• Home
  • Dharm Darshan
  • Jyotish
  • On Shani Jayanti, chant the ten names of Shani while staying at home, light the lamp and recite Hanuman Chalisa

ઉપાસના / શનિ જયંતીએ ઘરમાં રહીને જ શનિના દસ નામનો જાપ કરો, દીવો પ્રગટાવીને હનુમાન ચાલીસાનો પાઠ કરો

X

  • શનિને વાદળી ફૂલ ચઢાવો, કાળા તલ અને તેલનું દાન કરો

દિવ્ય ભાસ્કર

May 22, 2020, 12:45 PM IST

આજે શનિ જયંતી છે. આ વર્ષે નેશનલ લોકડાઉનના કારણે શનિદેવના મંદિર બંધ રહેશે. આવી સ્થિતિમાં ઘરે રહીને જ શનિપૂજા કરો. પૂજામાં શનિના 10 નામનો જાપ કરો. ઉજ્જૈનના જ્યોતિષાચાર્ય પં. મનીષ શર્મા પ્રમાણે જ્યોતિષમાં શનિને ક્રૂર ગ્રહ કહેવામાં આવ્યો છે. કુંડળીમાં આ ગ્રહના દોષ દૂર કરવા માટે શનિ જયંતીએ તેલ અને કાળા તલનું દાન કરવું.

શનિદેવના 10 નામઃ-

कोणस्थ पिंगलो बभ्रु: कृष्णो रौद्रोन्तको यम:।
सौरि: शनैश्चरो मंद: पिप्पलादेन संस्तुत:।।

આ મંત્રમાં શનિના 10 નામ જણાવવામાં આવ્યાં છે. આ નામ કોણસ્થ, પિંગલ, બભ્રુ, કૃષ્ણ, રૌદ્રાન્તક, યમ, સૌરિ, શનૈશ્ચર, મંદ અને પિપ્પલાદ છે. આ નામનો જાપ સવારે અથવા સાંજે સૂર્યાસ્ત બાદ કરી શકાય છે. ઘરના મંદિરમાં કે કોઇ અન્ય મંદિરમાં ભગવાનની પૂજા કરો. પૂજામાં શનિદેવનું ધ્યાન કરો. ધૂપ-દીપ પ્રગટાવો. ફૂલ-પ્રસાદ ચઢાવો. ત્યાર બાદ શનિના 10 નામવાળા મંત્રનો જાપ 108વાર કરો. જો મંત્રનું ઉચ્ચારણ યોગ્ય રીતે કરી શકો નહીં તો શનિના 10 નામ પણ 108વાર બોલી શકો છો. જાપ માટે રૂદ્રાક્ષની માળાનો ઉપયોગ કરો. શનિને વાદળી ફૂલ ચઢાવો. જરૂરિયાતમંદ લોકોને કાળા તલ અને તેલનું દાન કરો.

શનિ જયંતીએ હનુમાનજીની પૂજા પણ કરો. હનુમાનજીની પૂજાથી પણ શનિદોષ દૂર કરી શકાય છે. હનુમાનજીને સિંદૂર અને ચમેલીનું તેલ ચઢાવો. દીવો પ્રગટાવીને હનુમાન ચાલીસાનો પાઠ કરો.

શનિ મકર રાશિમાં વક્રી છેઃ-
આ સમયે શનિ મકર રાશિમાં સ્થિત છે અને વક્રી પણ છે. શનિ જયંતીએ શનિ પોતાની જ રાશિમાં છે. આ એક શુભ યોગ છે. મકર રાશિના શનિના કારણે ધન, મકર અને કુંભ રાશિ ઉપર સાડાસાતી છે. મિથુન અને તુલા રાશિ ઉપર શનિની ઢૈય્યા છે. આ લોકોએ પોતાના કામ પૂર્ણ જવાબદારી સાથે કરવા જોઇએ. કોઇનું ખરાબ કરવું નહીં. નહિંતર શનિના કારણે હાનિ થઇ શકે છે.

Next Stories

    ની  સંપૂર્ણ વાંચનસામગ્રી