100 ગૌરવવંતી ગુજરાતી મહિલાઓ
Home » Divyashree » Women Pride » women pride, sarita joshi

સરિતા જોશી: 6 વર્ષની વયથી રંગમંચ પર પદાર્પણ કરી ચૂકેલી અભિનેત્રી

divyabhaskar.com | Last Modified - Sep 11, 2018, 17:47PM IST
  • સરિતા જોશી: 6 વર્ષની વયથી રંગમંચ પર પદાર્પણ કરી ચૂકેલી અભિનેત્રી

    બાળપણ અને શિક્ષણ

    વાત ગુજરાતને ગૌરવ પ્રદાન કરનાર મહિલાઓની હોય અને ત્યારે જન્મે મરાઠી એવાં સરિતા જોશીનું નામ વિસરાઈ ન જાય તેની તકેદારી રાખવી પડે. એ બાબત જ દર્શાવે છે કે ગુજરાતી સમાજજીવનમાં તેમનું પ્રદાન કેટલું અદકેરું, કેટલું સવાયું હશે! પૂણેના ભીમરાવ ભોંસલેના પુત્રી સરિતાનો ઉછેર વડોદરામાં થયો. તેમનાં પિતા બેરિસ્ટર હતા અને સાહ્યબી, સુવિધા વચ્ચે તેમનું બાળપણ પાંગર્યું હતું. પરંતુ પછી આકસ્મિક સંજોગોમાં પરિવારની સમૃદ્ધિ છીનવાઈ ગઈ ત્યારે અભિનય જ તેમનાં માટે આજીવિકાનું નિમિત્ત બન્યો હતો.

    રંગભૂમિ ક્ષેત્રે પ્રદાન

    માત્ર ૬ વર્ષની વયથી રંગમંચ પર પદાર્પણ કરી ચૂકેલા સરિતા જોશીએ એટએટલાં નાટકોમાં બહુવિધ ભૂમિકાઓ ભજવી છે કે ઈન્ડિયન નેશનલ થિયેટર અને સરિતા જોશી બંનેનો ઉલ્લેખ અનિવાર્યપણે એકમેક સાથે કરવો પડે. સંતુ રંગીલી નાટકમાં તેમણે કરેલી સંતુની ભૂમિકા એટલી લોકપ્રિય બની ગઈ કે આજપર્યંત સંતુ અને સરિતા બંને એકબીજાથી અલગ પાડવા મુશ્કેલ થઈ પડે છે. એ સિવાય તેમણે ધુમ્મસ, કોઈ ભીંતેથી આયના ઉતારો જેવા નાટકો ભારે લોકપ્રિય નીવડ્યા હતા.

    વણકહી વાત
    સંતુ રંગીલી નાટકમાં સંતુના મોંએ લેખક મધુ રાયે એક લાંબો જોડકણા જેવો ડાયલોગ મૂક્યો હતો. આશરે સાતેક મીનિટ લાંબી આ એકોક્તિમાં માત્ર ઉચ્ચાર અને હાવભાવ વડે સરિતા જોશીએ એવો આબાદ અભિનય કર્યો કે લોકો નાટકના આ ડાયલોગને જ આઠ-દસ વાર વન્સમોર આપતાં હતાં.

    પરિવાર
    સરિતા જોશીના બહેન પદ્મારાણી પણ રંગભૂમિના એટલાં જ પ્રખ્યાત અભિનેત્રી હતા. સરિતાના લગ્ન પ્રવિણ જોશી સાથે થયા હતા, જેઓ નામાંકિત દિગ્દર્શક હતા. સરિતાની બંને પુત્રીઓ કેતકી અને પૂર્વી પણ અભિનેત્રી તરીકે જાણીતા છે. જાણીતા અભિનેતા શર્મન જોશી સરિતા જોશીના ભત્રીજા છે.

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો
આગામી વાર્તા લોડ
x
રદ કરો

અન્ય આર્ટિકલ્સ

    કરિયર અને પરિવારનું પર્ફેક્ટ મેનેજમેન્ટ શીખવતી
    મારી બહેનપણી દિવ્ય શ્રી