તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

મીન સંક્રાંતિ:આવતીકાલે સૂર્ય મીન રાશિમાં પ્રવેશ કરશે; મહાપુણ્યકાળમાં આ વસ્તુઓનું દાન કરો, મિથુન, તુલા સહિત 5 રાશિના લોકોને થશે મહાલાભ

3 મહિનો પહેલા
  • મીન સંક્રાંતિમાં મિથુન રાશિ સહિત પાંચ રાશિના જાતકોને ફાયદો થશે
  • મીન સંક્રાંતિના દિવસે પવિત્ર નદીમાં સ્નાન અને દાન કરવાનું વિશેષ મહત્ત્વ છે

દર મહિનામાં એક સંક્રાંતિ તિથિ આવે છે. આ પ્રકારે દર વર્ષે કુલ 12 સંક્રાંતિ તિથિ આવે છે. દર મહિને સૂર્યદેવ એક રાશિથી બીજા રાશિમાં ગોચર કરે છે. જ્યારે સૂર્ય મીન રાશિમાં ગોચર કરે છે ત્યારે એને મીન સંક્રાંતિ કહેવામાં આવે છે. આ વર્ષે આ શુભ સંયોગ 14 માર્ચના રોજ રવિવારે આવી રહ્યો છે. મીન સંક્રાંતિના દિવસે પવિત્ર નદીમાં સ્નાન અને દાન કરવાનું વિશેષ મહત્ત્વ છે. આ તહેવારને ઓડિશામાં ખૂબ જ ધૂમધામ સાથે ઊજવવામાં આવે છે.

મીન સંક્રાંતિનું શુભ મુહૂર્તઃ-
મીન સંક્રાંતિ પુણ્યકાળ- સાંજે 6 વાગીને 18 મિનિટથી લઇને સાંજે 6 વાગીને 29 મિનિટ સુધી.

મીન સંક્રાંતિ દરમિયાન માંગલિક કાર્યો વર્જિત રહે છે.
મીન સંક્રાંતિ દરમિયાન માંગલિક કાર્યો વર્જિત રહે છે.

મીન સંક્રાંતિનું મહત્ત્વઃ-
શાસ્ત્રોમાં મીન સંક્રાંતિનું મહત્ત્વ ઉલ્લેખવામાં આવ્યું છે. સૂર્યના ઉત્તરાયણ થયા પછી દિવસનો સમય વધી જાય છે અને રાત નાની થવા લાગે છે. મીન સંક્રાંતિનું પ્રકૃતિની દૃષ્ટિએ પણ વિશેષ મહત્ત્વ છે. શાસ્ત્રો પ્રમાણે, આ એ સમય હોય છે જ્યારે પ્રકૃતિમાં નવું સર્જન થાય છે. આ દરમિયાન ઉપાસના, ધ્યાન અને યોગ કરવું લાભકારી માનવામાં આવે છે. કહેવાય છે કે આ દિવસે ભગવાન સૂર્યની ઉપાસના કરવી અને અર્ઘ્ય આપવાથી નકારાત્મકતા દૂર થાય છે.

આ દરમિયાન માંગલિક કાર્યો વર્જિત રહે છેઃ-
મીન સંક્રાંતિમાં માંગલિક કાર્ય વર્જિત રહે છે. આ દરમિયાન નામકરણ, વિદ્યારંભ, અન્નપ્રાશન, વિવાહ સંસ્કાર, ગૃહપ્રવેશ તથા વાસ્તુ પૂજન વગેરે માંગલિક કાર્યોને વર્જિત માનવામાં આવે છે.

મીન સંક્રાંતિના દિવસે દાનમાં શું આપવું જોઈએઃ-
મીન સંક્રાંતિના દિવસે તલ, વસ્ત્ર, અનાજનું દાન કરવું જોઈએ. આ દિવસે ગાયને લીલું ઘાસ ખવડાવવું પણ શુભ માનવામાં આવે છે.

મીન સંક્રાંતિનો તહેવાર ઓડિશામાં ખૂબ જ ધૂમધામ સાથે ઊજવવામાં આવે છે.
મીન સંક્રાંતિનો તહેવાર ઓડિશામાં ખૂબ જ ધૂમધામ સાથે ઊજવવામાં આવે છે.

આ 5 રાશિને થશે લાભઃ-

મિથુનઃ- આ દરમિયાન તમને ઉન્નતિ મળી શકે છે. તમારા પ્લાનિંગને ગુપ્ત રાખીને કામ કરશો તો સફળ થશો. ઉચ્ચ અધિકારીઓ સાથે સંબંધ મજબૂત થશે. વિદેશી કંપનીમાં નોકરી કે નાગરિકતા માટે અરજી કરવી સફળ રહેશે.

તુલાઃ- સૂર્યદેવનું ગોચર તમારા માટે લાભકારી સાબિત થશે. અટવાયેલું ધન પાછું મળી શકે છે. કોર્ટ-કચેરીના મામલાઓ તમારા પક્ષમાં આવી શકે છે. કોઈ મોટાં કાર્યોની શરૂઆત કરવાનું વિચારી રહ્યા છો તો આ સમય ઉત્તમ છે.

વૃશ્ચિકઃ- સૂર્યદેવના આ ગોચર દરમિયાન વિદ્યાર્થીઓને શુભફળની પ્રાપ્તિ થશે. અટવાયેલું ધન પાછું મળવાની આશા છે. પ્રેમને લગતા મામલાઓમાં નિરાશા હાથ લાગશે. નવ દંપતીને સંતાનપ્રાપ્તિના યોગ બની શકે છે. વેપારીઓ માટે આવકનાં સાધન વધશે.

મકરઃ- સૂર્યનું ગોચર તમને સાહસી, ઊર્જાવાન અને આત્મવિશ્વાસી બનાવશે. આ દરમિયાન તમે તરત નિર્ણય લઇ શકશો. વાણી અને આવેશ પર કંટ્રોલ રાખો. પરિવારના સભ્યો સાથે મતભેદ થવા દેશો નહીં. ધર્મ અને અધ્યાત્મ તરફ રસ વધી શકે છે.

મીનઃ- સૂર્ય ગોચર દરમિયાન તમારું માન-સન્માન વધશે. વિપરીત પરિસ્થિતિઓ પર સરળતાથી સફળતા પ્રાપ્ત કરી શકશો. તમારા દ્વારા કરવામાં આવેલાં કાર્યોના વખાણ થશે. કોર્ટ-કચેરી સાથે જોડાયેલા મામલાઓને બહાર જ ઉકેલવા યોગ્ય રહેશે. લગ્નમાં મોડું થઇ શકે છે.