આ બિઝનેસને શરૂ કરવા માટે સૌ પ્રથમ તો હેર કટિંગ, સ્પા અને સ્ટાઇલ માટેની વ્યવસ્થિત તાલીમ લેવી જોઈએ. તાલીમ લીધા બાદ પણ સતત આ બાબતે અપડેટેડ રહેવું પડે છે, કારણ કે ફેશનની દુનિયા પણ સતત બદલાતી રહે છે. ફેશનની દુનિયામાં આવતી નવી-નવી હેરસ્ટાઈલ્સ અને હેર કટિંગ ટેકનિક્સથી અપડેટ રહેવું જરૂરી છે. આ માટે બ્યુટી સૅલોં અંગે યોજાતા સેમિનારમાં પણ હાજરી આપવી જરૂરી છે.

બિઝનેસ શરૂ કરતાં પહેલાં ફેસબુક પર પ્રોફાઇલ બનાવીને કે પેજ ક્રિએટ કરીને તમારા કામના આકર્ષક ફોટો અપલોડ કરીને તમે ગ્રાહકોને આકર્ષી શકો છો. આ સાથે તમામ કામની બ્રીફ સાથે આકર્ષક વિઝિટિંગ કાર્ડ તૈયાર કરાવવાં પણ જરૂરી છે.

આ કામ તમે ઘર બેસીને અથવા તો ભાડા પર જગ્યા લઇને શરૂ કરી શકો છો. આ ઉપરાંત ફ્રીલાન્સિંગ પણ કરી શકો છો અથવા તો હોમ ટુ હોમ સર્વિસ આપીને પણ કામ કરી શકાય છે.

શું હોવું જોઇએ?

- હેર સ્પા માટેની પ્રોડક્ટ્સ

- હેર કલર આયર્ન

- હેર ડ્રાયર

- હેર સ્ટ્રેટનર

- પિન, ચીપિયા

- નેટ બન વગેરે

આવ્યવસાય માટે લાઇસન્સની જરૂર પડે?

આ બિઝનેસ શરૂ કરવા માટે કોઇપણ પ્રકારના લાઇસન્સની જરૂર પડતી નથી.

આ વ્યવસાય શહેરમાં ચાલે કે ગામડાંમાં?

આ વ્યવસાય નાનાં તેમજ મોટાં શહેરોમાં ચાલે છે

શરૂઆતના તબક્કામાં જો ઘર પરથી બિઝનેસ શરૂ કરતા હો તો  હેર ટ્રીટમેન્ટ માટેનાં સાધનો ખરીદીને બિઝનેસ શરૂ કરી શકાય છે. હેર સ્પા માટેની બોટલ્સ અને હેર ટ્રિટમેન્ટ માટેનાં મશીન સિવાય ખાસ કોઇ સાધનોની જરૂર પડતી નથી. જો તમે દુકાન ભાડા પર લઇને બિઝનેસ શરૂ કરવા માગતા હો તો ફર્નિચર અને દુકાનનાં ભાડાં સહિત 1 લાખ સુધીનું મૂડીરોકાણ કરીને બિઝનેસ શરૂ કરી શકો છો.

એકવારનું મૂડીરોકાણ

દર મહિને કેટલો ખર્ચ થાય?

બ્યુટી સલૂનમાં દર મહિનાનો ખર્ચ ક્લાયન્ટની સંખ્યા અને તેને કરાવેલી ટ્રીટમેન્ટ પર આધારિત હોય છે. જો મહિનામાં 20 ક્લાયન્ટ આવે છે, તો દર મહિને 3થી 5 હજારનો ખર્ચ થતો હોય છે. જો 30થી વધુ કલાયન્ટ આવે તો ખર્ચ વધી શકે છે. ખર્ચ ક્લાયન્ટે કરાવેલી હેર ટ્રીટમેન્ટ પર આધારિત છે કારણ કે હેર સ્પા 300 રૂપિયાથી લઇને 2000 સુધીનું કરાવવામાં આવે છે. તો ખર્ચ  ક્લાયન્ટની હેર ટ્રીટમેન્ટનાં પેકેજ અને સંખ્યા પર આધારિત હોવાથી ચોક્કસ આંકડો કહી  ન શકાય.

પ્રધાનમંત્રી મુદ્રા યોજના

•  નાના પાયાના બિઝનેસને પ્રોત્સાહન આપવા માટે પ્રધાનમંત્રી મુદ્રા યોજના છે.
• આ યોજના અંતર્ગત તમામ સરકારી અને ખાનગી બેંકોમાંથી 25 હજારથી 1 લાખ રૂપિયા સુધીની લોન મળી શકે છે.
• નોન-કોર્પોરેટ અને નોન ફર્મ/માઇક્રો એન્ટરપ્રાઇસને 10 લાખ રૂપિયા સુધીની લોન મળે છે.
•  લોન ભરપાઇ કરવા માટેની મુદત પાંચ વર્ષ સુધીની છે.
•  વ્યાજના દરની રેન્જ : 10 %થી 18% છે.
• આ યોજના અંગે વધુ માહિતી મેળવવા માટે આ લિંક પર ક્લિક કરો.( https://www.mudra.org.in/)
   

ઘર દીવડા યોજના

• આ યોજના હેઠળ ગરીબી રેખા નીચે જીવતી મહિલાઓને વ્યવસાય કરવા માટે લોન અને સબસીડી આપવામાં આવે છે.
•  બેન્કેબલ લોન માટે બેન્કોને રૂપિયા 50,000 રૂપિયા સુધીની લોન માટેની ભલામણ કરવામાં આવી છે.
• આ યોજનાનો લાભ લેવા માટે જિલ્લા સ્તરના આર્થિક વિકાસ નિગમના ફિલ્ડ ઓફિસરનો સંપર્ક કરવો.

મહિલા સમૃદ્ધ યોજના

• પછાત વર્ગની મહિલાઓને આત્મનિર્ભર બનાવવા હેતુ આ યોજના શરૂ કરવામાં આવી છે.
• આ યોજના હેઠળ મહિલાને કોઇપણ વ્યવસાય શરૂ કરવા માટે સરકાર દ્રારા 50,000 સુધીની લોન મળે છે.
•   વ્યાજનો વાર્ષિક દર 4 ટકા રહેશે.
• આ લોન વ્યાજ સહિત 48 સરખા માસિક હપ્તામાં ભરપાઇ કરવાની રહેશે.
• અરજદારના કુંટુંબની વાર્ષિક આવક ગ્રામ્ય વિસ્તાર માટે રૂ.98,000થી ઓછી અને શહેરી વિસ્તાર માટે રૂ.1,20,000થી ઓછી હોવી જોઇએ.
•  આ યોજના અંગે વધુ માહિતી મેળવવા માટે આ લિંક પર ક્લિક કરો. (https://sje.gujarat.gov.in/gbcdc/showpage.aspx?contentid=1456&lang=gujarati)

આ બિઝનેસમાં સામાન્ય દિવસો કરતાં ફેસ્ટીવલ અને મેરેજની સિઝનમાં વધુ કમાણી થાય છે. અંદાજીત જો નફાનું માર્જિન દસ ટકા રાખો તો સિઝનમાં 25000 સુધીની કમાણી કરી શકાય છે.

યુઝફુલ ટિપ્સ

• આ બિઝનેસમાં બદલાતા ટ્રેન્ડ સાથે અપડેટ રહેવું જરૂરી છે.
• અપડેટ રહેવા માટે દિલ્હી,મુંબઇ, અમદાવાદ જેવાં મોટાં શહેરોમાં યોજાતા સેમિનાર જોઈન કરી શકાય.