આ બિઝનેસ શરૂ કરવા માટે હોલસેલમાં જ્વેલરી ખરીદીને તેનું છૂટક વેચાણ કરી શકાય છે.  આ બિઝનેસને નાના પાયે શરૂ કરવા માટે તમે ઘરના એક રૂમનો ઉપયોગ કરીને કામ શરૂ કરી શકો છો. લારી પણ માર્કેટ એરિયામાં મૂકીને વેચાણ કરી શકાય છે.

શું હોવું જોઇએ?

જ્વેલરીનો બિઝનેસ શરૂ કરવા માટે ખાસ કોઇ સાધન સામગ્રીની જરૂર પડતી નથી. જ્વેલરીની વસ્તુઓ અલગ-અલગ બોક્સમાં સારી રીતે સચવાય રહે તે માટેના બોક્સની જરૂર પડે છે.  જ્વેલરીને સ્ટોર કરવા માટેની

જગ્યા હોવી જોઇએ, જ્વેલરીના પેકિંગ માટે નાની માટો પોલીથીન બેગની પણ જરૂર પડે છે.  આ સાથે બજારમાં ચાલતા જ્વેલરી ટ્રેન્ડથી પણ માહિતગાર રહેવું જરૂરી છે.

આ વ્યવસાય માટે લાઇસન્સની જરૂર પડે?

ઘરે બેઠાં આ બિઝનેસ શરૂ કરો તો  કોઇ પણ પ્રકારના લાઇસન્સની જરૂર પડતી નથી. પણ જો દુકાન શરૂ કરો તો ‘ગુમાસ્તા ધારા’ના લાઇસન્સની જરૂર પડે.

મારો વ્યવસાય શહેરમાં ચાલે કે ગામડાંમાં?

આ ઉદ્યોગ મોટાં શહેરમાં કરી શકાય.

એકવારનું મૂડીરોકાણ

આ બિઝનેસ આપ લારીમાં અથવા તો કોઇ દુકાન ભાડે લઇને અથવા તો ઘર પરથી પણ શરૂ કરી શકો છો.

એક મહિનાની  વેચાણ ખરીદી

દર મહિને કરવો પડતો ખર્ચ

પ્રધાનમંત્રી મુદ્રા યોજના

•  નાના પાયાના બિઝનેસને પ્રોત્સાહન આપવા માટે પ્રધાનમંત્રી મુદ્રા યોજના છે.
• આ યોજના અંતર્ગત તમામ સરકારી અને ખાનગી બેંકોમાંથી 25 હજારથી 1 લાખ રૂપિયા સુધીની લોન મળી શકે છે. 
• નોન-કોર્પોરેટ અને નોન ફર્મ/માઇક્રો એન્ટરપ્રાઇસને 10 લાખ રૂપિયા સુધીની લોન મળે છે.
•  લોન ભરપાઇ કરવા માટેની મુદત પાંચ વર્ષ સુધીની છે.
•  વ્યાજના દરની રેન્જ : 10 %થી 18% છે.
• આ યોજના અંગે વધુ માહિતી મેળવવા માટે આ લિંક પર ક્લિક કરો.( https://www.mudra.org.in/)
   

ઘર દીવડા યોજના 

• આ યોજના હેઠળ ગરીબી રેખા નીચે જીવતી મહિલાઓને વ્યવસાય કરવા માટે લોન અને સબસીડી આપવામાં આવે છે. 
•  બેન્કેબલ લોન માટે બેન્કોને રૂપિયા 50,000 રૂપિયા સુધીની લોન માટેની ભલામણ કરવામાં આવી છે. 
• આ યોજનાનો લાભ લેવા માટે જિલ્લા સ્તરના આર્થિક વિકાસ નિગમના ફિલ્ડ ઓફિસરનો સંપર્ક કરવો.

મહિલા ઇ-હાટ યોજના 

• મહિલા ઇ-હાટ પ્લેટફોર્મ એવી યોજના છે, જેમાં મહિલાઓ ઘરે બેઠાં બિઝનેસ કરી શકે છે અને ઓનલાઈન તેમની પ્રોડક્ટને વેચી શકે છે. 
• જો તમે ઘરે જ્વેલરી ડિઝાઇન, જ્યુટ પર્સ, બેગ કે કોઇ પણ વસ્તુ બનાવતા હો તો મહિલા ઇ-હાટ યોજના થકી પ્રોડક્ટ ઓનલાઇન વેચી શકો છો. 
• આ માટે કોઇ પણ પ્રકારની રજિસ્ટ્રેશન ફી ચૂકવવાની નથી હોતી.
• આ પ્રોડક્ટ ખરીદવા માટે ગ્રાહક ઇ-હાટના પોર્ટલ પ્લેટફોર્મ પર તમારો સંપર્ક કરશે અને તમે સરળતાથી પ્રોડક્ટ વેચી શકો છો.

મહિલા સમૃદ્ધ યોજના

• પછાત વર્ગની મહિલાઓને આત્મનિર્ભર બનાવવા હેતુ આ યોજના શરૂ કરવામાં આવી છે. 
• આ યોજના હેઠળ મહિલાને કોઇપણ વ્યવસાય શરૂ કરવા માટે સરકાર દ્રારા 50,000 સુધીની લોન મળે છે.
•   વ્યાજનો વાર્ષિક દર 4 ટકા રહેશે.
• આ લોન વ્યાજ સહિત 48 સરખા માસિક હપ્તામાં ભરપાઇ કરવાની રહેશે.
• અરજદારના કુંટુંબની વાર્ષિક આવક ગ્રામ્ય વિસ્તાર માટે રૂ.98,000થી ઓછી અને શહેરી વિસ્તાર માટે રૂ.1,20,000થી ઓછી હોવી જોઇએ.
•  આ યોજના અંગે વધુ માહિતી મેળવવા માટે આ લિંક પર ક્લિક કરો. (https://sje.gujarat.gov.in/gbcdc/showpage.aspx?contentid=1456&lang=gujarati)

ન્યુ સ્વર્ણિમા યોજના 

• આ યોજના હેઠળ ગરીબી રેખા નીચે જીવતી મહિલાઓને વ્યવસાય કરવા માટે   1,00,00 સુધીની લોન મળે છે.
• મહિલાનાં કુંટુંબની વાર્ષિક આવક ગ્રામ્ય વિસ્તા૨ માટે રૂ. 98,૦૦૦ થી ઓછી અને શહેરી વિસ્તાર માટે રૂ.1,20,૦૦૦ થી ઓછી હોવી જોઇએ.
•  આ યોજનાઓમાં વ્યાજનો દર વાર્ષિક 5 ટકા રહેશે.
•  આ લોન વ્યાજ સહિત 60 મહિનામાં હપ્તેથી ભરપાઇ કરવાની રહેશે.
• આ યોજનાનો લાભ લેવા માટે જિલ્લા સમાજ કલ્યાણની કચેરીનો સંપર્ક કરવો.
• આ યોજનાનો લાભ લેવા માટે આ લિંક પર ક્લિક કરો (https://sje.gujarat.gov.in/gtkvn/showpage.aspx?contentid=1448&lang=gujarati)

નારી કેન્દ્ર યોજના

• આ યોજના હેઠળ  પરંપરાગત વસ્તુઓના વેચાણ માટે સ્ટોલમાં 50 ટકા રાહત મળે છે. 
• આ યોજનાનો આદિજાતિની મહિલાઓ લાભ લઇ શકે છે .
• આ યોજનાનો લાભ લેવા માટે સંબંધિત વિસ્તારના પ્રયોજનના વહીવટદાર અધિકારીનો સંપર્ક કરવો.

પ્રદર્શન સહ વેચાણ યોજના

• આ યોજના હેઠળ તમામ મહિલાઓને વેચાણ માટે ફ્રી સ્ટોલ મળે છે.
• જુદા-જુદાસ્થળોએ યોજાતા રાજ્યકક્ષાઅને આંતરરાષ્ટ્રીય કક્ષાનામેળામાં ફ્રીસ્ટોલ ફાળવવામાં આવે છે.
• આ યોજનાનો લાભ લેવા માટે ગુજરાત રાજ્ય મહિલા આર્થિક વિકાસ નિગમ વિભાગનો સંપર્ક સાધવો.

કેટલી કમાણી થઇ શકે?

• આ વ્યવસાય દ્વારા લગભગ દર મહિને 10000 - 20000 રૂપિયાની કમાણી થઇ શકે છે.

યુઝફુલ ટિપ્સ

• બજારમાં ચાલતા ટ્રેન્ડ પ્રમાણે જો સારી ડિઝાઈનની જ્વેલરીનું વેચાણ કરશો તો વધુ સારો નફો કમાઈ શકશો