રાશિ પરિવર્તન:આજથી બુધ ગ્રહ વૃષભ રાશિમાં માર્ગી થશે, વેપાર, વાણિજ્ય અને યુવા પેઢી માટે સારા સંયોગ રચાશે

4 મહિનો પહેલા
  • કૉપી લિંક
  • મિથુન, તુલા અને કુંભ રાશિના લોકો માટે મધ્યમ જ્યારે અન્ય રાશિના લોકો માટે શુભ સમય
  • સંચાર ક્ષેત્રે બુધની મહત્વની ભૂમિકા હોવાથી વિકાસ માટે નવી તકો સર્જાઈ શકે

સતત 23 દિવસ સુધી વક્રી રહ્યા પછી શનિવારથી બુધ ગ્રહ વૃષભ રાશિમાં માર્ગી થશે. જ્યોતિષ આશિષ રાવલે કહ્યું કે, આ પરિવર્તનથી વેપાર વાણીજ્ય ક્ષેત્ર માટે સારા સંયોગો સર્જાશે. કોમ્યુનિકેશન ક્ષેત્રના વિકાસમાં બુધની મહત્વની ભૂમિકા હોવાથી આ ક્ષેત્રે સારી પ્રગતિ જોવા મળી શકે છે. બુધ યુવા ગ્રહ ગણાતો હોવાથી યુવા પેઢી માટે પણ સારા સમાચાર આવી શકે છે. બુધ માર્ગી થતાં જે લોકોના જન્મનો બુધ મજબૂત હોય તેમને વધુ રાહત મળી શકે છે.

મેષ- બીજનો બુધ શુભ રહેશે. આર્થિક કાર્યોમાં લાભ મળી શકે છે. જૂની સમસ્યાઓ દૂર થવા સાથે પ્રમાણમાં ઠીક ઠીક રાહત પણ થશે.
વૃષભ- બુધ શુભ રહેશે. નોકરીમાં પ્રગતિ થઈ શકે. માન-સન્માન મળશે. પરિવારમાં આનંદદાયક વાતાવરણ રહેશે.
મિથુન- બારમાં બુધના કારણે સમસ્યા અને આર્થિક તંગી રહી શકે. સાવધ રહીને કામ કરશો તો સમસ્યા દૂર થઈ શકશે.
કર્ક- બુધ અગિયારમાં ભાવમાં રહેશે. રોજિંદા કામમાં વધારો થવાથી વ્યસ્તતા રહેશે.
સિંહ- બુધ દસમા ભાવમાં રહેશે, આત્મવિશ્વાસ વધશે. અટવાયેલાં કાર્યોમાં ગતિ આવે. પરિવારના સાથથી સફળતા મળી શકશે.

બુધ યુવા ગ્રહ ગણાતો હોવાથી યુવા પેઢી માટે પણ સારા સમાચાર આવી શકે છે
બુધ યુવા ગ્રહ ગણાતો હોવાથી યુવા પેઢી માટે પણ સારા સમાચાર આવી શકે છે

કન્યા- નવમે બુધ હોવાથી સુખ-સુવિધામાં વધારો થઈ શકે, જૂના વિવાદોનો અંત આવી શકે. પરિવારમાં સુખ-શાંતિ રહેશે.
તુલા- અષ્ટમ બુધને કારણે સમસ્યા વધવાની સંભાવના, ધીરજ રાખવી પડે. સાવધાનીથી કામ થાય તો નુકસાનથી બચી શકાશે.
વૃશ્ચિક- બુધ સાતમા સ્થાને હોઇ, સ્થિતિ ફળદાયી રહેશે. જેટલું વધારે કામ કરશો તેટલું ફળ મળશે.
ધન- બુધ છઠ્ઠા ભાવમાં હોઇ, નાણાકીય લાભની શક્યતા બની શકે. વિરોધીઓ પર વિજય મેળવી શકો. પરિવારમાં સુખ-શાંતિ રહેશે.
મકર- બુધ પાંચમાં સ્થાને હોવાથી તમારો પ્રભાવ વધી શકે. મિત્રો-પરિવારના સહયોગથી મહાન કાર્ય પૂર્ણ થઈ શકે.
કુંભ- બુધના કારણે ચિંતા વધી શકે. બુધ ચોથા સ્થાને હોઇ, નુકસાનની સંભાવના. સાવધાનીથી કામ કરો. વિવાદ ટાળવો.
મીન- બુધ ત્રીજા સ્થાને હોવાથી નવા કામની શરુઆત થઈ શકે. અવરોધો દૂર થઈ શકે.

આ લેખની સંપૂર્ણ માહિતી અમદાવાદના જ્યોતિષી આશિષ રાવલ(ashishrawal13677@gmail.com) દ્વારા જણાવવામાં આવી છે