જો તમે હેન્ડવર્કની કળા જાણતા હો તો આ બિઝનેસને શરૂઆતના સમયમાં ઘરેથી પણ સ્ટાર્ટ કરી શકો છો બિઝનેસ સ્ટાર્ટ કરવા માટે તમારે ફેસબુક પર તમારૂ પેજ ક્રિએટ કરીને તમારા વર્કના આકર્ષક ફોટો અપલોડ કરવા જોઇએ. જેથી તમારા કામની માર્કેટિંગ થઇ શકે અને લોકોનો સંપર્ક વધી શકે.

બિઝનેસ સ્ટાર્ટ કર્યાંની સાથે વિઝિટિંગ કાર્ડ પણ તૈયાર કરાવવું જરૂરી છે. આ સિવાય તમારે બજાર મેળવવા માટે બુટીક અને ગારમેન્ટના શો રૂમનો સંપર્ક કરવો પડે. જે આઉટફિટ પર વર્ક કરાવવાના ઓર્ડર આપતા હોય છે. જો તમારૂ કામ વધી જાય તો તમે આ તમામ હેન્ડવર્ક અને એબ્રોઇડરીના કામ કરાવવા માટે એકથી બે કારીગર પણ રાખી શકો છો.

જો આપને આ  કામની સારી એવી ફાવટ હોય તો અન્ય બહેનોને એબ્રોઈડરી ડિઝાઇન શીખવવા માટેના ક્લાસ પણ શરૂ કરીને સારી એવી કમાણી કરી શકો છો.

શું હોવું જોઇએ

• કલરફુલ જુદી-જુદી પ્રકારના થ્રેડ
• સીઝર
• એબ્રોઈડરી નીડલ
• જરૂરિયાત મુજબ ફ્રેબ્રિક
• લટકણ, દોરી, લેસ, મોતી, ડાયમંડ
• એબ્રોઈડરી હૂપ

વ્યવસાયના પ્રાથમિક તબક્કે માત્ર 15થી 20 હજારનું રોકાણ કરીને કામ શરૂ કરી શકાય છે. જો આપ  બહાર દુકાન રાખીને કામ કરવા માગો છો તો ફર્નિચર સહિત એક લાખથી દોઢ લાખ સુધીનું રોકાણ કરવું પડે.

દર મહિને કરવો પડતો ખર્ચ

આ બિઝનેસ સિઝન પર આધારિત છે. જો ફેસ્ટિવલ અને મેરેજની સિઝન હોય તો મહિનાની ખરીદી વધી જતી હોય છે. આવી સિઝનમાં ઓર્ડર મુજબ ખરીદી કરતાં 25થી 30 હજારની ખરીદી કરવી પડે છે. જો આપની નીચે કારીગર પણ કામ કરતાં હોય તો તે પર પીસ 100થી દોઢસો રુપિયા લેતા હોય છે. તેના ખર્ચ સિઝનમાં 25 હજાર સુધીનો આવી શકે છે. સામાન્ય સિઝનમાં કારીગરોને કામ ઓછું મળતું હોવાથી 8 હજાર સુધી કામ પેટે ચુકવવામાં આવે છે. આ રીતે ખરીદી. કારીગરોનો વેતન અને અન્ય ખર્ચ સહિત કુલ ખર્ચ 50થી 60 હજાર સુધીને આવે છે.

એક મહિનામાં કેટલું કામ થાય

જો આખો મહિનો દસથી બાર કલાક કામ કરવામાં આવે તો 100થી 150 પીસ એક મહિનામાં તૈયાર કરી શકાય છે. સામાન્ય રીતે માર્ચથી ડિસેમ્બર સુધી લગ્નસરા અને ફેસ્ટિવલની સિઝન હોવાથી મહિલના 100થી 150 પીસનું કામ થતું હોય છે.

પ્રધાનમંત્રી મુદ્રા યોજના

•  નાના પાયાના બિઝનેસને પ્રોત્સાહન આપવા માટે પ્રધાનમંત્રી મુદ્રા યોજના છે.
• આ યોજના અંતર્ગત તમામ સરકારી અને ખાનગી બેંકોમાંથી 25 હજારથી 1 લાખ રૂપિયા સુધીની લોન મળી શકે છે. 
• નોન-કોર્પોરેટ અને નોન ફર્મ/માઇક્રો એન્ટરપ્રાઇસને 10 લાખ રૂપિયા સુધીની લોન મળે છે.
•  લોન ભરપાઇ કરવા માટેની મુદત પાંચ વર્ષ સુધીની છે.
•  વ્યાજના દરની રેન્જ : 10 %થી 18% છે.
• આ યોજના અંગે વધુ માહિતી મેળવવા માટે આ લિંક પર ક્લિક કરો.( https://www.mudra.org.in/)

ઘર દીવડા યોજના 

• આ યોજના હેઠળ ગરીબી રેખા નીચે જીવતી મહિલાઓને વ્યવસાય કરવા માટે લોન અને સબસીડી આપવામાં આવે છે. 
•  બેન્કેબલ લોન માટે બેન્કોને રૂપિયા 50,000 રૂપિયા સુધીની લોન માટેની ભલામણ કરવામાં આવી છે. 
• આ યોજનાનો લાભ લેવા માટે જિલ્લા સ્તરના આર્થિક વિકાસ નિગમના ફિલ્ડ ઓફિસરનો સંપર્ક કરવો.

મહિલા ઇ-હાટ યોજના 

• મહિલા ઇ-હાટ પ્લેટફોર્મ એવી યોજના છે, જેમાં મહિલાઓ ઘરે બેઠાં બિઝનેસ કરી શકે છે અને ઓનલાઈન તેમની પ્રોડક્ટને વેચી શકે છે. 
• જો તમે ઘરે જ્વેલરી ડિઝાઇન, જ્યુટ પર્સ, બેગ કે કોઇ પણ વસ્તુ બનાવતા હો તો મહિલા ઇ-હાટ યોજના થકી પ્રોડક્ટ ઓનલાઇન વેચી શકો છો. 
• આ માટે કોઇ પણ પ્રકારની રજિસ્ટ્રેશન ફી ચૂકવવાની નથી હોતી.
• આ પ્રોડક્ટ ખરીદવા માટે ગ્રાહક ઇ-હાટના પોર્ટલ પ્લેટફોર્મ પર તમારો સંપર્ક કરશે અને તમે સરળતાથી પ્રોડક્ટ વેચી શકો છો.

નારી કેન્દ્ર યોજના

• આ યોજના હેઠળ  પરંપરાગત વસ્તુઓના વેચાણ માટે સ્ટોલમાં 50 ટકા રાહત મળે છે. 
• આ યોજનાનો આદિજાતિની મહિલાઓ લાભ લઇ શકે છે .
• આ યોજનાનો લાભ લેવા માટે સંબંધિત વિસ્તારના પ્રયોજનના વહીવટદાર અધિકારીનો સંપર્ક કરવો.

પ્રદર્શન સહ વેચાણ યોજના

• આ યોજના હેઠળ તમામ મહિલાઓને વેચાણ માટે ફ્રી સ્ટોલ મળે છે.
• જુદા-જુદાસ્થળોએ યોજાતા રાજ્યકક્ષાઅને આંતરરાષ્ટ્રીય કક્ષાનામેળામાં ફ્રીસ્ટોલ ફાળવવામાં આવે છે.
• આ યોજનાનો લાભ લેવા માટે ગુજરાત રાજ્ય મહિલા આર્થિક વિકાસ નિગમ વિભાગનો સંપર્ક સાધવો.

મહિલાઓ માટે સીવણવર્ગો માટેની સરકારી યોજના 

• -આદિવાસી મહિલાઓને પગભર બનાવવા માટે આ યોજના શરૂ કરવામાં આવી  છે. 
• આ યોજના હેઠળ આદિવાસી મહિલાઓને વિનામૂલ્યે સીવણની તાલીમ આપવામાં આવે છે.
• તાલીમ બાદ સિલાઈ મશીન ખરીદવા માટે 1500 રૂપિયાની સાધન સહાય આપવામાં આવે છે.
• તાલીમ દરમિયાન દર મહિને 250રૂપિયાનું સ્ટાઇપેન્ડ મળે છે.
• યોજનાનો લાભ લેવા રેશનકાર્ડ અને જાતિના પ્રમાણપત્ર, આવકના દાખલા સાથે આદિજાતિ વિકાસ વિભાગનો સંપર્ક કરવો. 

કેટલી કમાણી કરી શકાય

આ બિઝનેસ આમ જોઇએ તો સિઝન પર આધારિત છે. નવરાત્રિ, દિવાળી અને લગ્નની સિઝનમાં આ પ્રકારની રોયલલૂક આપતા આઉટફિટની ડિમાન્ડ વધી જાય છે, તેથી એકઝિબિશન માટે પણ એબ્રોઇડરી વર્કની ડિમાન્ડ રહે છે. આ બધી જ ડિમાન્ડને જોતા સિઝનમાં 40થી 50 હજાર સુધીનો નફો કમાય શકાય છે. તો સામાન્ય સિઝનમાં 30થી 35 હજાર જેટલો ચોખ્ખો નસો મેળવી શકો છો.

યુઝફુલ ટિપ્સ

• જો સારી અને યુનિક વર્ક સમયસર કરી આપશો તો કામની ડિમાન્ડ વઘશે.
• બિઝનેસને સારો પ્રતિભાવ મળે માટે એક્ઝિબિશનમાં ભાગ લેતા રહેવું પડે.
• બિઝનેસનો વ્યાપ માટે માર્કેટિંગ કરવું પણ એટલું જ જરૂરી છે