શુભ સંયોગ:ગુરુ પૂર્ણિમાના દિવસે મંગળથી શનિ સુધી પાંચ ગ્રહ રહેશે તમારી રાશિમાં, ચાર શુભ યોગથી બનશે ખાસ દિવસ

3 મહિનો પહેલા
  • કૉપી લિંક

13 જુલાઈના રોજ બુધવારના રોજ અષાઢી પૂનમની તિથિ રહેશે. આ દિવસે ગુરુપૂર્ણિમાનો ઉત્સવ મનાવવામાં આવશે. આ પર્વ ખાસ હોય છે. પૂનમના દિવસે 5 ગ્રહ આ રાશિમાં રહેશે અને ચાર શુભ યોગ બની રહ્યો છે. નક્ષત્રોની શુભ સ્થિતિના પ્રભાવને કારણે અષાઢ પૂર્ણિમાના દિવસે સ્નાન, દાન અને પૂજાનું વિશેષ ફળ મળશે. આ શુભ તહેવાર પર ખરીદી, રોકાણ અને લેવડ-દેવડ કરવી ફાયદાકારક રહેશે.

ગ્રહ-નક્ષત્રોની આ રહેશે સ્થિતિ
પુરીના જ્યોતિષી ડૉ.ગણેશ મિશ્રા જણાવે છે કે, અષાઢ પૂર્ણિમાના દિવસે મંગળથી શનિ સુધીના 5 ગ્રહો પોતાની રાશિમાં રહેશે. જેના કારણે આ તહેવારની શરૂઆત હંસ મહાપુરુષ યોગમાં થશે.આ સાથે ઈન્દ્ર, શ્રીવત્સ, બુધાદિત્ય યોગ પણ આ દિવસે રચાશે. આ તહેવાર પર નક્ષત્રોની શુભ સ્થિતિમાં કરવામાં આવેલ કામ શુભ ફળમાં વધારો કરશે. આ દિવસે મંગળ મેષ રાશિમાં, બુધ મિથુન રાશિમાં, ગુરુ મીન રાશિમાં, શુક્ર વૃષભમાં અને શનિ કુંભ રાશિમાં રહેશે.

સ્નાન-દાનની છે પરંપરા
આ ખાસ દિવસે ગંગા સહિત અન્ય પવિત્ર નદીઓમાં સ્નાન અને પીપળાની પૂજા કરવાથી અનેકગણું પુણ્ય મળશે. આ દિવસે સૂર્યોદય પહેલાં જાગીને સ્નાન કરી લેવું જોઈએ. આ દિવસે તીર્થસ્નાન માટે ન જઈ શકો તો ઘરે જ પાણીમાં ગંગાજળ અથવા પવિત્ર નદીઓનું જળ મિક્સ કરીને સ્નાન કરવું જોઇએ. આ દિવસે શુભ મુહૂર્તમાં દાનનો સંકલ્પ કરીને જરૂરિયાતમંદ લોકોને દાન કરવું જોઈએ.

સૌભાગ્ય અને આરોગ્ય વધારવા માટે દાન
27 નક્ષત્રોમાં ઉત્તરાષદા નક્ષત્ર પૂજા અને સ્નાનનું પુણ્ય વધારે છે. તેનો સ્વામી સૂર્ય છે. તેવી જ રીતે સિદ્ધિ યોગના સ્વામી ગણેશ છે. જે દરેક પ્રકારના કાર્યમાં સિદ્ધિ આપનાર છે. આ તહેવાર પર મકર રાશિમાં ચંદ્રમાં હોવાને કારણે વૈભવમાં વધારો થશે અને આ દિવસે સ્નાન કર્યા બાદ જળ અને સફેદ વસ્તુઓનું દાન કરવાથી શુભ ફળ મળશે. આ રીતે દાન કરવાથી સૌભાગ્ય વધે છે અને સ્વાસ્થ્ય પણ મળે છે. અષાઢ પૂર્ણિમાના દિવસે દાન કરવાથી રોગો દૂર થાય છે અને સમૃદ્ધિ વધે છે.