જો તમે શરૂઆતના સમયમાં મશીનરી ખરીદવા ન માંગતા હો તો મેન્યુઅલી કામ કરવા માંગતા હો તો આ બિઝનેસ માત્ર નજીવા મૂડીરોકાણથી શરૂ કરી શકાય છે. આ બિઝનેસ શરૂ કરવા માટે શિલ્ડ, ટ્રોફી બનાવવાની પદ્ધતિસરની તાલીમ લેવી પડે છે.

તાલીમ લીધા બાદ બિઝનેસનું માર્કેટિગ કરવા માટે આપ ફેસબુક, ઇન્સ્ટાગ્રામ પર પ્રોફાઇલ પેજ બનાવીને અને પ્રોડક્ટના સારા ફોટો અપલોડ કરીને કામનું માર્કેટિંગ કરી શકો છો. બિઝનેસ શરૂ કર્યાની સાથે જ આકર્ષક વિઝિટિંગ કાર્ડ પણ બનાવવા પડે. આ બિઝનેસની સફળતા માટે  જે સંસ્થા આ પ્રકારના પુરસ્કાર સમારોહ યોજાતા હોય તેવી દરેક સંસ્થા સાથે સારા કોન્ટેક્ટ હોવા જોઇએ જેથી ઓર્ડર મળતા રહે.

શું હોવું જોઇએ

-મશીનરી

-કેમિકલ્સ ( રેઝિન, કોબોલ્ટ)

-એક્રિલિક શીટ

-10X20નો એક રૂમ

- ટેબલ ખુરશી

કઈ રીતે  શિલ્ડ તૈયાર થાય

શિલ્ડ, ટ્રોફી તૈયાર કરવા માટે લેબ પ્રિન્ટ જોઇએ તેના પર એક્રેલિટની સીટ લગાવી દેવામાં આવે છે.આ  તૈયાર થયેલી શીટ પર કેમિકલ પ્રોસેસ કરવામાં આવે છે. આ કેમિકલ પ્રોસેસ બાદ પાંચ કલાક તેને સૂકવવા દેવું પડે છે અને ત્યારબાદ તેને ફિનિશિંગ અને જે શેપમાં શિલ્ડ બનાવવાનું   હોય તે શેપમાં તૈયાર કરવા માટે આ સીટને મશીનમાં નાખવામાં આવે છે.  આ રીતે શિલ્ડ, ટ્રોફી તૈયાર થાય છે.

એક મહિનામાં કેટલું પ્રોડકશન કરી શકાય

મશીન દ્વારા દરરોજ સરેરાશ 1000  શિલ્ડ પાઉચ બનાવી શકાય. આ કામ ઓર્ડર મુજબ જ થતું હોવાથી  જેવા અને જેટલા ઓર્ડર તેટલું કામ તૈયાર કરીને આપવું પડે છે.

આના માટે લાઇસન્સની જરૂરપડે?

ઘરે બેઠા આ બિઝનેસ શરૂ કરો તો  માટે કોઇ પણ પ્રકારના લાઇસન્સની જરૂર પડતી નથી. પણ જો દુકાન શરૂ કરો તો ‘ગુમાસ્તા ધારા’ના લાઇસન્સની જરૂર પડે.

મારો વ્યવસાય શહેરમાં ચાલે કે ગામડાંમાં?

આ ઉદ્યોગ નાનાં-મોટાં શહેરમાં કરી શકાય.

આ વ્યવસાય કરવા માટે 10X20ની રૂમ જોઈએ. તેમજ શિલ્ડ  બનાવવા માટેનું મશીન  8થી દસ લાખ સુધીની હોય છે. મશીન ઉપરાંત એકવારના ખર્ચમાં શિલ્ડ રાખવા માટેના કબાટ, ટેબલ, ખુરશી અને શિલ્ડનું પેકિંગ કરવા માટે પેકેઝિંગ બોક્સિસ જોઇએ.

દસ લાખનું મશીન અને અન્ય ફર્નિચર સહિતનો ખર્ચ 50, 000 જેટલો આવે છે. એટલે અંદાજીત સાડાદસથી અગિયાર લાખ સુધીમાં બિઝનેસ શરૂ કરી શકાય છે. જો તમે મશીનથી કામ કરવા ન માંગતા હો તો હાથથી કરવા માંગતા હો તો માત્ર 20 હજારના મૂડી રોકાણથી પણ કામ શરૂ કરી શકાય છે.

દર મહિને કરવો પડતો ખર્ચ

આ કામ ઓર્ડર મુજબ જ થાય છે. જો સારા આર્ડર હોય તો દિવસમાં અંદાજિત એક હજાર શિલ્ડ બને છે. જો આ રીતે રોજ એક હજાર શિલ્ડ બનતા હોય તો રો મટીરિયલ્સ અને ઇલેક્ટ્રીક બિલ, કારીગરના વેતન સહિતનો એક લાખ જેટલો ખર્ચ આવે છે. એક શિલ્ડ સામાન્ય રીતે 50 રૂપિયા સુધીમાં તૈયાર થાય છે.

પ્રધાનમંત્રી મુદ્રા યોજના
 નાના પાયાના બિઝનેસને પ્રોત્સાહન આપવા માટે પ્રધાનમંત્રી મુદ્રા યોજના છે.
આ યોજના અંતર્ગત તમામ સરકારી અને ખાનગી બેંકોમાંથી 25 હજારથી 1 લાખ રૂપિયા સુધીની લોન મળી શકે છે. 
નોન-કોર્પોરેટ અને નોન ફર્મ/માઇક્રો એન્ટરપ્રાઇસને 10 લાખ રૂપિયા સુધીની લોન મળે છે.
 લોન ભરપાઇ કરવા માટેની મુદત પાંચ વર્ષ સુધીની છે.
 વ્યાજના દરની રેન્જ : 10 %થી 18% છે.
આ યોજના અંગે વધુ માહિતી મેળવવા માટે આ લિંક પર ક્લિક કરો.( https://www.mudra.org.in/)
 

ઘર દીવડા યોજના 
આ યોજના હેઠળ ગરીબી રેખા નીચે જીવતી મહિલાઓને વ્યવસાય કરવા માટે લોન અને સબસીડી આપવામાં આવે છે. 
 બેન્કેબલ લોન માટે બેન્કોને રૂપિયા 50,000 રૂપિયા સુધીની લોન માટેની ભલામણ કરવામાં આવી છે. 
આ યોજનાનો લાભ લેવા માટે જિલ્લા સ્તરના આર્થિક વિકાસ નિગમના ફિલ્ડ ઓફિસરનો સંપર્ક કરવો.

ન્યુ સ્વર્ણિમા યોજના 
આ યોજના હેઠળ ગરીબી રેખા નીચે જીવતી મહિલાઓને વ્યવસાય કરવા માટે   1,00,00 સુધીની લોન મળે છે.
મહિલાનાં કુંટુંબની વાર્ષિક આવક ગ્રામ્ય વિસ્તા૨ માટે રૂ. 98,૦૦૦ થી ઓછી અને શહેરી વિસ્તાર માટે રૂ.1,20,૦૦૦ થી ઓછી હોવી જોઇએ.
 આ યોજનાઓમાં વ્યાજનો દર વાર્ષિક 5 ટકા રહેશે.
 આ લોન વ્યાજ સહિત 60 મહિનામાં હપ્તેથી ભરપાઇ કરવાની રહેશે.

જો દરરોજનું 1000 શિલ્ડનું પ્રોડકશન ઓર્ડર મુજબ  થતું હોય તો દર મહિને  30, 000 જેટલા શિલ્ડનું વેચાણ થાય છે. એક શિલ્ડને 70 રૂપિયા લેેખે વેચીએ તો 2 લાખ દસ હજારનું કુલ વેચાણ થાય.

દર મહિને થતો અંદાજિત નફો

જો દર મહિને અંદાજિત  30,000 હજાર શિલ્ડનું વેચાણ થતું હોય.એક શિલ્ડ 50 રૂપિયાના ખર્ચે તૈયાર થયા છે અને તેને પીસ દીઠ 70 રૂપિયા લેખે વેચાતું હોય તો દર મહિને 60,000 હજાર જેટલો નફો થાય.

કેટલી કમાણી થઇ શકે?

આ વ્યવસાય દ્વારા લગભગ દર મહિને  અંદાજીત 60,000ની કમાણી થઇ શકે.

યુઝફુલ ટિપ્સ

• જો પ્રોડકશનની ક્વોલિટી પર ધ્યાન આપવામાં આવે તો વધુ ફાયદો થાય છે.
• સમયસર ઓર્ડર મુજબ કામ કરી આપવાથી પણ બિઝનેસ સારો ચાલે છે.