તીર્થ / માતા સીતાની જન્મભૂમિ સીતામઢી જિલ્લાના પુનૌરા ગામમાં છે, અહીં જાનકી મંદિર બન્યું છે

Janaki temple is built here, the birthplace of Mother Sita in Punaura village of Sitamarhi district

  • પુનૌરા ધામના જાનકી કુંડમાં સ્નાન કરવાથી સંતાન પ્રાપ્તિ થાય છે

Divyabhaskar.com

Feb 15, 2020, 09:49 AM IST

ધર્મ દર્શન ડેસ્કઃ મહા મહિનાના વદ પક્ષની આઠમે સીતા જયંતી ઉજવવામાં આવે છે. આ પર્વ 16 ફેબ્રુઆરીએ છે. બિહારના સીતામઢી જિલ્લાના પુનૌરા ગામમાં માતા જાનકી જન્મભૂમિ મંદિર છે. તેને પુનૌરા ધામના નામથી પણ ઓળખવામાં આવે છે.

સીતામઢી શહેરથી પાંચ કિલોમીટર પશ્ચિમમાં પુનૌરા ગામમાં ભવ્ય જાનકી મંદિર છે. માતા સીતાનો જન્મ આ જ સ્થાને થયો હતો એવું માનવામાં આવે છે. એક કથા પ્રમાણે, મિથિલામાં એકવાર અકાળ પડ્યો હતો. બ્રાહ્મણે રાજા જનકને ખેતરમાં હળ ચલાવવાની સલાહ આપી. જ્યારે રાજા જનક ખેતરમાં હળ ચલાવતાં હતાં, ત્યારે જમીનમાંથી માટીનું એક પાત્ર મળ્યું, જેમાં માતા સીતા બાળક અવસ્થામાં હતી.

આસપાસના અનેક મહત્ત્વપૂર્ણ તીર્થઃ-
પુનૌરાની આસપાસ સીતા માતા તથા રાજા જનક સાથે જોડાયેલાં અનેક તીર્થ સ્થળ છે. જ્યાં રાજાએ હળ ચલાવવાનું શરૂ કર્યું હતું. અહીં પહેલાં તેમણે મહાદેવનું પૂજન કર્યું હતું. તે શિવાલયને હલેશ્વર મંદિરના નામથી ઓળખવામાં આવે છે. એક સમયે વિદેહ નામના રાજાએ આ શિવ મંદિરનું નિર્માણ પુત્રેષ્ટિ યજ્ઞ માટે કરાવ્યું હતું.

સંતાન પ્રાપ્તિ થાય છેઃ-
પુનૌરા ધામમાં મંદિરની પાછળ જાનકી કુંડના નામથી એક સરોવર છે. આ સરોવરને લઇને માન્યતા છે કે, તેમાં સ્નાન કરવાથી સંતાન પ્રાપ્તિ થાય છે. અહીં પંથ પાકાર નામની પ્રસિદ્ધ જગ્યા છે. આ જગ્યા માતા સીતાના લગ્ન સાથે જોડાયેલી છે. આ જગ્યાએ આજે પણ પ્રાચીન પીપળાનું વૃક્ષ છે, જેની નીચે પાલખી બનેલી છે.

X
Janaki temple is built here, the birthplace of Mother Sita in Punaura village of Sitamarhi district
COMMENT

Next Stories

    ની  સંપૂર્ણ વાંચનસામગ્રી