• Gujarati News
  • Dharm darshan
  • Jyotish
  • Mangal Rashi Parivartan (Transit) September 2021; Rashifal (Astrological) Predictions OF Political, Job, Carrier, Weather Forecast And Health

મંગળનું રાશિ પરિવર્તન:21 ઓક્ટોબર સુધી કન્યા રાશિમાં આ ગ્રહ રહેશે, રિયલ અસ્ટેટ અને ઉદ્યોગ જગતમાં તેજીના સંકેત છે

એક મહિનો પહેલા
  • કૉપી લિંક
  • મંગળ ઉપર રાહુની દૃષ્ટિ અને ગુરુ સાથે અશુભ ષડાષ્ટક યોગ બનવાથી દુર્ઘટનાઓ અને ધાર્મિક વિવાદ થવાની શક્યતા છે

6 સપ્ટેમ્બરના રોજ મંગળ ગ્રહ કન્યા રાશિમાં આવી જશે અને 21 ઓક્ટોબર સુધી રહેશે. લગભગ 46 દિવસ સુધી મંગળની અસર દેશ-દુનિયા અને બધી જ રાશિઓ ઉપર પડશે. આ ગ્રહની ચાલમાં ફેરફાર થવાથી વાતાવરણમાં બદલાવ આવશે. આ ગ્રહ જમીન, દેવુ, લોહી, સેના, પોલીસ, ગુસ્સો અને ઉત્સાહનો કારક ગ્રહ છે. મંગળના શુભ પ્રભાવથી તેની સાથે જોડાયેલ શુભ ફળ મળે છે.

મંગળ ઉપર રાહુની દૃષ્ટિ અને ગુરુ સાથે અશુભ યોગ-
પુરીના જ્યોતિષાચાર્ય ડો. ગણેશ મિશ્ર જણાવે છે કે મંગળનું બુધ રાશિમાં આવવું રિયલ અસ્ટેટ અને ઉદ્યોગ જગતમાં તેજીનો સંકેત આપી રહ્યું છે. દેશની સુરક્ષા ઉપર રૂપિયા ખર્ચ થશે. પ્રોપર્ટીની ખરીદદારી અને વેચાણ વધશે. જમીનની કિંમતમાં અચાનક ઉતાર-ચઢાવ પણ આવી શકે છે. મંગળ ઉપર રાહુની દૃષ્ટિ હોવાથી દેશના થોડા ભાગમાં ઝઘડા, હિંસા, પ્રદર્શન અને યાતાયાત દુર્ઘટનાઓ વધશે.

પ્રાકૃતિક આપત્તિઓમાં ભૂકંપ, તોફાન કે લેન્ડ સ્લાઇડ થવાની પણ શક્યતા છે. ગુરુ-મંગળનો ષડાષ્ટક યોગ હોવાથી ધાર્મિક વિવાદ થશે. ધર્મ ગુરુઓ માટે સમય ઠીક રહેશે નહીં. અભ્યાસને લગતા નિર્ણયોમાં વિવાદ વધશે. સંઘર્ષ, અશાંતિ, રોગ અને ઉપદ્રવ વધી શકે છે. લોકોમાં કમળો, હ્રદયની બીમારી, બ્લડ પ્રેશર અને પેટની બીમારીઓ વધી શકે છે.

મંગળ ઉપર રાહુની દૃષ્ટિ અને ગુરુ સાથે અશુભ ષડાષ્ટક યોગ બનવાથી દુર્ઘટનાઓ અને ધાર્મિક વિવાદ થવાની શક્યતા છે
મંગળ ઉપર રાહુની દૃષ્ટિ અને ગુરુ સાથે અશુભ ષડાષ્ટક યોગ બનવાથી દુર્ઘટનાઓ અને ધાર્મિક વિવાદ થવાની શક્યતા છે

મેષ, કર્ક અને વૃશ્ચિક રાશિ માટે શુભ-
મંગળના રાશિ પરિવર્તનનો શુભ પ્રભાવ મેષ, કર્ક અને વૃશ્ચિક રાશિના લોકો ઉપર પડશે. આ રાશિના લોકો માટે જોબ અને બિઝનેસમાં સારો સમય રહેશે. ત્યાં જ, વૃષભ, ધન અને મકર રાશિના લોકો ઉપર મંગળની મિશ્રિત અસર જોવા મળી શકે છે. એટલે સફળતા તો મળશે પરંતુ ખર્ચ, મહેનત અને ભાગદોડ પણ રહેશે. આ સિવાય મિથુન, સિંહ, કન્યા, તુલા, કુંભ અને મીન રાશિના લોકો ઉપર મંગળની અશુભ અસર રહેશે. આ રાશિના લોકોને સ્વાસ્થ્યને લગતી પરેશાની રહી શકે છે. નાની-મોટી ઈજા અને આગ કે સડક દુર્ઘટના થવાની પણ શક્યતા છે.

હનુમાનજીની પૂજાથી અશુભ અસર ઓછી થશે-
મંગળના અશુભ પ્રભાવથી બચવા માટે મધ ખાઈને ઘરેથી બહાર જવું. લાલ ચંદનનું તિલક કરવું. લાલ ફૂલોથી હનુમાનજીની પૂજા કરવી. સિંદૂર લગાવો. મંગળવારના દિવસે તાંબાના વાસણમાં અનાજ ભરીને હનુમાનજી મંદિરમાં દાન કરવું જોઈએ. માટીના વાસણમાં ભોજન કરો. મસૂરની દાળનું દાન કરવું. પાણીમાં થોડું લાલ ચંદન મિક્સ કરીને સ્નાન કરો. આ ઉપાયોની મદદથી મંગળની અશુભ અસરને ઘટાડી શકાય છે.