તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • Dvb original
  • Adani Group Acquired About 100 Acres Of Land Near Koteshwar, May Build Hotel, Resort Or Amusement Park

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

મોકાની જગ્યાએ રોકાણ:અદાણી ગ્રુપે મોટેરા અને એરપોર્ટને જોડનારા રસ્તે; કોટેશ્વર પાસે આશરે 100 એકર જમીન ખરીદી, રિસોર્ટ અથવા એમ્યુઝમેન્ટ પાર્ક બનાવે એવી શક્યતા

અમદાવાદ3 મહિનો પહેલાલેખક: વિમુક્ત દવે
  • કૉપી લિંક
  • અદાણીએ જે ભાગમાં જમીન ખરીદી છે એના થોડા જ અંતરે રિવરફ્રન્ટ ડેવલપ થઈ રહ્યો છે
  • મોટેરા સ્ટેડિયમ અને મેટ્રો રેલ પ્રોજેક્ટને કારણે આ વિસ્તારમાં કોમર્શિયલ એક્ટિવિટી વધી છે

અદાણી ગ્રુપની રિયલ એસ્ટેટ કંપની અદાણી રિયલ્ટીએ નવનિર્મિત મોટેરા સ્ટેડિયમથી નજીક કોટેશ્વર વિસ્તારમાં આશરે 100 એકર જેટલી જમીનની ખરીદી કરી છે. જાણકાર સૂત્રોના જણાવ્યા પ્રમાણે, અમદાવાદથી ગાંધીનગર વચ્ચે સાબરમતી નદી પર જે રિવરફ્રન્ટનો ભાગ ડેવલપ થઈ રહ્યો છે એની નજીક આ જમીન આવેલી છે અને કંપની એના પર એમ્યુઝમેન્ટ પાર્ક અથવા રિસોર્ટ બનાવે એવી સંભાવના છે. જાણકારોના કહેવા પ્રમાણે, આ જગ્યા અદાણીએ લગભગ ત્રણ વર્ષ પહેલાં જ હસ્તગત કરી લીધી છે.

અદાણી ગ્રુપે ઇ-મેલનો હજુ સુધી જવાબ આપ્યો નથી
આ અંગે દિવ્ય ભાસ્કરે આ બાબતે અદાણી ગ્રુપને 25 ફેબ્રુઆરીએ એક ઇ-મેલ કરી આ જમીન અંગે અને એના પરના સંભવિત પ્રોજેક્ટ અંગે વિગતો માગી હતી, જોકે ચાર દિવસ થયા તોપણ કંપની તરફથી આ અંગે કોઈપણ જવાબ આપવામાં આવ્યો નથી.

સ્ટ્રેટેજિક લોકેશન પર આવેલી છે જમીન
જાણકાર સૂત્રોએ આપેલી માહિતી મુજબ, આ જમીન સ્ટ્રેટેજિક લોકેશન પર આવેલી છે. ગાંધીનગર અને અમદાવાદ વચ્ચે સાબરમતી નદી ઉપર રિવરફ્રન્ટનો બીજો ભાગ ડેવલપ થઈ રહ્યો છે. આ 100 એકર જેવી જગ્યા નવા બની રહેલા રિવરફ્રન્ટથી એકદમ નજીક છે. આ સાથે જ પૂર્વ અમદાવાદ અને ઉત્તર અમદાવાદને જોડતો એક રસ્તો પણ અહીં બની રહ્યો છે, જે આવનારા એક કે બે વર્ષમાં શરૂ થઈ જવાની સંભાવના છે.

અમદાવાદનું પ્રખ્યાત કોટેશ્વર મહાદેવનું મંદિર જે મિની સોમનાથ તરીકે જાણીતું છે (ફાઇલ ફોટો).
અમદાવાદનું પ્રખ્યાત કોટેશ્વર મહાદેવનું મંદિર જે મિની સોમનાથ તરીકે જાણીતું છે (ફાઇલ ફોટો).

કોટેશ્વર વિસ્તારના સંભવિત ડેવલપમેન્ટને ધ્યાનમાં રાખી જમીન ખરીદી
રિયલ એસ્ટેટ સાથે સંકળાયેલા લોકોએ જણાવ્યું હતું કે ત્રણ વર્ષ પહેલાંનું મોટેરા અને કોટેશ્વરમાં બહુ ખાસ ડેવલપમેન્ટ ન હતું. મેટ્રો રેલ પ્રોજેક્ટ અને મોટેરા સ્ટેડિયમ જે રીતે નવેસરથી બન્યું એને કારણે આ વિસ્તારની કાયાપલટ શરૂ થઈ છે. ટીપી ખૂલવાને કારણે નવા રસ્તાઓ બની રહ્યા છે અને આ તરફનો રિવરફ્રન્ટ પણ બની રહ્યો છે, એને કારણે કોટેશ્વર વિસ્તારમાં આવનારા સમયમાં ડેવલપમેન્ટ વધશે. જાણકારો માને છે કે અદાણી ગ્રુપનું આ લોકેશનમાં સ્ટ્રેટેજિક ઇન્વેસ્ટમેન્ટ હોઇ શકે છે.

બીજા તબક્કાનો રિવરફ્રન્ટ બની રહ્યો છે
સાબરમતી નદી પર ગાંધીનગર અને અમદાવાદ વચ્ચે રિવરફ્રન્ટના બીજા તબક્કાનું કામ શરૂ થઈ રહ્યું છે. નદીનો એક ભાગ કોટેશ્વરમાંથી પસાર થશે અને એની આસપાસ અત્યારે ઘણાં ડેવલપમેન્ટ પણ થઈ રહ્યાં છે. આ ઉપરાંત ટાઉન પ્લાનિંગ અંતર્ગત નવા રોડ પણ બની રહ્યા છે. આ બધાને કારણે કોટેશ્વર અને મોટેરા વિસ્તારમાં રિયલ એસ્ટેટનું બહોળા પ્રમાણમાં ડેવલપમેન્ટ થયું છે.

સાબરમતી નદી પર રિવરફ્રન્ટ ડેવલપમેન્ટનું કામ ચાલી રહ્યું છે (ફાઇલ ફોટો).
સાબરમતી નદી પર રિવરફ્રન્ટ ડેવલપમેન્ટનું કામ ચાલી રહ્યું છે (ફાઇલ ફોટો).

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- આજે તમારો મોટાભાગનો સમય પરિવાર તથા ફાયનાન્સ સાથે જોડાયેલાં કાર્યોમાં પસાર થશે અને પોઝિટિવ પરિણામો પણ સામે આવશે. કોઇપણ પરેશાનીમાં નજીકના સંબંધીનો સહયોગ તમારા માટે વરદાન સાબિત થશે. નેગેટિવઃ...

વધુ વાંચો