વૃશ્ચિક રાશિફળ 2023:વર્તમાન નોકરીમાં પ્રમોશન મળવાના યોગ છે, જોખમી કાર્યો સમજ્યા વિના ન કરશો

પોઝિટિવઃ- જાન્યુઆરીથી એપ્રિલ સુધીનો સમય ખૂબ જ સારો રહેશે. નવા કામોની શરુઆત થશે. જોખમી હશે પણ સફળતા જરૂર મળશે. અડચણો તો આવશે પણ તેનું સમાધાન પણ મળી જશે. અનુભવી અને સહકર્મચારીઓની સલાહ હિતાવહ સાબિત થશે. કોર્ટ-કચેરીનાં કિસ્સાઓથી દૂર રહેવું.

નેગેટિવઃ- વધુ સમસ્યાઓ નહી આવે તો પણ મેથી ડિસેમ્બર સુધી સાવચેત રહેવું. સમય સામાન્ય રહેશે. અધિકારીઓ સાથે મતભેદ થઈ શકે છે. મન પણ ઉદાસ થઈ શકે છે. જોખમભરેલા કામ વિચાર્યા વગર ન કરો

વ્યવસાયઃ- નોકરીયાત લોકો માટે જાન્યુઆરીથી એપ્રિલનો સમય સારો રહેશે. વર્તમાન નોકરીમાં પ્રમોશન મળવાના યોગ છે. નોકરી શોધતા લોકોને સફળતા મળી શકે છે. વિદેશમાં કામ કરવું હોય તો રસ્તો ખૂલશે. તમને સારા પરિણામ મળશે. નવું કામ શરૂ કરવું હોય તો સમય સારો છે. નોકરિયાત લોકો માટે મેથી ડિસેમ્બર સુધી ઉતાર-ચઢાવનો સમય રહેશે. નોકરીયાત લોકોની ટ્રાન્સફર થવાના યોગ છે, પરંતુ તેનાથી તમને ફાયદો પણ થશે. જો તમે વેપાર કરતા હો, તો તમારે વધુ સાવચેત રહેવું પડશે. લેવડ-દેવડમાં મુશ્કેલીઓ આવી શકે છે.

લવઃ- એપ્રિલ સુધી લવ લાઈફ સારી છે. પ્રેમ સંબંધો મજબૂત રહેશે. લિવ-ઈનમાં રહેતાં લોકો લગ્ન કરી શકે છે. મેથી ડિસેમ્બર સુધીનો સમય સામાન્ય રહેશે. સંબંધોમાં ઉતાર-ચઢાવ આવશે. વિવાદનાં કારણે સંબંધોમાં થોડા સમય માટે અંતર આવી શકે પરંતુ, બાદમાં સંબંધ વધુ મજબૂત બની શકે છે.

વિદ્યાર્થી વર્ગઃ- વિદ્યાર્થીઓ માટે આ સમય સારો છે. સફળતા મળવાના યોગ છે. શરૂઆતના ચાર મહિનામાં ગ્રહોની સ્થિતિ સારી રહેશે. તેથી, ભાગ્ય તમારો સાથ આપશે પરંતુ, તમારે ખૂબ જ મહેનત કરવી પડશે. જો તમે અભ્યાસ પર ધ્યાન કેન્દ્રિત કરશો અને એકાગ્ર રહેશો, તો તમે ઇચ્છિત સફળતા ઝડપથી મેળવી શકો છો.

સ્વાસ્થ્યઃ- જાન્યુઆરીથી એપ્રિલ સુધી સ્વાસ્થ્ય સારું રહેશે. ક્રોનિક બીમારીઓનો અંત આવશે. રિકવરી ઝડપથી થશે. મેથી ડિસેમ્બર સુધી સ્વાસ્થ્યમાં ઉતાર-ચઢાવ આવી શકે છે. ખાસ કરીને જૂન, ઓગસ્ટ અને નવેમ્બરમાં સાવચેત રહો. આ મહિનાઓ દરમિયાન તમારે તમારા સ્વાસ્થ્યનું વિશેષ ધ્યાન રાખવું પડશે.