કુંભ સંક્રાંતિ:આજથી સૂર્યનો કુંભ રાશિમાં પ્રવેશ, મેષ, કન્યા, ધન, મીન રાશિ માટે 30 દિવસ સુધી સારો સમય

ગ્રહ મંડળનો રાજા સૂર્ય 13 ફેબ્રુઆરીને રવિવારથી શનિની કુંભ રાશિમાં પ્રવેશ કરશે. આ પરિભ્રમણ સતત 30 દિવસ સુધી ચાલશે. જ્યોતિષિઓના મતે મેષ, કન્યા, ધન અને મીન રાશિ માટે એક મહિનો સારો સમય રહેશે. જો કે, આ ગ્રહોની યુતિથી સામાજિક તેમજ રાજકીય ક્ષેત્રે મોટી ઊથલપાથલ પણ સર્જી શકે છે. આગામી થોડા મહિના બાદ દેશ અને દુનિયામાં મહત્ત્વના ફેરફાર થતા જોવા મળશે. ન્યાયાલય આ સમયમાં ત્વરિત અને કડક ચુકાદા આપે અને કડકાઈથી ટિપ્પણી પણ કરતું જોવા મળે. આ પરિભ્રમણ દરમિયાન યોજાનાર વિદ્યાર્થીગણની પરીક્ષા ખૂબ જ સારી રીતે સંપન્ન થાય. જ્યોતિષી આશિષ રાવલના જણાવ્યાનુસાર, શનિની રાશિમાં સૂર્ય શત્રુ ક્ષેત્રી હોવાથી દેશ દુનિયામાં કેટલીક અશુભ ઘટના બનવાની શક્યતા નકારી શકાતી નથી.

આ લેખની સંપૂર્ણ માહિતી અમદાવાદના જ્યોતિષી આશિષ રાવલ(ashishrawal13677@gmail.com) દ્વારા જણાવવામાં આવી છે