• Home
  • Dvb Original
  • All You Need To Know About 47 Chinese App Ban|PUBG May Be Banned In India|Why Indian Govt Banning Chinese Apps| What Is Cloning Of App| Is It Legal To Clone An App| IT Act Section 66A

ભાસ્કર એક્સપ્લેનર / સરકારે અગાઉ બૅન કરેલી 59 ચાઈનીઝ એપ્સની 47 ક્લોન એપ્સ બૅન કરી; શું PUBG સહિત 275 એપ્સ પણ બૅન થશે?

All You Need To Know About 47 Chinese App Ban|PUBG May Be Banned In India|Why Indian Govt Banning Chinese Apps| What Is Cloning Of App| Is It Legal To Clone An App| IT Act Section 66A
X
All You Need To Know About 47 Chinese App Ban|PUBG May Be Banned In India|Why Indian Govt Banning Chinese Apps| What Is Cloning Of App| Is It Legal To Clone An App| IT Act Section 66A

  • 29 જૂને 59 અને 24 જુલાઈના રોજ સરકારે 47 ચાઈનીઝ એપ્સ બૅન કરી, હવે દેશમાં પ્રતિબંધિત ચાઈનીઝ એપ્સની કુલ સંખ્યા 106 થઈ છે
  • આ એપને ઓપરેશનલ એથિક્સ અર્થાત યુઝરનો ડેટા ચીનની ગુપ્તચર એજન્સીઓ સુધી પહોંચાડવા માટે બૅન કરાઈ છે
  • બૅન કરવામાં આવેલી તમામ 47 એપ્સ અગાઉ બૅન કરવામાં આવેલી 59 એપ્સની ક્લોન એપ્સ છે

દિવ્ય ભાસ્કર

Jul 28, 2020, 01:20 PM IST

કેન્દ્ર સરકારે 29 જૂને 59 ચાઈનીઝ એપ્સને ભારતમાં બૅન કરી હતી. સોમવારે આ તમામ એપ્સની ક્લોન એપ્સને પણ સરકારે બૅન કરી છે. હવે કુલ 106 ચાઈનીઝ એપ્સ ભારતમાં બૅન થઈ છે. હવે PUBG, અલીએક્સપ્રેસ સહિત 275 ચાઈનીઝ એપ્સ પર સરકાર નજર રાખી રહી છે. આ તમામ એપ્સ પણ બૅન થઈ શકે છે. ક્લોન એપ એટલે શું? આ એપ્સ કેવી રીતે દેશ માટે જોખમકારક છે?

સરકારનો નિર્ણય શું છે અને તે કેમ લેવાયો?

  • ઈન્ફોર્મેશન એન્ડ ટેક્નોલોજી મંત્રાલયે 24 જુલાઈએ 47 ચાઈનીઝ એપ્સ પર પ્રતિબંધ લગાવ્યો હતો. આ તમામ એપ્સ 29 જૂને બૅન કરવામાં આવેલી એપ્સની ક્લોન હતી.
  • આ એપ્સને બૅન કરવા માટેનું કારણ એપ્સના ‘ઓપરેશનલ એથિક્સ’ છે. તેથી આ એપ્સનું મોનિટરિંગ કરવામાં આવી રહ્યું હતું.
  • ‘ઓપરેશનલ એથિક્સ’નો અર્થ એ થાય છે કે આ એપ્સ યુઝરનો ડેટા ચીનની ગુપ્તચર એજન્સીઓ સુધી પહોંચાડી રહી હતી. તેનાથી રાષ્ટ્રીય સુરક્ષાને જોખમ છે.
  • ચાઈનીઝ કાયદાઓ અંતર્ગત મૂળ ચાઈનીઝ કંપનીઓ તેમના ઓપરેશન દેશની બહાર હોય તો પણ ચીનની ગુપ્તચર એજન્સીઓ સાથે ડેટા શેર કરે છે.
  • તેને જ આધાર બનાવી સરકારે 29 જૂને ટિકટોક, શેરઈટ, UC બ્રાઉઝર અને કેમ સ્કેનર સહિત કુલ 59 ચાઈનીઝ એપ્સ બૅન કરી છે.
  • આ બૅન ત્યારે લગાવવામાં આવ્યો જ્યારે ભારત-ચીન સીમા પર સ્થિત ગલવાન ખીણમાં હિંસક અથડામણ થઈ હતી. તેમાં 15 જૂને 20 ભારતીય જવાનો શહીદ થયા હતા.
  • IT એક્ટના સેક્શન 66A અંતર્ગત આ એપ્સને બૅન કરવામાં આવી હતી. તેમાં ટિકટોક સહિતની અનેક એપ્સ ડાઉનલોડ્સના લિસ્ટમાં દેશમાં ટોપ-10માં સામેલ હતી.

47 ક્લોન એપ પર બૅન કેમ? તેને અગાઉ કેમ બૅન ન કરવામાં આવી?

  • જે 47 ક્લોન એપને બૅન કરવામાં આવી તેમાં ટિકટોક લાઈટ, હેલો લાઈટ, શેરઈટ લાઈટ, બિગો લાઈટ અને vfy લાઈટ સહિતની એપ્સ સામેલ હતી.
  • જ્યારે સરકારે 59 એપ્સ બૅન કરી તો તેની ક્લોન અર્થાત અગાઉ બૅન કરવામાં આવેલી એપ્સનાં જ ફીચર્સ ધરાવતી એપ્સના ડાઉનલોડની સંખ્યા વધવા લાગી અને તે સરકારની રડારમાં આવી.
  • ટિકટોક, શેરઈટ અને કેમસ્કેનર સહિત એપ્સ સાથે મેળ ખાતી કેટલીક એપ્સ ગૂગલ પ્લે સ્ટોર પર ડાઉનલોડ્સમાં ટોપ-10 લિસ્ટમાં સામેલ હતી.
  • આ વાતને આધાર બનાવી તપાસ કરવામાં આવી અને મોનિટરિંગમાં સામે આવ્યું કે આ 47 એપ્સ પણ ચીનની ગુપ્તચર એજન્સીઓ સુધી ડેટા પહોંચાડી રહી છે.

શું પોપ્યુલર ગેમ PUBG પણ બૅન થશે?

  • હવે PUBG પણ બૅન થઈ શકે છે તેવા સમાચારો વહેતા થયા છે. સૂત્રોના જણાવ્યા અનુસાર, PUBG (પ્લેયર અનનોન્સ બેટલગ્રાઉન્ડ્સ) સહિત 275 એપ્સ રડાર પર છે.
  • PUBG ભારત સહિત ઘણા દેશોમાં લોકપ્રિય છે. ભારતમાં જ એપને 17.5 કરોડ ડાઉનલોડ્સ મળ્યા છે.
  • PUBGને દક્ષિણ કોરિયાની વીડિયો ગેમ મેકર બ્લૂહોલે ડેવલપ કરી છે. જોકે, તેમાં ચાઈનીઝ મલ્ટિનેશનલ કંપની ટેન્સેન્ટની ભાગીદારી છે.
  • આ અગાઉ પણ PUBG એપ નિશાના પર હતી. કેટલાક બાળકોની લતના કારણે તેમના માતા-પિતા કંટાળી ચૂક્યાં હતાં. કેટલાંક રાજ્યોએ તેને અસ્થાયી રીતે બૅન કરી હતી.
  • PUBGએ તે સમયે આશ્વાસન આપ્યું હતું કે તે પેરેન્ટ્સ, એજ્યુકેટર્સ અને સરકારી સંસ્થાઓ સાથે મળીને સુરક્ષિત ઈકોસિસ્ટમ બનાવશે.

PUBG સિવાય અન્ય કઈ એપ્સ લિસ્ટમાં સામેલ?

  • 275 એપ્સનાં લિસ્ટમાં PUBG સિવાય શાઓમીની zili, અલીબાબા ગ્રૂપની અલીએક્સપ્રેસ અને resso તેમજ બાઈટડાન્સની Ulike સહિતની એપ્સ સામેલ છે.
  • ડેટા શેરિંગ અને પ્રાઈવસીની ચિંતાઓને લીધે આ એપ્સ સરકારના રડાર પર છે. જોકે, અત્યાર સુધી તેને બૅન કરવામાં આવી નથી.
  • આ લિસ્ટમાં શાઓમીની ઓછી લોકપ્રિયતા ધરાવતી એપ્સ કેપકટ, ફેસયુ, મીટુ, lbe ટેક, પરફેક્ટ કૉર્પ, નેટઈઝ ગેમ્સ અને યુઝુ ગ્લોબલ સામેલ છે.
  • લિસ્ટમાં હેલસિન્કી બેઝ્ડ સુપરસેલ એપ પણ સામેલ છે, આ એપમાં ચાઈનીઝ કંપનીઓએ રોકાણ કર્યું છે. સિના કૉર્પ પણ આ પ્રકારની જ એપ છે.

એપ ચીનની ન હોય તો પણ બૅન શા માટે?

  • નેશનલ સાયબર સિક્યોરિટી કોઓર્ડિનેટર રાજેશ પંતના જણાવ્યા અનુસાર, કંપની ભલે સિંગાપોરની હોય પરંતુ તેનું સર્વર ચીનમાં છે અને ચીન યુઝર્સનો ડેટા કલેક્ટ કરી રહી છે.
  • જે ટેક કંપની કે એપ્સની માલિકીની કંપનીઓમાં મૂળ ચાઈનીઝ કંપનીઓએ રોકાણ કરેલું છે, તેનાથી જોખમ છે. આ કંપનીઓ એપ ડેવલપર્સને ચીન સરકાર સાથે ડેટા શેર કરવા માટે મજબૂર કરે છે.
  • સરકારે આ એપ્સને બૅન કરવાની કાર્યવાહી નક્કી કરી છે. સંબંધિત મંત્રાલયને ભારતમાં એપ્સની સતત તપાસ માટે એક કાયદો ઘડવા કહેવામાં આવ્યું છે.
  • ઈલેક્ટ્રોનિક્સ અને ઈન્ફોર્મેશન એન્ડ ટેક્નોલોજી મંત્રાલયના એક અધિકારીએ દાવો કર્યો છે કે, આ પ્રકારે બૅન જાહેર કરવા માટે સમિતિની રચના કરવામાં આવી છે.

શું વિદેશોમાં પણ ભારતની જેમ ચાઈનીઝ એપ બૅન કરવામાં આવી રહી છે?

  • જે સાગર એસોસિએટ્સના પાર્ટનર સંજય સિંહના જણાવ્યા પ્રમાણે, વૈશ્વિક સ્તર પર ઘણા દેશોમાં તેના નાગરિકોના ડેટાની સુરક્ષાને લઈને આ ટ્રેન્ડ જોવા મળી રહ્યો છે.
  • 2020માં ભારતમાં સ્માર્ટફોન યુઝર્સની સંખ્યા 44 કરોડને વટાવી જશે. આવી સ્થિતિમાં ભારત સરકારે પોતાના નાગરિકોના ડેટાની સુરક્ષાની ઓળખ કરી છે.
  • ચીનમાં ટેલિકોમ, OTT સહિત ઘણી મોટી કંપનીઓ સરકારની સાથે લિંક છે. તેના કારણે ડેટા સિક્યોરિટીના મુદ્દે ચાઈનીઝ કંપનીઓનો વિરોધ કરવામાં આવી રહ્યો છે.
  • અમેરિકાની સાથે સાથે ઓસ્ટ્રેલિયા અને અન્ય દેશોમાં પણ ચાઈનીઝ એપથી ચોરીની ફરિયાદોને પગલે કાર્યવાહીની માગ ઊઠી રહી છે. જો કે, હજી સુધી કોઈએ ભારતની જેમ કોઈ એપ પર પ્રતિબંધ નથી મૂક્યો.

એપ ક્લોન શું હોય છે?

  • એપ ક્લોનનો અર્થ થાય છે કે કોઈ અન્ય વેબસાઈટ અથવા એપ થીમનો આધાર બનાવીને તેની ડિઝાઈન અને કોન્સેપ્ટની કોપી કરી નવી એપ બનાવવી.
  • પરંતુ ક્લોનિંગનો અર્થ તે નથી, તે ઓરિજિનલ જેવી બનાવવામાં આવે, પરંતુ તેનો આઈડિયા લઈને યુનિક ફીચર તેમાં ઉમેરીને નવી બનાવવામાં આવે છે.
  • એપ ક્લોનિંગ ઘણું લોકપ્રિય છે અને ઘણી એપ ડેવલપમેન્ટ કંપનીઓ આવું કરી રહી છે. ઉબર, ઓલા, લિફ્ટ વગેરે લોકપ્રિય એપ્સની નકલ તૈયાર કરવામાં આવી છે.
  • કોઈપણ એપને ફરીથી ડિઝાઈન કરવામાં સમય અને ઈન્વેસ્ટમેન્ટ કરવું પડે છે. તેનાથી બચવા માટે નવી કંપનીઓ હંમેશાં જૂની એપનું ક્લોન બનાવે છે.
  • વાસ્તવિકતા એ છે કે ફેસબુક જેવી સફળ એપ પણ કોઈ એપની કોપી જ છે, પરંતુ તેના યુનિક ફીચરે તેને સફળ બનાવી દીધી છે.

શું એપનું ક્લોનિંગ કાયદેસર રીતે માન્ય છે?

  • હા. જ્યાં સુધી કોઈ એપ ડિઝાઈનર હાલના બિઝનેસના IP, કોપીરાઈટ, પેટન્ટ અને ટ્રેડમાર્કનું ઉલ્લંઘન કરતા નથી, ત્યાં સુધી તે કાયદેસર રીતે માન્ય છે.
  • હકીકતમાં, ક્લોનિંગ અને એપ ક્લોનિંગ અલગ-અલગ છે. તે સમજવું રહ્યું કે, આખી એપની કોપી નથી થતી પરંતુ માત્ર આઈડિયાની ચોરી કરવામાં આવી રહી છે.
  • રેડીમેડ ક્લોન સ્ક્રિપ્ટને કસ્ટમાઈઝ કરીને નવી એપ તૈયાર કરી શકાય છે. તેનાથી ડેવલપમેન્ટનો સમય બચી જાય છે. તે ઉપરાંત ખર્ચો પણ ઓછો આવે છે.

શું આ ચીનની સામે ભારતીય કાર્યવાહી છે?

  • હા. ગત અઠવાડિયે ભારતના જનરલ ફાઈનાન્શિયલ રૂલ્સ 2017માં ફેરફાર કરવામાં આવ્યો. ચાઈનીઝ કંપનીઓ માટે ભારતમાં ટેન્ડર પ્રક્રિયામાં ભાગ લેવાનું મુશ્કેલ બન્યું છે.
  • આ આદેશમાં જણાવાયું છે કે, ભારત સાથે સરહદ વહેંચણી કરી રહેલા દેશના વેન્ડર્સ ટેન્ડરમાં ત્યારે ભાગ લઈ શકે છે જ્યારે તેમને સક્ષમ અધિકારી સાથે રજિસ્ટ્રેશન કરાવ્યું હશે.
  • રજિસ્ટ્રેશન માટે ડિપાર્ટમેન્ટ ફોર પ્રમોશન ઓફ ઈન્ડસ્ટ્રી એન્ડ ઈન્ટર્નલ ટ્રેડ (DPIIT)એ કમિટી બનાવી છે. વિદેશ અને ગૃહ મંત્રાલય પાસેથી સિક્યોરિટી ક્લિયરન્સ પણ તે માટે જરૂરી છે.

Next Stories

    ની  સંપૂર્ણ વાંચનસામગ્રી