• Gujarati News
  • Dvb original
  • Deesa's Youth Farmer Instead Of Working After Getting BSc Agri, Earns Rs 45 Lakh A Year By Preparing Seedlings In High tech Nurseries

આજની પોઝિટિવ સ્ટોરી:ડીસાના યુવકે Bsc એગ્રી કર્યા બાદ નોકરી કરવાની જગ્યાએ ખેતી કરી, હાઈટેક નર્સરીમાં રોપા તૈયાર કરીને વર્ષે 45 લાખની કમાણી

પાલનપુર2 મહિનો પહેલાલેખક:  મુકેશ ઠાકોર
યુવકે પોતાના અભ્યાસનો ઉપયોગ કરીને ખેતીમાંથી મબલખ આવક ઉભી કરી છે.
  • પરંપરાગત ખેતીની જગ્યાએ યુવકે ત્રણ વર્ષમાં આવક આઠ ગણી વધારી દીધી

પરંપરાગત ખેતીની જગ્યાએ વૈજ્ઞાનિક ઢબે કોઠાસૂઝથી થતી ખેતી ઘણી સારી આવક રળી આપે છે. ડીસાના યુવકે Bsc એગ્રીકલ્ચરની ડિગ્રી મેળવ્યાં બાદ ખાનગી કંપનીમાં મોભાદાર પગારની નોકરી ઠુકરાવીને પોતાની જ ખેતીમાં ઝંપલાવ્યું છે. ત્રણ વર્ષથી હાઈટેક રીતે નર્સરીમાં રોપા તૈયાર કરીને વેચાણ શરૂ કરવામાં આવ્યું છે. જેથી ત્રણ વર્ષ પહેલાં જે આવક હતી તેમાં આઠ ગણો વધારો થવાની સાથે સાથે મયુર પ્રજાપતિની આવક વર્ષે 45 લાખ જેટલી થવા લાગી છે.

નેટ હાઉસમાં પપૈયાં,ટામેટા,રીંગણ,કોબિઝ,ફૂલાવર, તૈયાર કરીને ખેડૂતોને પ્રોવાઇડ
નેટ હાઉસમાં પપૈયાં,ટામેટા,રીંગણ,કોબિઝ,ફૂલાવર, તૈયાર કરીને ખેડૂતોને પ્રોવાઇડ

આધુનિક ખેતિમાં પરંપરાગત હુન્નરનો ઉપયોગ
ડીસાના મયુર પ્રજાપતિએ Bsc એગ્રીની ડિગ્રી મેળવીને ખાનગી કંપનીમાં નોકરી કરવાની જગ્યાએ પોતાના પરંપરાગત વ્યવસાય એવા ખેતી તરફ ઝંપલાવ્યું હતું. તેમનામા રહેલા કૃષિ જ્ઞાન અને પરંપરાગત હુન્નરની મદદથી સામાન્ય કરતાં અલગ રીતે ખેતીની શરૂઆત કરી હતી. મયુર પ્રજાપતિએ તેના અભ્યાસનો લાભ લઈને પોતાના ખેતરમાં આધુનિક ખેતીની શરૂઆત કરી હતી. સૌ પ્રથમ મયુર પ્રજાપતિએ સિઝન કરતાં પહેલા પાકનું વાવેતર કેવી રીતે કરી શકાય તેના પર સંશોધન કર્યું હતું.

મયુર પ્રજાપતિએ Bsc એગ્રીની ડિગ્રી મેળવીને પોતાની ખેતીમાં પ્રયોગ શરૂ કર્યાં હતાં
મયુર પ્રજાપતિએ Bsc એગ્રીની ડિગ્રી મેળવીને પોતાની ખેતીમાં પ્રયોગ શરૂ કર્યાં હતાં

ગ્રીન હાઉસ અને વાઈટ હાઉસ બનાવ્યાં
મયુર પ્રજાપતિએ કરેલા અભ્યાસ પરથી શીખ લઈને પોતાના ખેતરમાં ગ્રીન હાઉસ અને વાઇટ હાઉસનું નિર્માણ કર્યું હતું. ઉનાળુ વાવેતરમાં થતી શક્કર ટેટીનું વાવેતર શિયાળામાં કર્યું અને શિયાળાની ઠંડીથી આ છોડને બચાવવા માટે વાઇટ હાઉસ તૈયાર કરીને તાપમાન જાળવી રાખ્યું હતું. છોડ એક માસના થઈ ચૂક્યા હતા અને ઉનાળાની ટેટીનો પાક એક માસ પહેલા જ મેળવવાની શરૂઆત કરી દીધી હતી. તેમની આ ખેત પદ્ધતિથી અન્ય ખેડૂતોએ પણ પ્રભાવિત થયા હતાં.

મયુર પ્રજાપતિએ તેના અભ્યાસનો લાભ લઈને પોતાના ખેતરમાં આધુનિક ખેતીની શરૂઆત કરી
મયુર પ્રજાપતિએ તેના અભ્યાસનો લાભ લઈને પોતાના ખેતરમાં આધુનિક ખેતીની શરૂઆત કરી

વાર્ષિક આવકમાં વધારો થયો
હવે મયુરને તેમની નર્સરીમાં અત્યારથી જ ટેટી,મરચા,ટામેટા,પપૈયા,ફુલાવર, કોબિઝના વાવેતર માટે છોડ તૈયાર કરવાનો કોન્ટ્રાક્ટ મળતાં થઈ ગયા છે. એકદમ નાની વયમાં મયુર પ્રજાપતિએ પોતાના અભ્યાસ અને પારંપારિક અનુભવના આધારે તેમના ખેતરમાથી વાર્ષિક આવક આઠ ઘણી વધારી દીધી છે. અન્ય ખેડૂતોને પણ આ પદ્ધતિ અપનાવવા માટે તેઓ સલાહ આપી રહ્યા છે.

શિયાળાની ઠંડીથી આ છોડને બચાવવા માટે વાઇટ હાઉસ તૈયાર કરીને તાપમાન જાળવી રાખ્યું
શિયાળાની ઠંડીથી આ છોડને બચાવવા માટે વાઇટ હાઉસ તૈયાર કરીને તાપમાન જાળવી રાખ્યું

પ્રોફેસર પાસેથી માર્ગદર્શન લીધી
મયુર પ્રજાપતિએ જણાવ્યું હતું કે, Bsc એગ્રીકલ્ચર દાંતીવાડા યુનિવર્સિટીમાંથી 2018 માં પાસ આઉટ કર્યું. ત્યારબાદ નોકરીની જગ્યાએ પરંપરાગત ખેતી કરતા એમાં ઇનોવેશન લાવીને કૃષિ વિજ્ઞાન કેન્દ્રના પ્રોફેસર યોગેશ પવાર પાસેથી માર્ગદર્શન લીધું અને પારંપરિક ખેતી છોડીને આધુનિક અને વિજ્ઞાનિક પદ્ધતિથી ખેતી કરવા લાગ્યા. ધીરે ધીરે નર્સરીમાં ડેવલોપમેન્ટ કર્યું. નર્સરી કર્યા પછી એન્ટી ઇન્સેક નેટ હાઉસ અને એક સાદું નેટ હાઉસ હર્ડિંગ માટે તૈયાર કર્યું હતું.

અભ્યાસ અને પારંપારિક અનુભવના આધારે તેમના ખેતરમાથી વાર્ષિક આવક આઠ ઘણી વધારી દીધી
અભ્યાસ અને પારંપારિક અનુભવના આધારે તેમના ખેતરમાથી વાર્ષિક આવક આઠ ઘણી વધારી દીધી

નેટ હાઉસમાં રોપા તૈયાર કર્યા
નેટ હાઉસમાં પપૈયાં,ટામેટા,રીંગણ,કોબિઝ,ફૂલાવર, તૈયાર કરીને ખેડૂતોને પ્રોવાઇડ કરાય છે. આ વખતે ટેટી, તરબૂચમાં રોપા તૈયાર કરીને આપતા હતાં. જે નેનીટોડ છે. જમીન જન્ય અને ફુગના જે પ્રશ્ન હતા તે બિલકુલ આવતા નહોતા. ખેડૂતોને પંદર દિવસ પહેલા પાક આવતો હતો અને સારા એવા ભાવ મળતા હતાં. તેનું અમે ટોટલ ઇષ્ટયુમેશન કરીને કૃષિ વિજ્ઞાન કેન્દ્રમાં જ એક સારું લેવાલથી બનાવેલું છે.ડોક્યુમેન્ટ એમાં ટોટલ નફો અને ખર્ચ સામેસારી આવક એમાં નોંધાયેલી છે. અમે જે પરંપરિક ખેતી કરતા ઘઉં,બાજરી,એરંડા,જેવી ખેતી કરતા જેમાં અમે ઝંપલાવીને શાકભાજીની ખેતી કરેલી છે. રીંગણ, ફૂલાવર, કોબિઝ,મરચા,પપૈયાની ખેતી કરી હોવાનું મયુરે વધુમાં ઉમેર્યું હતું.

નર્સરીમાં રોપાનો ઉછેરી ખેડૂતોને પ્રોવાઇડ કરવામાં આવે છે.
નર્સરીમાં રોપાનો ઉછેરી ખેડૂતોને પ્રોવાઇડ કરવામાં આવે છે.

85 વિઘા જમીનમાં ખેતી કરાય છે
મયુર પ્રજાપતિ એ જણાવ્યું હતું કે, અમે રેગ્યુલર અમારી જમીન પર ખેતી કરતા સારો નફો થતો હતો. 15 વિઘા અને રેન્ટ પર 70 વિઘા જમીન લઈને ખેતી કરી રહ્યા છીએ. ટોટલ આધુનિક પદ્ધતિથી ખેતી કરી રહ્યા છીએ. પહેલા અમારી વાર્ષિક આવક 5 થી 6 લાખની થતી હતી. જે વધીને 40 થી 45 લાખ સુધીમાં લાવ્યા છીએ. અત્યારે નર્સરીમાં રોપાનો ઉછેર કરીએ છીએ અને ખેડૂતોને પ્રોવાઇડ કરીએ છીએ. અમારી નર્સરીની વિશેષતા એ છે કે, જે રોપા પ્રોવાઇડ કરીએ છીએ બિલકુલ નેમેટોડ ઓર્થો નથી. જે ખેડૂતના ખેતરમાં જઈને રોપા મારી જાય. એ વસ્તુ અહીં નથી. કારણ કે, અહિં પ્રોપર હર્ડિંગ કરીને રોપા ખેડૂતોને પ્રોવાઇડ કરીએ છીએ. જેથી ખેડૂતને કોસ્ટ કલ્ટીવેશનમાં પણ ઘટાડો થઈ જાય છે.

અન્ય સમાચારો પણ છે...