• Gujarati News
  • Dharm darshan
  • Jyotish
  • June's Last Marriage Muhurta Today: Only 4 Days For Weddings In July, Then There Will Be No Marriage For The Next Four Months From Devshayani

આજે જૂન મહિનાનું છેલ્લું લગ્ન મુહૂર્ત:જુલાઈમાં લગ્ન માટે માત્ર 4 દિવસ, દેવશયની એકાદશીથી પછી ચાર મહિના સુધી લગ્ન થઈ શકશે નહીં

2 મહિનો પહેલા
  • કૉપી લિંક

આ મહિને લગ્ન માટે 22 જૂન એટલે આજે લગ્નનું છેલ્લું મુહૂર્ત છે. ત્યાં જ, 8 જુલાઈના રોજ છેલ્લું લગ્ન મુહૂર્ત રહેશે. તે પછી ચાર મહિના સુધી લગ્નનું કોઈ મુહૂર્ત રહેશે નહીં. 10 જુલાઈના રોજ દેવશયની એકાદશી છે. આ તિથિએ ભગવાન વિષ્ણુ 4 મહિના માટે યોગ નિદ્રામાં જતા રહે છે. જેથી આ મહિનામાં માંગલિક અને શુભ કામ થઈ શકશે નહીં. પછી દેવઊઠી એકાદશી 4 નવેમ્બરથી લગ્નની શરૂઆત થશે. પછી વર્ષનું છેલ્લું લગ્ન મુહૂર્ત 14 ડિસેમ્બરના રોજ રહેશે.

દેવશયની પછી 4 મહિના સુધી કેમ લગ્ન થઈ શકે નથી
પુરીના જ્યોતિષાચાર્ય ડો. ગણેશ મિશ્રના જણાવ્યા પ્રમાણે 10 જુલાઈથી દેવશયનકાળ શરૂ થઈ જશે. જે 4 નવેમ્બરના રોજ પૂર્ણ થઈ જશે. માન્યતા છે કે ભગવાન વિષ્ણુ 4 મહિના માટે ક્ષીરસાગરમાં યોગ નિદ્રા માટે જાય છે. આ કારણે લગ્ન, સગાઈ, ગૃહ પ્રવેશ અને અન્ય શુભ કામ થઈ શકે નહીં. આ દિવસોમાં સૂર્ય જ્યારે કર્ક રાશિમાં હોય છે ત્યારે લગ્ન થઈ શકે નહીં, માત્ર શિવપૂજા કરવાનું વિધાન છે. ત્યાં જ, ઓગસ્ટ અને સપ્ટેમ્બરમાં સૂર્ય પોતાની જ રાશિ એટલે સિંહમાં હોય છે. ત્યારે તેનો પ્રભાવ વધારે હોય છે અને લગ્ન તૂટવાની શક્યતા રહે છે.

સપ્ટેમ્બર-ઓક્ટોબર દરમિયાન સૂર્ય જ્યારે કન્યા રાશિમાં હોય છે ત્યારે પિતૃઓનો કાળ માનવામાં આવે છે. આ સમયે પિતૃપક્ષ હોવાથી લગ્ન માટે મુહૂર્ત રહેશે નહીં. તે પછી જ્યારે સૂર્ય તુલા રાશિમાં હોય છે ત્યારે સુદ પક્ષમાં દેવઊઠી એકાદશીથી લગ્ન શરૂ થઈ જાય છે.

ભગવાન વિષ્ણુ 10 જુલાઈથી 4 મહિના માટે ક્ષીરસાગરમાં યોગ નિદ્રા માટે જશે
ભગવાન વિષ્ણુ 10 જુલાઈથી 4 મહિના માટે ક્ષીરસાગરમાં યોગ નિદ્રા માટે જશે

શુક્ર દેવઊઠી એકાદશીએ અસ્ત થશે
આ વર્ષે 2 ઓક્ટોબરથી 20 નવેમ્બર સુધી શુક્ર અસ્ત રહેશે. ત્યાં જ, આ દરમિયાન દેવઊઠી એકાદશીનું વણજોયું મુહૂર્ત 4 નવેમ્બરના રોજ આવશે. જ્યોતિષાચાર્યના જણાવ્યા પ્રમાણે શુક્રના અસ્ત થવાથી લગ્ન કરવા જોઈએ નહીં. પરંતુ લોક માન્યતા અને પરંપરાઓ પ્રમાણએ આ વખતે શુક્ર અસ્ત હોવા છતાંય દેવઊઠી એકાદશીએ લગ્ન થવાની શક્યતા છે.

જુલાઈ, નવેમ્બર અને ડિસેમ્બરમાં લગ્ન મુહૂર્ત
જુલાઈ- 3, 5, 6 અને 8
નવેમ્બર- 21, 24, 25 અને 27 (દેવઊઠી એકાદશીનું મુહૂર્ત નથી)
ડિસેમ્બર- 2, 7, 8, 9 અને 14