કરિયર ફંડાસ્ટડી પણ કરવો છે ને કામ પણ કરવું છે:સ્પર્ધાત્મક પરીક્ષાની તૈયારી સાથે ઘરના કામનું મેનેજમેન્ટ કેવી રીતે કરવું

અવકાશમાં એક વસ્તુ, એકદમ ઘરની જેમ જ છે: તમે ઘરના કામથી બચી ના શકો. દર શનિવારે તમારે સ્ટેશનને સારી રીતે સાફ કરવું પડે છે. ~ શેનન વોકર (નાસા એસ્ટ્રોનોટ)

કરિયર ફંડામાં સ્વાગત છે!

ઘરના કામકાજથી કોઈ મુક્ત નથી

લાંબા અંતરિક્ષ મિશન માટે પ્રખ્યાત નાસાની એસ્ટ્રોનોટ શેનન વોકરના આ સ્ટેટમેન્ટ પરથી એક વાત સમજી શકાય છે કે રોજબરોજના ઘરના કામમાંથી કોઈ બચી શકતું નથી.

શું તમે પણ આ જ સવાલનો સંઘર્ષ કરી રહ્યા છો?

શું તમે સ્પર્ધાત્મક પરીક્ષાઓની તૈયારી કરતી વખતે ઘરનાં કામો કેવી રીતે કરવા તે અંગે પણ ટેન્શનમાં છો? શું તમે પણ વિચારો છો કે આ કામોને લીધે તમે ક્યારેય કંઈ શીખી શકશો નહીં? અને તમને આ સમસ્યા હલ કરવાનો કોઈ રસ્તો દેખાતો નથી? તો આજનો લેખ તમારા માટે છે!

પરીક્ષાની સ્ટડી સાથે ઘરનું મેનેજમેન્ટ કરવા માટેના છ સ્ટેપ્સ

અભ્યાસમાં સંપૂર્ણ ધ્યાન લગાવવાની ઈચ્છા ધરાવનાર ઘરના કામકાજમાં "અટવાઈ જવાની" નિરાશા હોય છે. પરંતુ યોગ્ય પ્લાનિંગ સાથે તમે તેને મેનેજ કરી શકો છો, અને તમારા પરીક્ષાના પ્રદર્શનને બગડતા બચાવી શકો છો.

1) સમસ્યાને જાણો

આ સમસ્યાને નીપટવા માટે સૌથી પહેલા તમારે જાણવું પડશે કે તમારી સમસ્યા શું છે અને કેટલી મોટી છે.

આ માટે તમારે જે કામ કરવાના છે તેની યાદી બનાવો. પછી ભલે તમે બીજા શહેરમાં એકલા ભણતા હોવ કે પરિવાર સાથે - આમાં રસોઈ, કપડાં ઇસ્ત્રી કરવા, વાસણો/કપડાં ધોવા, બજારમાંથી શાકભાજી/કરિયાણા લાવવા, બિલ ભરવા, ઘરની સફાઈ, ધોયેલા કપડાં ફોલ્ડ કરવા, વૉશરૂમ, પથારીની વ્યવસ્થા, ચાદર ધોવી, ફ્રીજ વગેરેની સફાઈનો સમાવેશ થાય છે.

તમે તમારી યાદી બનાવો કે તમારે શું-શું કરવાનું છે.

2) સમયની પસંદગી

તે પછી જાણો કે અભ્યાસનો કયો સમય તમારા માટે અનુકૂળ છે.

કેટલાક લોકોને રાત્રે અભ્યાસ કરવો ગમે છે તો કેટલાક લોકોને વહેલી સવારે અભ્યાસ કરવો ગમે છે. ભણવા માટે ગમે તેટલો સમય પસંદ કરો, બાકીના સમયમાં ઘરના કામ કરો. યાદ રાખો કે તમારી પ્રાથમિકતા સ્પર્ધાત્મક પરીક્ષાઓની તૈયારી છે, તેથી તેને પ્રાધાન્ય આપીને તમારા સમયનું આયોજન કરો.

સપ્તાહાંત અને રજાઓનો લાભ લો અને તે પછી શું કરવું તેની યોજના બનાવો. રજાઓમાં ઘણી દુકાનો બંધ રહે છે, તેથી તે કામ કરવા માટે જરૂરી વસ્તુઓ અગાઉથી લાવવી. નહિંતર તે આવશ્યક વસ્તુના અભાવે તમારું કામ અટકી જશે. ફ્લેક્સિબલ સ્ટડી અવર્સ પણ બનાવી શકાય છે.

3) પ્રોડક્ટિવ બ્રેક્સ (Productive Breaks)

અભ્યાસ દરમિયાન, વચ્ચે-વચ્ચે નાના-નાના બ્રેક લેવા જ પડે છે, આ બ્રેક્સમાં કેટલાક નાના કામો જેવા કે રૂમમાં ધૂળ, સાફ-સફાઈ કરવી, ચાના વાસણો સાફ કરવા અથવા વોશિંગ મશીનમાં એક-બે જોડી કપડાં ધોવા વગેરે કરી શકાય છે.

બ્રેકના બ્રેકથી કામનું કામ થશે. આ બ્રેક્સ દરમિયાન 15 મિનિટથી વધુ સમય લેતું કોઈપણ કાર્ય કરવું નહીં, અન્યથા બ્રેક લંબાઇ શકે છે અથવા કામ પૂર્ણ ન થાય અને અધૂરું રહી જશે.

4) પરિવાર અથવા મિત્રની મદદ લો

જો તમે પરિવાર સાથે હોવ તો તમારા ભાઈ-બહેનની મદદ લો અને જો તમે ઘરથી દૂર હોવ તો તમારી સાથે રહેતા મિત્રો, રૂમમેટ વગેરેની મદદ લો.

મોટા અને મહાન બનવાની પ્રક્રિયામાં તમામ કામ તમારા પોતાના માથા પર ન લો, તેના બદલે તમામ ઉપલબ્ધ લોકોમાં તાર્કિક અને ક્ષમતા અનુસાર કાર્યની વહેંચણી કરો. જો તમને પરવડે તો તે કામ આઉટસોર્સ કરો જે પછી પણ તમે મેનેજ કરી શકતા નથી.

5) ગેમ સમજીને કરો

મોટાભાગનાં ઘરનાં કામોમાં મલ્ટી-ટાસ્કિંગ સામેલ હોય છે અને તે મોનોટોનસ હોય છે.

આનો સામનો કરવાનો માર્ગ તેમને રસપ્રદ બનાવવા - ઉદાહરણ તરીકે કલ્પના કરો કે જો સ્વીપિંગ એક ઓલિમ્પિક રમત હોય, તો નિયમો શું હશે, શું ફાઉલ ગણવામાં આવશે, કઇ સ્કિલની જરૂર પડશે, કોમેન્ટેટર કેવી રીતે કોમેન્ટ્રી કરશે, લો હસતા હસતા ક્વોલિટી કામ થઈ ગયું.

6) મહત્વપૂર્ણ કામોને પહેલા કરો

મહત્વપૂર્ણ કામોને પહેલા કરો અને મુલતવી રાખશો નહીં. એવા કાર્યોને ઓળખો કે જેના વિના બીજા બધા કામ અટકી શકે, જેમ કે તમારે બીજા દિવસે કોલેજમાં ચોક્કસ ડ્રેસ પહેરવાનો હોય અને તે તૈયાર ન હોય, તમે ઇન્ટરનેટનું બિલ સમયસર ચૂકવ્યું ન હોય અને ઓનલાઇન ક્લાસ દરમિયાન ઇન્ટરનેટ ઉપલબ્ધ ન હોય. વગેરે....

હું આશા રાખું છું કે સ્પર્ધાત્મક પરીક્ષાઓની તૈયારી સાથે ઘરના કામ મેનેજ કરવા માટેની મારી ટીપ્સ તમારા માટે ઉપયોગી થશે.

તો આજનો કરિયર ફંડા છે કે ઘણી વખત મોટી સફળતાના રહસ્ય રોજબરોજની નાની નાની વસ્તુઓને સારી રીતે કરવામાં છુપાયેલા હોય છે.

કરીને બતાવીશું!