કન્યા રાશિફળ 2023:આ વર્ષે તમે એક્ટિવ રહેશો, જાન્યુઆરીથી એપ્રિલ સુધીમાં બધા જ જરૂરી અને ખાસ કામ પૂર્ણ થશે

પોઝિટિવઃ- પોઝિટિવિટી વધશે. ભય દૂર થશે. તમે એક્ટિવ રહેશો. આગળ વધવામાં સમયનો સાથ મળશે. થોડું જોખમ પણ લેશો અને તેમાં સફળ પણ થશો. જે લોકોને મળશો તેના ઉપર તમારો પ્રભાવ વધશે. નવા કામ શરૂ થશે. સારી તક મળશે. જાન્યુઆરીથી એપ્રિલ સુધીમાં બધા જ જરૂરી અને ખાસ કામ પૂર્ણ કરો અથવા શરૂ કરો. મે મહિનાથી ડિસેમ્બર સુધીનો સમય મિશ્રિત રહી શકે છે. અચાનક કોઈ કામ થઈ શકે છે. અચાનક ફાયદો કે સફળતા મળી શકે છે.

નેગેટિવઃ- મે મહિનાથી ડિસેમ્બર દરમિયાન વસ્તુઓ સ્પષ્ટ થશે નહીં. તમારે વધારે ધ્યાનથી કામ પૂર્ણ કરવાની જરૂરિયાત છે. આ દિવસોમાં એલર્ટ રહેશો નહીં તો નુકસાન થઈ શકે છે. થોડી નેગેટિવિટી પણ વધી શકે છે. વિરોધીઓ વધશે. મે, જુલાઈ અને ઓગસ્ટમાં રોકાણ કે લેવડ-દેવડમાં સાવધાની જાળવો. અનુભવી લોકો પાસેથી સલાહ લઈને કોઈ કામ કરવું પડશે.

વ્યવસાયઃ- જાન્યુઆરીથી એપ્રિલ સુધી બિઝનેસ વધી શકે છે. નવી શરૂઆત કે પાર્ટનરશિપ થઈ શકે છે. નોકરિયાત લોકો માટે સમય સારો રહેશે. મનોબળ અને સન્માન વધશે. આગળ વધવાની તક મળશે. સોશિયલ લાઇફ અને આર્થિક સ્થિતિ મજબૂત થશે. મે મહિનાથી ડિસેમ્બર સુધીનો સમય સામાન્ય રહેશે. આ સમયે ફેરફાર કરવા ઇચ્છો છો તો સમજી-વિચારીને કરો. બિઝનેસમાં અચાનક અથવા ઉતાવળમાં ફેરફાર ન કરો.

લવઃ- શરૂઆતના ચાર મહિનામાં લવ લાઇફ સારી રહેશે. લગ્ન થવાના યોગ બનશે. લિવ ઇનમાં રહેતાં લોકો માટે સમય સારો રહેશે. મે મહિનાથી ડિસેમ્બર સુધી લવ લાઇફ માટે સમય સામાન્ય રહેશે. ઓગસ્ટ અને ઓક્ટોબરમાં વિવાદ થશે તો મામલો ખરાબ થઈ શકે છે.

વિદ્યાર્થી વર્ગઃ- શરૂઆતના ચાર મહિના સારા રહેશે. આ દિવસોમાં લક્ષ્ય પ્રાપ્ત કરશો. નક્ષત્રોનો સાથ મળશે. કેમ્પસ સિલેક્શન થશે. મે મહિનાથી ડિસેમ્બર સુધી મહેનત વધારે કરવી પડશે. સાવધાન પણ રહેવું પડશે. કોશિશ અને મહેનત વધારવાની જરૂરિયાત રહેશે.

સ્વાસ્થ્યઃ- જાન્યુઆરીથી એપ્રિલ સુધી સ્વાસ્થ્ય સારું રહેશે. આ મહિનાઓમાં સ્વાસ્થ્યને લઇને રાખવામાં આવતો ટાર્ગેટ અચીવ કરી શકો છો. નવી આદત શરૂ કરશો. રૂટીનમાં પોઝિટિવ ફેરફાર કરવા માટે આ સમય સારો રહેશે.