સૂર્યનું આજથી 30 દિવસનું ભ્રમણ:નેતાઓ વાદવિવાદમાં ફસાય; પ્રજા રાજકીય કાવાદાવાનો ભોગ બને, 12માંથી 10 રાશિ માટે આ પરિભ્રમણ અશુભ

ગ્રહ મંડળનો રાજા સૂર્ય બુધવારે સાંજે 7.16 વાગ્યાથી વૃશ્ચિક રાશિમાં પરિભ્રમણ કરશે. આ પરિભ્રમણ 30 દિવસનું રહેશે. વૃશ્ચિક રાશિનું મૂળભૂત કારકત્વ યાદશક્તિ, ભવિષ્યમાં બદલાની ભાવના, વેરભાવના, ડંખી સ્વભાવ, કંઈક અંશે છૂપો ઘમંડ તથા આંતરિક ગુસ્સાવાળીવાળી પ્રકૃતિ છે. આરોગ્યની દૃષ્ટિએ મહત્ત્વના ગણાતા સૂર્યનું આ પરિભ્રમણ નૈસર્ગિક કુંડળીથી 8મા ભાવેથી પસાર થવાને કારણે આ સમયગાળામાં પાણીજન્ય રોગો, નેત્રરોગો, ચામડીનાં દર્દો કે ચેપીરોગો થવાની સંભાવના છે. વિશેષમાં આગ, અકસ્માત, શોર્ટસર્કિટના અશુભ બનાવો પણ વધી શકે! ડિસેમ્બરમાં યોજાનારી ચૂંટણીમાં રાજકીય મહાનેતાઓ અનેકવિધ બાબતોમાં વાદવિવાદમાં સપડાય, તેવા પણ એંધાણ વર્તાઈ રહ્યા છે. રાજકીય કાવાદાવાનો પ્રજા ભોગ બની શકે, તેમ એસ્ટ્રોલોજિકલ એજ્યુકેશન એન્ડ રીસર્ચ ફાઉન્ડેશનના પ્રણેતા જ્યોતિષી આશિષ રાવલે જણાવ્યું હતું.

વૃશ્ચિક સંક્રાંતિનું મહત્ત્વ
બુધવારે આ સંક્રાંતિ હોવાથી તેનું મહત્ત્વ વધી ગયું છે. આ સંક્રાંતિ ધાર્મિક વ્યક્તિઓ, કર્મચારીઓ, વિદ્યાર્થીઓ અને શિક્ષકો માટે ખૂબ જ શુભ માનવામાં આવે છે. વૃશ્ચિક સંક્રાંતિના વિશિષ્ઠ પૂજન અને ઉપાયથી ધન સાથે જોડાયેલી સમસ્યાઓનું નિદાન થાય છે. વિદ્યાર્થીઓને પરીક્ષામાં અને કરિયરમાં સફળતા મળે છે.

પૂજા વિધિ

વૃશ્ચિક સંક્રાંતિનું ફળ
સૂર્યના વૃશ્ચિક રાશિમાં પ્રવેશથી ખોટાં કામ વધી શકે છે. ચોર અને ભ્રષ્ટાચારી લોકો વધવાની સંભાવના છે. વસ્તુઓની માંગ વધી શકે છે. મંગળની રાશિમાં સૂર્યના પ્રવેશથી 15 ડિસેમ્બર સુધી અનેક લોકો માટે સમય કષ્ટપૂર્ણ રહેશે. અનેક લોકો ઉધરસ અને ઠંડીથી પીડિત રહી શકે છે. આંતરાષ્ટ્રીય સ્તર પર પણ સૂર્યની અશુભ અસર જોવા મળી શકે છે. રાષ્ટ્રો વચ્ચે સંઘર્ષ વધી શકે છે. આસપાસના દેશો સાથે ભારતના સંબંધ તણાવપૂર્ણ બની શકે છે.

આ લેખની સંપૂર્ણ માહિતી અમદાવાદના જ્યોતિષી આશિષ રાવલ(ashishrawal13677@gmail.com) દ્વારા જણાવવામાં આવી છે