Aries Daily Horoscope (દૈનિક મેષ રાશિફળ), Mesh Rashi 2018, Aries Zodiac Sign Horoscope Today, Weekly, Monthly & Yearly
રાશિફળ
મેષ
(અ. લ. ઈ.)
  • પોઝિટિવ
    આજે તમને મળનાર દરેક વ્યક્તિ સાથે વાત કરવા માટે ઉત્સુક રહેશો. તેમાં સંકોચ કરવો નહીં. પૈસા સાથે જોડાયેલું કામ પૂરું થશે. અટવાયેલું કામ પણ પૂરું થશે. તમે સારું બોલીને તમારું કામ કરાવી શકો છો. પરિવારના સંબંધોમાં સુધારો આવશે. તમારી કામ કરવાની રીતમાં બદલાવ કરો.
  • નેગેટિવ
    કોઈ કામને સરળ સમજવું નહીં. તમારી સામે પડકારજનક સ્થિતિનું સર્જન થશે. તમારા માટે નિર્ણય કરવો મુશ્કેલ બનશે. તમે પરિસ્થિતિ વચ્ચે ફસાયેલા છો તેવું અનુભવશો. બીજાની વાત ધ્યાનથી સાંભળવી.
  • ફેમિલી
    જૂની સમસ્યા હલ થશે. જીવનસાથીનો પ્રેમ અને સહકાર મળશે.
  • લવ
    તમારી ભાવનાને વ્યક્ત કરવા માટે સારો સમય છે.
  • કેરિયર/પ્રોફેશન
    બિઝનેસને લઈને ચિંતા રહેશે. ધીમે ધીમે બધુ ઠીક થઈ જશે. વિદ્યાર્થીઓ કોઈ સમસ્યામાં ફસાઈ શકે છે. મિત્રોની મદદ મળશે. આગળ વધવાની તક મળશે.
  • હેલ્થ
    મૌસમી બીમારીથી મુશ્કેલી વધશે. ઈન્ફેક્શન થઈ શકે છે.
  • ઉપાય
    જમતા પહેલા એક-એક કોળિયો ગાય અને કુતરાં માટે કાઢવો.
મેષ
(અ. લ. ઈ.)
  • પોઝિટિવ
    તમારા ગ્રહોની સ્થિતિ સારી હોવાથી આ સપ્તાહ તમારા માટે સારું રહેશે. કોઈ સારા સમાચાર મળી શકે છે. તમારા કામના વખાણ થશે. નોકરીમાં બઢતીના યોગ છે. પાર્ટનરનો સહકાર મળશે. ધારેલા કામ પૂરા થશે. ધનલાભ થશે.
  • નેગેટિવ
    પૈસાની બાબતને લઈને સ્થિતિ બગડી શકે છે. ધીરજ રાખવી. સ્થિતિ મુજબ વ્યવહાર કરવો. જરૂર પડે તો સમજૂતી કરવી. જીવનસાથીને લઈ ને ચિંતા રહેશે.
  • ફેમિલી
    જીવનસાથી સાથે ફરવા જઈ શકો છો.
  • લવ
    પાર્ટનરનો મૂડ સારો રહેશે. તમારા મનમાં જે ચાલી રહ્યું છે તે પાર્ટનર જાણી જશે.
  • કેરિયર/પ્રોફેશન
    નોકરિયાત વર્ગને બઢતી મળી શકે છે. વિચારીને રોકાણ કરવું. વિદ્યાર્થીઓને મહેનતના પ્રમાણમાં સફળતા મળશે નહીં.
  • હેલ્થ
    ચિંતા રહેશે. પેટની બીમારી થઈ શકે છે.
  • ઉપાય
    માતાજીના મંદિરમાં લાલ ચુંદડી ચઢાવવી.
મેષ
(અ. લ. ઈ.)
  • પોઝિટિવ
    સંપત્તિની કોઇપણ બાબત આ મહિને ટાળવી. લાભના કોઇજ સંકેત નથી. કોઇપણ પ્રકારનો સોદો કરતાં પહેલાં કાયદાકિય રીતે બધું જ બરાબર તપાસી લેવું.
  • નેગેટિવ
    1 થી 10 જુલાઇ- સૂર્ય-રાહુ-શુક્રનું ગોચર રાશિથી ત્રીજું છે. ચંદ્રમા દ્વિતીય છે. સ્થાયી સંપત્તિ બાબતે તણાવ રહેશે. આવક સામાન્ય રહેશે. 6-7 જુલાઇએ મુશ્કેલીઓ બહુ રહેશે. સાંધાનો દુખાવો, પાઇલ્સની સમસ્યા અને દાંતની તકલીફ થઈ શકે છે. સમય સતર્ક રહેવાનો છે. 11 થી 20 જુલાઇ- આવક સામાન્ય રહેશે, પરંતુ વૈચારિક તણાવ વધારે રહેશે. જાતને સામાન્ય પરિસ્થિતિમાં નહીં અનુભવી શકો. ચિંતાઓ વધારે અને સાથે વિવાદ પણ થઈ શકે છે. બીજાની ખોટી વાત સહન નહીં કરી શકો. વ્યાપારમાં સમસ્યાઓ આવશે. નોકરીમાં ટ્રાન્સફરના યોગ બની શકે છે. 21 થી 31 જુલાઇ- એકાદશ ચંદ્ર છે. 22-23એ દ્વાદશ રહેશે. પરંતુ, તેમાં કોઇ ફાયદો થવાની શક્યતા નથી. યોજનાઓ સફળ નહીં થઈ શકે અને આવક ઘટવાના કારણે ચિંતા થઈ શકે છે. જુગાર-સટ્ટો, ડબ્બા બજાર અને શેર બજારથી દૂર રહેવું. ભાડુવાત સતાવી શકે છે. કાર્યસ્થળ પર કોઇ તકલીફ પડી શકે છે. વિદેશ જવામાં અડચણો આવશે.
  • ફેમિલી
    પરિવારમાં કોઇ બાબતે ચિંતાઓ ઊભી થઈ શકે છે. પરિસ્થિતિ તણાવપૂર્ણ થઈ શકે છે. પરિવારમાં કેટલાક સભ્યોનો વિરોધ સહન કરવો પડી શકે છે. સંતાન સાથેના સંબંધો સામાન્ય રહેશે. દાંપત્ય માટે સમય મિક્સ રહેશે. કોઇ બાબતે જીવનસાથીનો વિરોધ સહન કરવો પડી શકે છે. જીવનસાથીના વર્તનથી થોડી ચિંતા થઈ શકે છે.
  • લવ
    પ્રેમ સંબંધમાં વાણીનો સંયમથી ઉપયોગ કરવો.
  • કેરિયર/પ્રોફેશન
    નોકરીમાં સહકર્મીઓ અને અધિકારીઓ સાથે મતભેદ થઈ શકે છે. કાર્યસ્થળનું વાતાવરણ તણાવપૂર્ણ રહી શકે છે. આવક સામાન્ય રહેશે. નોકરીમાં આખો મહિનો તકલીફ પડશે. વ્યાપારમાં સમસ્યાઓનો સામનો કરવો પડશે. બિઝનેસમાં પ્રતિસ્પર્ધા તમને સતાવી શકે છે. કોઇ સાથે વિવાદના યોગ બની રહ્યા છે. ગુસ્સાને નિયંત્રણમાં રાખો.
  • હેલ્થ
    સ્વાસ્થ્યની બાબતમાં કોઇ વિશેષ સંકેત નથી, છતાં મોઢા કે દાંત સંબંધિત કોઇ સમસ્યા સતાવી શકે છે. સાવધાની રાખવી.
  • ઉપાય
    શિવલિંગ પર મધથી અભિષેક કરો. કોઇ જરૂરિયાતમંદને કપડાંનું દાન કરો. ઘરમાં ગણપતિની તસવીર લાવો.
મેષ
(અ. લ. ઈ.)
  • પોઝિટિવ
    આ વર્ષ દરમિયાન ગુરુ ગ્રહનું ભ્રમણ આપની રાશિથી આઠમા સ્થાને ભ્રમણ કરશે. બીમારીનું સચોટ નિદાન અને સારવારથી લાભ થશે. નવી નોકરી કે નવો વ્યવસાય કરી શકો છો. ગુરુનું ફળ આ વર્ષ દરમિયાન મિશ્ર બની રહેશે. મનની વ્યથા સામાન્ય રીતે હળવી થતી જણાય. સાતમા ભાવે તુલા રાશિમાં વર્ષના આરંભમાં રહેલા સૂર્ય, ચંદ્ર અને શુક્રને કારણે માનસિક શાંતિ મેળવી શકાય.
  • નેગેટિવ
    વર્ષના અંત ભાગમાં ગુરુ મહારાજ ભાગ્યસ્થાનેથી ભ્રમણ કરશે. જેથી ભાગ્યમાં આવતા અવરોધો દૂર થાય. શનિ ગ્રહ આપની રાશિથી નવમાં ભાગ્યસ્થાનેથી પસાર થાય છે. જેને કારણે ગત વર્ષની જેમ આ વર્ષે પણ ભાગ્યને ક્યાંક ને ક્યાંક દોષ આપવો પડે, વધુ મહેનતે ઓછું કામ થાય. આવકનાં સ્થાનોમાં ધીમી પ્રગતિથી નિરાશા હાથ લાગે. ના ગમતાં હોય તેવાં કાર્યો કરવા પડે. સંતાન અંગેના પ્રશ્નો વધુ મૂંઝવણ આપી શકે તેમ છે. આપની રાશિના ફળકથન પરથી કહી શકાય કે ૨૦૭૫નું વર્ષ આપના વિદેશના પ્રશ્નોને લઇ વધુ કષ્ટદાયક બનશે.વિદ્યા અભ્યાસ માટે જવા માંગતા વિદ્યાર્થીને વિઝાની મુશ્કેલીઓ આવી શકે છે. જે લોકો ત્યાં કાયમી રહે છે તેવા લોકોને ભારત આવવા-જવામાં તકલીફ પડે. જે જાતકોની કાયમી વિઝાની ફાઈલ કરી હશે તેને હજી વિલંબ થઇ શકે છે.
  • ફેમિલી
    સંતાનપ્રાપ્તિની આપની ઈચ્છા આ વર્ષ દરમિયાન આપને થોડી નિરાશા આપી શકે છે. સંતાનોની અભ્યાસ સંબંધિત સમસ્યાઓ આ વર્ષે સામાન્ય થઇ શકે છે. ઉચ્ચ અભ્યાસ માટે આપના સંતાનને વિદેશ મોકલવાથી ભવિષ્યમાં મોટો ફાયદો થાય. આપના અભ્યાસ અંગેના પ્રશ્નો આ વર્ષે થોડા જટિલ બનતા જાય. વિદ્યાર્થીવર્ગ ધારે તો પણ એકધારો અભ્યાસ પૂર્ણ ના કરી શકે. મેડિકલ ક્ષેત્રના વિદ્યાર્થીઓ માટે ૨૦૭૫નું વર્ષ પૂર્ણ લાભદાયી બની શકે એવું છે. સામાન્ય રીતે અભ્યાસમાં વધુ ધ્યાન આપવું. મહેનતના પ્રમાણમાં ફળ મળે.
  • લવ
    પ્રેમમાં આ વર્ષ આપને ખૂબ લાભ આપી શકે તેમ છે. આપની મહેનત, આપની સાચી લાગણીને સમજવાવાળું પાત્ર મળવાથી વિશેષ આનંદ થાય. નિ:સ્વાર્થ કરેલો પ્રેમ આપને લગ્નના બંધન સુધી લઇ જશે. વર્ષના અંતમાં નાની-નાની તકલીફ આવી શકે છે જેનું નિરાકરણ આપ જાતે જ લાવી શકશો. જેને પ્રેમ કર્યો છે તે પાત્રના પરિવારને મળવાથી આપના હરખનો પાર ના રહે. જો તમે સાચી વ્યક્તિ એટલે કે પ્રિયપાત્રની પસંદગી કરી હશે તો પ્રેમમાં વિશ્વાસઘાત કે દગો મળશે નહીં તે નક્કી છે.
  • કેરિયર/પ્રોફેશન
    નોકરીમાં આ વર્ષ મેહનત કરાવનારું અને દોડધામ ભરેલું રહે. સરકારી નોકરી કે બેંકની નોકરી કરતા હોવ તો બદલીને લઈને સામાન્ય કહી શકાય તેવી સામાજિક કે પારિવારિક તકલીફો થઈ શકે છે. જન્મકુંડળીમાં શુક્ર બળવાન હશે તો યશ, પદ, ધનની પ્રાપ્તિ થાય. ધંધામાં મોટા મૂડીરોકાણથી તમારી ચિંતામાં વધારો થાય. વર્ષના અંતમાં કાયદાકીય વિવાદ ઇન્કમટેક્સ જેવી કાર્યવાહીમાં રાહત મળે. એકંદરે આ વર્ષ વેપાર-વ્યવસાયમાં વિશેષ ધ્યાન આપવું પડે તેવું બની રહે. વર્ષના પ્રારંભમાં ધનાધિપતિ શુક્ર સાતમા સ્થાને તુલા રાશિમાં છે જે આપના માટે શ્રેષ્ઠ છે. આર્થિક દૃષ્ટિએ પ્રગતિ સારી જણાય, ખર્ચનું પ્રમાણ વધી શકે છે. ધાર્મિક-માંગલિક પ્રસંગોમાં નાણાં ખર્ચાઈ શકે છે. વર્ષના અંત ભાગમાં નાણકીય વ્યવહારમાં સાવધાની રાખવી.
  • હેલ્થ
    આ વર્ષના પ્રારંભથી લઈને વર્ષના અંત સુધી આપના સ્વાસ્થ્ય ઉપર વધુ ધ્યાન આપવું યોગ્ય રહેશે. વર્ષના મધ્ય ભાગમાં શરદી-ઉધરસનું પ્રમાણ વધી શકે છે. સાથે-સાથે ગળા સંબંધિત તકલીફો પણ થઈ શકે છે. ચોથા ભાવમાં શત્રુક્ષેત્રી રાહુ તેમજ આઠમાં ભાવમાં ગુરુ તકલીફદાયક બની શકે છે. તેને કારણે મેષ રાશિના જાતકોને પગમાં તેમજ હાથમાં દુખાવાન પ્રશ્નો સતત રહ્યા કરશે. પ્રવાસ આપના માટે આ વર્ષ સફળતાનાં શિખરો સર કરાવે. ધાર્મિક પ્રવાસથી આપનું મન હળવું બને. વ્યાવસાયિક પ્રવાસો શુભ ફળદાયક નીવડે.
  • ઉપાય
    પાણીમાં રહેલા જીવોને ગોળ મિશ્રિત કોઈ પણ વસ્તુ દર રવિવારે અર્પણ કરવી. લાલ મરચું શક્ય હોય તો ખાવામાં ત્યજવું. મસૂરની દાળ અને તાંબાનાં પાત્રોનું દાન કરવું. શક્ય હોય ત્યાં સુધી મીઠું બોલવું, આપના માટે વધુ લાભદાયી છે. દર મંગળવારે ઈષ્ટદેવનું પૂજન કર્યા પછી વડીલોના આશીર્વાદ લેવા. 27 મંગળવાર સુધી કપાળમાં કેસરનું તિલક કરવું અને ‘ૐ ક્રાં ક્રીં ક્રૌં ક: ભૂમિપુત્રાય નમ:|’ મંત્રનો રોજ ત્રણ માળાજાપ કરવો.

ગ્રહદશાવધુ

રાશિ-ઉપાયવધુ

વાસ્તુશાસ્ત્રવધુ