• Gujarati News
  • Dvb original
  • A Small Chip Will Reduce Inflation By Increasing Employment; Learn How The Country Will Become An Electronic Hub In 78 Thousand Crore

ભાસ્કર એક્સપ્લેનર:એક નાનકડી ચિપ રોજગારી વધારીને મોંઘવારી ઓછી કરશે; જાણો 78 હજાર કરોડમાં કેવી રીતે દેશ બનશે ઈલેક્ટ્રોનિક હબ

એક મહિનો પહેલા
  • કૉપી લિંક

દેશમાં સેમીકન્ડક્ટર ચિપની અછત દૂર કરવા માટે સરકારે 76 હજાર કરોડ રૂપિયાની મહત્વાકાંક્ષી યોજનાને મંજૂરી આપી દીધી. જેના અંતર્ગત આગામી 6 વર્ષમાં દેશમાં સેમીકન્ડક્ટર ચિપ માટે ઈકોસિસ્ટમ તૈયાર કરવામાં આવશે. તેમાં સેમીકન્ડક્ટર ડિઝાઈન, કમ્પોનન્ટ્સ મેન્યુફેક્ચરિંગ અને ડિસ્પ્લે ફેબ્રિકેશન યુનિટ્સ એસ્ટાબ્લિશ કરાશે.

સમજીએ, સમગ્ર સ્કીમ શું છે? શા માટે દેશમાં જ સેમીકન્ડક્ટરનું પ્રોડક્શન જરૂરી છે? તેની અછતથી કઈ રીતે દુનિયાભરનું ઈલેક્ટ્રોનિક માર્કેટ પ્રભાવિત થયું છે? સેમીકન્ડક્ટરનો ઉપયોગ કઈ-કઈ પ્રોડક્ટમાં થાય છે? ભારત માટે આ સ્કીમ કેટલી જરૂરી છે? અને આખરે સેમીકન્ડક્ટર હોય છે શું?

પ્રથમ સમજીએ, સમગ્ર સ્કીમ શું છે?

  • સ્કીમ અંતર્ગત સેમીકન્ડક્ટર અને ડિસ્પ્લે ફેબ્રિકેશન યુનિટ કંપનીઓને 50% સુધી આર્થિક સહાય આપવામાં આવશે. આ સાથે લાંબા સમયની રણનીતિ તૈયાર કરવા માટે ઈન્ડિયા સેમીકન્ડક્ટર મિશન પણ તૈયાર કરવામાં આવશે.
  • સરકારનું લક્ષ્ય ડિસ્પ્લે માટે 1થી 2 ફેબ યુનિટ સ્થાપિત કરવાનું છે. ડિઝાઈનિંગ અને મેન્યુફેક્ચકિંગ કમ્પોનન્ટ્સ માટે 10-10 યુનિટ લગાવવાનો પ્લાન છે.
  • આગામી 2-3 વર્ષમાં ડિસ્પ્લે ફેબ્રિકેશન ફેક્ટરી અને 2 સેમીકન્ડક્ટર ફેક્ટરીની સ્થાપના કરવામાં આવશે. સરકારની તેના પર લગભગ 30થી 50 હજાર કરોડ રૂપિયા રોકાણ કરવાની યોજના છે.
  • આ યોજના અંતર્ગત 5થી 6 વર્ષમાં દેશમાં 100થી વધુ સેમીકન્ડક્ટર ડિઝાઈન, કમ્પોનન્ટ મેન્યુફેક્ચરિંગ અને ડિસ્પ્લે ફેબ્રિકેશન યુનિટ્સની સ્થાપના કરવામાં આવશે.

દેશમાં જ સેમીકન્ડક્ટરનું પ્રોડક્શન શા માટે જરૂરી છે?

  • હાલ દેશમાં પ્રોડક્શન ન હોવાના કારણે અમે સેમીકન્ડક્ટર મટિરિયલને ઈમ્પોર્ટ કરે છે. અત્યારે લગભગ 1.76 લાખ કરોડ રૂપિયાનું ઈમ્પોર્ટ ભારત કરે છે. અંદાજ છે કે 2025 સુધી આ ઈમ્પોર્ટ વધીને 7.5 લાખ કરોડ રૂપિયા ડોલરની નજીક હોય છે. જો દેશમાં જ સેમીકન્ડક્ટર ચિપ્સનું પ્રોડક્શન થશે તો આપણે ઈમ્પોર્ટ પર નિર્ભર નહીં રહેવું પડે.
  • સ્કીમથી નોકરીની લાખો તક પેદા થશે. અંદાજ પ્રમાણે, સેમીકન્ડક્ટરને ડિઝાઈન કરવા માટે લગભગ 85 હજાર ટેલેન્ટેડ એન્જિનિયર્સની જરૂર પડશે. આ ઉપરાંત તમામ નાનામોટા પદો માટે પણ નોકરીઓ પેદા થશે.
  • સ્કીમ અંતર્ગત ઈન્સેન્ટિવ મળવાથી જે કંપનીઓ દક્ષિણ કોરિયા, ચીન અને તાઈવાનમાં પોતાના પ્લાન્ટ્સ સેટઅપ કરી રહી છે, એ ભારત તરફ વલણ રાખશે.
  • આઈટી સર્વિસિઝની કંપની બોડી નાસકોમે કહ્યું છે કે આ સ્કીમથી આગામી 6 વર્ષમાં ઈલેક્ટ્રોનિક્સના ફિલ્ડમાં એક નવા યુગનો પાયો નાખશે. તેનાથી સરકારના આત્મનિર્ભર ભારત સાથે જ રોજગારી અને ઈનોવેશનને પણ પ્રોત્સાહન મળશે.

સ્કીમથી તમને શું ફાયદો?
હાલ સેમીકન્ડક્ટરની અછતના કારણે અનેક ઈન્ડસ્ટ્રીને ખાસ્સું નુકસાન વેઠવું પડી રહ્યું છે. આ કારણથી ઈલેક્ટ્રોનિકથી લઈને ઓટોમોબાઈલ સુધી મોંઘા થયા છે. જો તેમને દેશમાં જ બનાવવામાં આવે તો ચીજો સસ્તી થઈ શકે છે. આઈટેમ્સ સસ્તી થવાનો સીધો સંબંધ સેમીકન્ડક્ટરની ઈમ્પોર્ટ સાથે પણ છે. દેશમાં જ પ્રોડક્શન થશે તો આપણે ઈમ્પોર્ટ નહીં કરવું પડે અને ચીજો સસ્તી થશે.

દેશમાં ઈલેક્ટ્રોનિક ઈકોસિસ્ટમ બનવાથી રોજગાર વધશે. એન્જિનિયર્સથી લઈને મેનેજમેન્ટ સુધીની પોસ્ટ પર નોકરીઓની તક પેદા થશે.

આખરે આ સેમીકન્ડક્ટર ચિપ હોય છે શું?
સેમીકન્ડક્ટરને તમે ઈલેક્ટ્રોનિક ગેજેટ્સનું મગજ સમજો. કમ્પ્યુટર, લેપટોપ, કાર, વોશિંગ મશીન, ATM, હોસ્પિટલોના મશીનોથી લઈને હાથમાં રહેલા સ્માર્ટફોન સુધી સેમીકન્ડક્ટર ચિપ પર જ કામ કરે છે. આ ચિપ એક મગજની જેમ ગેજેટ્સને ઓપરેટ કરવામાં મદદ કરે છે. તેના વિના દરેક ઈલેક્ટ્રોનિક આઈટેમ અધૂરી છે. સેમીકન્ડક્ટર ચિપ્સ સિલિકોનથી બનેલી હોય છે અને સર્કિટમાં ઈલેક્ટ્રિસિટી કંટ્રોલ કરવાના કામમાં આવે છે.

આ ચિપ ઈલેક્ટ્રોનિક આઈટેમને ઓટોમેટિકલી ઓપરેટ કરવામાં મદદ કરે છે. ઉદાહરણ તરીકે, સ્માર્ટ વોશિંગ મશીનમાં કપડા પૂરેપૂરા ધોવાયા પછી ઓટોમેટિક મશીન બંધ થઈ જાય છે. આ રીતે કારમાં જ્યારે તમે સીટ બેલ્ટ લગાવવાનું ભૂલી જાઓ છો તો કાર તમને એલર્ટ કરે છે. આ સેમીકન્ડક્ટરની મદદથી જ થાય છે.

સેમીકન્ડક્ટર ચિપ્સની અછત કેમ થઈ?
દુનિયાભરમાં સેમીકન્ડક્ટર ચિપ્સની શોર્ટેજ કોરોનાના કારણે લાગેલા લોકડાઉન પછી જ શરૂ થઈ ગઈ હતી. વાસ્તવમાં, લોકડાઉનના કારણે પ્રોડક્ટ્સની ડિમાંડ ઓછી હતી એ કારણે ચિપ્સનું પ્રોડક્શન પણ ઓછું થયું. પણ જેવું લોકડાઉન ખુલ્યું તો ઈલેક્ટ્રોનિક આઈટેમ્સની ડિમાંડ વધવા લાગી. અચાનક વધેલી માગથી ડિમાંડ અને સપ્લાઈનું અંતર વધી ગયું જેના પરિણામ ચિપ શોર્ટેજ તરીકે સામે આવ્યું.

અગાઉ પણ થઈ ચૂકી છે આ પ્રકારની કોશિશ
દેશમાં અગાઉ પણ આ પ્રકારના પ્લાન્ટ લગાવવાની કોશિશો થઈ છે પરંતુ લોંગ ટર્મ વિઝન નહીં હોવાના કારણે આ તમામ ફેઈલ રહ્યા. આનું કારણ ખરાબ પ્લાનિંગ અને સરકારની પહેલનો અભાવ રહ્યા છે.

ગત વર્ષે અમેરિકન ચિપ મેકર કંપની માઈક્રોન ટેકનોલોજીએ એલાન કર્યુ હતું કે તે ભારતમાં પોતાનું એક્સલન્સ સેન્ટર અને સ્ટોરેજ સિસ્ટમ બનાવશે. માઈક્રોન એપલને સેમીકન્ડક્ટર સપ્લાઈ કરનારી મેજર કંપની છે. હાલ ચંડીગઢમાં ISROની અને બેંગલુરુમાં ડીઆરડીઓની ચિપ ફેકટરી છે. થોડા સમય અગાઉ ટાટા ગ્રૂપે પણ સેમીકન્ડક્ટર મેન્યુફેક્ચરિંગના ક્ષેત્રમાં ઉતરવાનું એલાન કર્યુ છે.