Back

ધાર્મિક વિધિઓ

રમઝાન

રમઝાન

1) ઈસ્લામમાં રમઝાનનું શું મહત્વ છે?


પવિત્ર કુરાન જે અંતિમ ઈશ્વરીય માર્ગદર્શન છે. જેમાં જીવનની સમસ્ત સમસ્યાઓનું નિરાકરણ છે અને પરલોકની સફળતાનું સાધન છે, એ કુરાનઆ રમઝાન માસમાં પૈગંબર મોહમ્મદ સાહેબ ઉપર અવતરિત થયુ હતું. એટલે જ આ મહિનાને પવિત્ર અને મહિમામય ગણવામાં આવે છે.


2) રમઝાનમાં કેમ રાખવામાં આવે છે રોઝા?


રમઝાનમાં દિવ્ય કુરાનનું અવતરણ થયુ અને કુરાનથી એ લોકો માર્ગદર્શન પ્રાપ્ત કરી શકે છે જે લોકો સંયમી, પોતાની ઈચ્છાઓ અને વાસનાઓ ઉપર કાબૂ ધરાવનાર અને ઈશ પરાયણ હોય. રોઝા આ જ ગુણો માનવાનું કહે છે, એટલે આ મહીનામાં રોઝા રાખવાનો આદેશ કરવામાં આવ્યો છે.


3) રમઝાન મહીનામાં રોઝા રાખવાની શરૂઆત ક્યારે થઈ?


હિજરી સન 2માં(અટલે જ્યારે હઝરત મોહમ્મદ સાહેબ મક્કાથી હિજરત કરી મદીના પંહોચ્યા તેના બીજા વર્ષે) પહલી વખતે રમઝાન માસમાં રોઝા રાખવાનો આદેશ કુરાન દ્વારા આપવામાં આવ્યો હતો.

4) રોઝા રાખતી વખતે શું શુ ધ્યાન રાખવુ?


રોઝામાં પરોઢથી લઈ સૂર્યાસ્ત સુધી કોઈ પણ વસ્તુ ખાવા પીવા અને પોતાની પત્ની સાથે સહશયન કરવાનો નિષેધ હોય છે. આ સાથે એવુ કોઈ પણ કાર્ય જે ઈસ્લામમાં વર્જિત ઠરાવવામાં આવ્યુ છે. તેનો વિચાર સુદ્ધો કરવાની મનાઈ હોય છે.


5) રોઝા ક્યારે શરૂ થાય અને ક્યારે પૂર્ણ થયા ગણાય?

રોઝા પરોઢે(સુર્યોદયથી લગભગ એક-દોઢ કલાક પહેલા) શરૂ થાય છે અને સુર્યાસ્ત થયે પૂર્ણ થાય છે.


6) શું કરવાથી રોઝા તૂટી જાય?


પરોઢથી સૂર્યસ્તની વચ્ચે જાણી જોઈને કોઈ પણ વસ્તૂ ખાવા પીવાથી અને સ્ત્રી સાથે સહશયન કરવાથી રોઝા તૂટી જાય છે. (ભૂલથી ખાવા-પીવાથી રોઝું તૂટતું નથી.). આ સિવાય રોઝામાં કોઈ પણ ખોટુ કાર્ય કરવાથી, ગાળ આપવાથી અને ઝઘડો કરવાથી રોઝા સ્વીકાર્ય રહેતા નથી.


7) આરોગ્યની દ્રષ્ટિએ રોઝા રાખવાનું શું મહત્વ છે?


રોઝાનો મૂળ ઉદ્દેશ્ય તો સંયમ કેળવવા, પોતાની ઈચ્છાઓ પર કાબૂ મેળવવા અને ઈશપરાયણતા પ્રાપ્ત કરવાનો છે. પણ રોઝાથી આરોગ્યલક્ષી અને સમાજલક્ષી ઉદ્દેશ્યોની પ્રાપ્તિ પણ થાય છે.


આરોગ્યની દ્રષ્ટિએ રોઝા શરીર માટે અત્યંત લાભદાયક છે. હાલમાં જ વિજ્ઞાનની એક મહત્વપૂર્ણ શોધ થઈ છે કે જ્યારે માણસ 12થી 14 કલાક અન્નનો એક પણ દાણો કે જળનો એક પણ ઘુંટ લેતો નથી તો તેના શરીરમાં સ્વભક્ષણ(Auto Phagia)ની પ્રક્રિયા શરૂ થઈ જાય છે અને આ પ્રક્રિયાના ફળ સ્વરૂપે શરીરના જુદા-જુદા અવયવો ઉપર અને લોહીની નસો ઉપર જામેલો ક્ષાર ખવાતો જાય છે. આમ વધારાના ફેટ (FAT) અને કોલેસ્ટ્રોલ(Cholesterol) શરીરમાંથી દૂર થાય છે અને શરીરની સર્વિસીંગ થઈ જાય છે. મહીનાના પૂરા ત્રીસ દિવસ આમ કરવાથી શરીરપૂર્ણ રૂપે સ્વસ્થ અને યુવા થઈ જાય છે.


સામાજિક દ્રષ્ટિએ જ્યારે માણસ ભૂખ્યો અને તરસ્યો રહે છે, તો તેને વંચિતોની ભૂખ અને તરસનો એહસાસ થાય છે. તેના મનમાં ગરીબો અને વંચિતો માટે સદભાવના અને સહ્રદયતા જન્મે છે.


8) 27મો રોઝો શા માટે મહત્વપૂર્ણ ગણાય છે?


એવુ માનવામાં આવે છે કે રમઝાન માસમાં કુરાનનું અવતરણ મહીનાના અંતિમ દશકની એકી રાત્રિયોમાંથી કોઈ એક રાત્રિમાં થયુ હતું. એમાં પણ મોટાભાગના વિદ્વાનોનું કથન છે કે રમઝાનની 27મી રાતે આ અવતરણ થયુ હતુ એટલા આ રોઝાનું એટલું મહત્વ છે.


9) રોઝા અને ઉપવાસને ધર્મમાં શા માટે સ્થાન આપવામાં આવ્યુ છે?


રોઝા અને ઉપવાસ રાખવાથી શારીરિક ઈચ્છાઓ અને મનની વાસનાઓ ઉપર અંકુશ મેળવી શકાય છે. આત્મિય શક્તિઓનો ઉત્થાન થાય છે. ઈશ્વરની આજ્ઞાપાલનની શક્તિ મળે છે અને સાથે સાથે શરીર પણ નિરોગી થાય છે. એટલે જ દરેક ધર્મમાં રોઝા અને ઉપવાસને સ્થાન આપવામાં આવ્યુ છે.

(માહિતી: ડો. ફારુક મેમણ, જમાત-એ-ઈસ્લામી સંસ્થા)

 

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

તિથિ-તહેવાર

Dec 2018

ધર્મ દર્શન

TOP