• Gujarati News
  • Dvb original
  • Explainer
  • Taking Drugs, Possessing Them Is Also Illegal; Shah Rukh's Son Aryan Accused Of Taking Drugs, Sentenced To 6 Months To One Year Possible

ભાસ્કર એક્સપ્લેનર:ડ્રગ્સ લેવું, પોતાની પાસે રાખવું પણ ગેરકાયદે; શાહરુખના પુત્ર આર્યન પર ડ્રગ્સ લેવાનો આરોપ, 6 મહિનાથી એક વર્ષ સુધીની સજા શક્ય

11 દિવસ પહેલા

બોલિવૂડ સુપરસ્ટાર શાહરુખ ખાનના મોટા પુત્ર આર્યન ખાનની રેવ પાર્ટી કરવાના આરોપમાં શનિવારે નાર્કોટિક્સ કંટ્રોલ બ્યુરો (NCB)એ ધરપકડ કરી હતી. આર્યન પોતાના દોસ્તો સાથે ક્રૂઝ શિપ-કોર્ડેલિયા ધ ઈમ્પ્રેસમાં સવાર હતો અને મુંબઈથી ગોવા જઈ રહ્યો હતો. તેના પર ડ્રગ્સનું સેવન કરવા સહિત અન્ય આરોપો છે. NCBએ 11 ઓક્ટોબર સુધી તેની સાથે સાત અન્યના રિમાન્ડ માગ્યા. કોર્ટે 7 ઓક્ટોબર સુધી આર્યનને NCBના રિમાન્ડ પર મોકલી આપ્યો છે.

બે સપ્તાહ અગાઉ મળેલી ટિપના આધારે 20 NCB અધિકારીએ ક્રૂઝ શિપ ‘કોર્ડેલિયા ધ ઈમ્પ્રેસ’માં ટિકિટ બુક કરી અને એના પર સવાર થઈ ગયા. આ અધિકારીઓ ત્યાં સુધી રાહ જોતા રહ્યા, જ્યાં સુધી અન્ય મુસાફરોએ નશીલા પદાર્થોનો ઉપયોગ શરૂ ન કર્યો. જેવા મુસાફરોએ નશો કરવાનું શરૂ કર્યું તો અધિકારીઓ સક્રિય થઈ ગયા અને તેમણે આર્યન સહિત આઠ લોકોને રંગે હાથ ઝડપી લઈને તેમની ધરપકડ કરી. એના પછી કેપ્ટનને કહીને શિપ દક્ષિણ મુંબઈના બેલાર્ડ પિયર પરના ઈન્ટરનેશનલ ક્રૂઝ ટર્મિનલ પર લઈ ગયા.

શાહરુખના પુત્ર આર્યનને સોમવારે કોર્ટમાં રજૂ કરવામાં આવ્યો. અદાલતે તેને 7 ઓક્ટોબર સુધી NCBના રિમાન્ડ પર મોકલી આપ્યો છે.
શાહરુખના પુત્ર આર્યનને સોમવારે કોર્ટમાં રજૂ કરવામાં આવ્યો. અદાલતે તેને 7 ઓક્ટોબર સુધી NCBના રિમાન્ડ પર મોકલી આપ્યો છે.

આ કેસનું અત્યારે સ્ટેટસ શું છે?

  • NCB અધિકારીઓએ શનિવારે રાતે આર્યન ખાન સહિત 8 લોકોની ધરપકડ કરી લીધી. એ પછી એફઆઈઆર રજિસ્ટર્ડ કરવામાં આવી. NCB અધિકારીઓએ આઠેયને રવિવારે કોર્ટમાં રજૂ કર્યા અને 5 ઓક્ટોબર સુધી કસ્ટડી માગી, પરંતુ તેમને એક જ દિવસના રિમાન્ડ મળ્યા.
  • સોમવારે આર્યન ખાન સહિત તમામ આઠ લોકોને મેડિકલ તપાસ પછી NCB કોર્ટમાં રજૂ કરવામાં આવ્યા. કોર્ટે બંને પક્ષોને સાંભળ્યા પછી આર્યનને 7 ઓક્ટોબર સુધી NCBના રિમાન્ડ પર મોકલી દીધો.
  • આર્યન અને અન્ય પર NDPS (નાર્કોટિક્સ ડ્રગ્સ એન્ડ સાઈકોટ્રોપિક સબસ્ટેન્સ) એક્ટ 1985 અંતર્ગત માદક પદાર્થોના સેવન, વેચાણ અને ખરીદીમાં સામેલ હોવાનો આરોપ છે.
  • NCBની તપાસ સાથે સંકળાયેલા અધિકારીઓ કહે છે કે આર્યન પર ગેરકાયદે ડ્રગના સેવનનો જ આરોપ લાગશે. તપાસ અધિકારીઓ અન્ય પાસાઓની તપાસ કરી રહ્યા છે. આર્યન પર NDPS એક્ટ અંતર્ગત સેક્શન 8(સી), 20(બી), 27 અને 35 અંતર્ગત આરોપ લગાવ્યા છે.

શું છે એનડીપીએસ એક્ટ 1985 અંતર્ગત સજાની જોગવાઈ?

  • સેક્શન 8ઃ જાણીજોઈને એવો કોઈ નશીલો પદાર્થ ખરીદવો કે એનો ઉપયોગ કરવો, જે આ કાયદાનું ઉલ્લંઘન હોય. રિકવર થયેલાં ડ્રગ્સના આધારે કેસ થાય છે.
  • સેક્શન 20ઃ આર્યનના કેસમાં જપ્ત કરાયેલા ચરસની માત્રા NDPS એક્ટ અંતર્ગત ‘સ્મોલ કેટેગરી’માં આવે છે. આ સેક્શનમાં મહત્તમ સજા 6 મહિના કે 10 હજાર રૂપિયા દંડ અથવા બંને થઈ શકે છે.
  • સેક્શન 27ઃ આ કલમ પ્રતિબંધિત ડ્રગ્સના સેવન પર લાગે છે. એમાં મહત્તમ એક વર્ષની સજાની જોગવાઈ છે.
  • સેક્શન 35ઃ આ સેક્શનમાં નક્કી થાય છે કે ડ્રગ્સ રાખનારા આરોપીની માનસિક સ્થિતિ, મનસૂબો શું હતો. આરોપીએ સાબિત કરવાનું હોય છે કે તેનો મનસૂબો, ઉદ્દેશ કાયદાનું ઉલ્લંઘન કરવાનો નહોતો. તેને જાણકારી નહોતી કે પોતાની પાસે રાખેલો નશીલો પદાર્થ પ્રતિબંધિત છે.

ક્રૂઝ પર કેવા પ્રકારનાં ડ્રગ્સ મળ્યાં છે?

  • એરેસ્ટ મેમો અનુસાર NCBએ ક્રૂઝ પરથી 13 ગ્રામ કોકેઈન, 5 ગ્રામ MD(મેફેડ્રોન), 21 ગ્રામ ચરસ અને MDMA (એક્સ્ટેસી) 22 ગોળી સાથે 1.33 લાખ રૂપિયા રોકડા જપ્ત કરવામાં આવ્યા છે. NCBએ આર્યન ઉપરાંત મુનમુન ધામેચા, નૂપુર સારિકા, ઈસ્મિત સિંહ, મોહક જસવાલ, વિક્રાંત છોકર, ગોમિત ચોપડા અને અરબાઝ મર્ચન્ટની ધરપકડ કરી છે.

ડ્રગ્સને ક્રૂઝ પર કઈ રીતે લઈ ગયા?

  • અત્યારસુધીની તપાસ કહે છે કે કેટલાક મુસાફરોએ પોતાનાં કપડાંમાં સ્પેશિયલ પોકેટ બનાવ્યાં હતાં, જેથી સિક્યોરિટી ચેકને થાપ આપીને ડ્રગ્સ જહાજ પર લઈ જઈ શકાય. ધરપકડ કરાયેલી એક યુવતીએ જૂતામાં ડ્રગ્સ છુપાવ્યું હતું.
  • મીડિયા રિપોર્ટ્સનો દાવો છે કે ક્રૂઝ પર જે રેવ પાર્ટી ચાલી રહી હતી એમાં સામેલ લોકો પોતાના પેન્ટમાં ગુપ્ત ખિસ્સામાં, મહિલાઓના પર્સના હેન્ડલમાં, અંડરવેરના સિલાઈવાળા હિસ્સામાં અને કોલરમાં છુપાવીને ડ્રગ્સ લઈ ગયા હતા.
મુંબઈમાં ઈન્ટરનેશનલ ક્રૂઝ ટર્મિનલથી રવાના થયું હતું ક્રૂઝ. મુસાફરોના સામાનની તપાસ ક્રૂઝ કંપની કરતી નથી. આ જવાબદારી CISF અને પોર્ટ ટ્રસ્ટના સુરક્ષા અધિકારીઓની હોય છે.
મુંબઈમાં ઈન્ટરનેશનલ ક્રૂઝ ટર્મિનલથી રવાના થયું હતું ક્રૂઝ. મુસાફરોના સામાનની તપાસ ક્રૂઝ કંપની કરતી નથી. આ જવાબદારી CISF અને પોર્ટ ટ્રસ્ટના સુરક્ષા અધિકારીઓની હોય છે.

તો શું ક્રૂઝ પર જતાં પહેલાં મુસાફરોની તપાસ ન થઈ?

  • થઈ હતી. વાસ્તવમાં, ક્રૂઝ શિપ પર પેસેન્જર એન્ટ્રી બેલાર્ડ પિયર પર ગ્રીન ગેટથી થાય છે. આ ગેટ પર સિક્યોરિટીમાં CISF અને બોમ્બે પોર્ટ ટ્રસ્ટના સુરક્ષા અધિકારી હાજર રહે છે. કોર્ડેલિયા ધ ઈમ્પ્રેસનું મેનેજમેન્ટ જોનારી કંપની વોટરવેઝ લેઝર ટૂરિઝમના અધિકારી પેસેન્જર્સના સામાનની તપાસ કરતા નથી. આ જવાબદારી સુરક્ષાદળોની હોય છે અને ત્યારે તપાસ પછી પેસેન્જર્સને શિપર પર જવાની અનુમતિ આપે છે.
  • ક્રૂઝ તરફથી પેસેન્જર્સને વેલકમ બ્રીફ આપવામાં આવે છે. એમાં ક્રૂઝના પ્રોગ્રામની ડિટેઈલ હતી. એમાં ક્રૂઝ પર ટ્રાવેલ દરમિયાન શું કરી શકાય અને શું નહીં,એની ડિટેલ હતી. એમાં સ્પષ્ટપણે લખ્યું હતું કે ક્રૂઝ પર નશીલા પદાર્થોનું સેવન કરવાની અનુમતિ નથી.
કોર્ડેલિયાનું એ ક્રૂઝ, જેના પર NCBએ આર્યન સહિત અન્ય લોકોને નશીલા પદાર્થોની સાથે રંગે હાથ પકડ્યા હતા.
કોર્ડેલિયાનું એ ક્રૂઝ, જેના પર NCBએ આર્યન સહિત અન્ય લોકોને નશીલા પદાર્થોની સાથે રંગે હાથ પકડ્યા હતા.

​​​​શું કોર્ડેલિયા ધ ઈમ્પ્રેસ પાસે આ પ્રકારની પાર્ટીઓનું લાઇસન્સ હતું?

  • ના. ક્રૂઝ શિપ્સ માટે પાર્ટીઓનું આયોજન કરવાનું લાઇસન્સ અનિવાર્ય છે. શિપિંગ વિભાગના ડાયરેક્ટર જનરલ અમિતાભ કુમારે એક મીડિયા હાઉસને કહ્યું હતું કે કોર્ડેલિયા ધ ઈમ્પ્રેસને મર્ચન્ટ શિપિંગ એક્ટ અંતર્ગત લાઇસન્સ આપવામાં આવ્યું નહોતું. ઓપરેટર્સે લાઇસન્સ માટે અરજી આપી હતી. એમાં કેટલીક ખામી હતી, આ કારણથી લાઇસન્સ જારી થયું નહોતું.
  • કાર્ડેલિયાના સીઈઓ અને વોટરવેઝ લેઝર ટૂરિઝમ પ્રાઈવેટ લિમિટેડના પ્રેસિડન્ટ જરગેન બેલઓમે નિવેદન જારી કરીને કહ્યું હતું કે તેમના ક્રૂઝની આ ઘટનાથી પ્રત્યક્ષ કે અપ્રત્યક્ષ કોઈ સંબંધ નથી. દિલ્હીની એક ઈવેન્ટ મેનેજમેન્ટ કંપનીએ પ્રાઈવેટ ઈવેન્ટ માટે ક્રૂઝ બુક કરી હતી.
  • સૂત્રોનો દાવો છે કે ક્રૂઝની ક્ષમતા 2 હજાર લોકોની છે અને ગોવા માટે આ સફરમાં 600 લોકો હાજર હતા. આ પાર્ટીનું ઈન્વિટેશન ઈન્સ્ટાગ્રામ જેવા સોશિયલ મીડિયા પ્લેટફોર્મનો ઉપયોગ કરીને અપાયું હતું. દિલ્હીની કંપનીના આયોજનમાં મોટા ભાગના લોકો દિલ્હીના છે, જેઓ ફ્લાઈટથી મુંબઈ આવ્યા અને પછી ક્રૂઝ પર ગયા હતા.
અન્ય સમાચારો પણ છે...