ગ્રહ ગોચર:23 ફેબ્રુઆરીએ ગુરુ ગ્રહ અસ્ત થશે, 26 માર્ચ સુધી લગ્ન અને શુભ કાર્યો માટે મુહૂર્ત રહેશે નહીં

7 મહિનો પહેલા
  • કૉપી લિંક

જ્યોતિષીય ગણના પ્રમાણે સૂર્યની બંને બાજુ અને લગભગ 11 ડિગ્રીએ ગુરુ ગ્રહ હોય તો તેને અસ્ત માનવામાં આવે છે. જોકે, દેવગુરુ બૃહસ્પતિ ધર્મ અને માંગલિક કાર્યોનો કારક ગ્રહ છે. એટલે ગુરુ ગ્રહના અસ્ત થવાથી માંગલિક કાર્યો કરવામાં આવતા નથી. આ વખતે 23 ફેબ્રુઆરીથી 26 માર્ચ સુધી ગુરુ અસ્ત રહેશે. એટલે લગભગ આ 32 દિવસ સુધી લગ્ન અને અન્ય માંગલિક કાર્યો માટે મુહૂર્ત રહેશે નહીં.

સૂર્યના રાશિ પરિવર્તનથી ગુરુ ગ્રહ અસ્ત રહેશે
પુરીના જ્યોતિષાચાર્ય ડો. ગણેશ મિશ્રના જણાવ્યા પ્રમાણે, 13 ફેબ્રુઆરી રવિવારના રોજ સવારે સૂર્યએ કુંભ રાશિમાં પ્રવેશ કર્યો હતો. આ રાશિમાં દેવગુરુ બૃહસ્પતિ પહેલાંથી જ હાજર છે. સૂર્યના રાશિ બદલ્યા પછી દસમા દિવસે એટલે 23 ફેબ્રુઆરીએ બૃહસ્પતિ અસ્ત થઈ જશે. જે આવતા મહિને 27 માર્ચના રોજ ઉદય થશે.

ગુરુ ગ્રહના અસ્ત થવાથી માંગલિક કાર્યો કરવામાં આવતા નથી
ગુરુ ગ્રહના અસ્ત થવાથી માંગલિક કાર્યો કરવામાં આવતા નથી

સૂર્ય અને ગુરુ એક જ રાશિમાં રહેશે
વૈદિક જ્યોતિષમાં ગુરુને શુભ કાર્યોનો પ્રતિનિધિ ગ્રહ માનવામાં આવે છે. ડો. મિશ્રના જણાવ્યા પ્રમાણે સૂર્ય જ્યારે ગુરુની રાશિ ધન અને મીનમાં પ્રવેશ કરે છે ત્યારે તેનાથી ગુરુ નિસ્તેજ થઈ જાય છે, તેનો પ્રભાવ નષ્ટ થઈ જાય છે.

શુભ કાર્યો માટે ગુરુનું સંપૂર્ણ રીતે બળશાળી અવસ્થામાં હોવું જરૂરી છે. એટલે આ સમયગાળા દરમિયાન શુભ કામ કરવાની મનાઈ હોય છે. ખાસ કરીને લગ્ન તો બિલકુલ કરવામાં આવતા નથી કેમ કે લગ્ન માટે સૂર્ય અને ગુરુ બંને ગ્રહોની સ્થિતિ મજબૂત હોવી જોઈએ. સાથે જ, લગભગ 12 વર્ષમાં એકવાર જ્યારે બૃહસ્પતિ સૂર્યની રાશિ સિંહમાં આવે છે ત્યારે પણ જ્યોતિષીઓ પ્રમાણે માંગલિક કાર્યો કરવામાં આવતા નથી.

ગુરુની નબળી સ્થિતિથી જાતકને મુશ્કેલીઓનો સામનો કરવો પડે છે. ગુરુ ધન અને મીન રાશિનો સ્વામી ગ્રહ છે
ગુરુની નબળી સ્થિતિથી જાતકને મુશ્કેલીઓનો સામનો કરવો પડે છે. ગુરુ ધન અને મીન રાશિનો સ્વામી ગ્રહ છે

ગુરુ ગ્રહને આ રીતે મજબૂત કરો
ડો. મિશ્રના જણાવ્યા પ્રમાણે વૈદિક જ્યોતિષમાં ગુરુને શુભ ફળદાયી ગ્રહ માનવામાં આવે છે. જન્મ કુંડળીમાં ગુરુ ગ્રહની સ્થિતિ શુભ હોવાથી વ્યક્તિને દરેક ક્ષેત્રમાં સફળતા પ્રાપ્ત થાય છે. ગુરુની નબળી સ્થિતિથી જાતકને મુશ્કેલીઓનો સામનો કરવો પડે છે. ગુરુ ધન અને મીન રાશિનો સ્વામી ગ્રહ છે. તે કર્ક રાશિમાં ઉચ્ચ અને શનિની રાશિ મકરમાં નીચ સ્થિતિમાં હોય છે. દર ગુરુવારે ભગવાન વિષ્ણુને ઘીવો પ્રગટાવવો. ગુરુવારનું વ્રત રાખો અને આ દિવસે પીળી વસ્તુઓનું દાન કરવાથી બૃહસ્પતિની અશુભ અસર દૂર થશે.

અન્ય સમાચારો પણ છે...