોય છે. ઝાલરની સરખામણીમાં આ પાક સુંવાળી હોવાથી વિપરીત પરિસ્થિતિનો પ્રતિકાર કરી શકતી નથી અને પ્રમાણમાં રોગ-જીવાત વધારે આવતા હોય છે. આ પાકની ખેતી અર્ધરવિ પાક પિયત પાક તરીકે કરવામાં આવે છે.

અન્ય સમાચારો પણ છે...