પર્વ / 15 જાન્યુઆરીએ સૂર્યદેવ મકર રાશિમાં પ્રવેશ કરશે, આ દિવસે બારેય રાશિ ઉપર શુભાશુભ અસર થશે

Sun will enter Capricorn on January 15, auspicious effect on all the zodiacs on this day
X
Sun will enter Capricorn on January 15, auspicious effect on all the zodiacs on this day

  • સૂર્યનું રાશિ પરિવર્તન, મેષ રાશિના લોકોને સફળતા મળી શકે છે, વૃશ્ચિક રાશિ માટે લાભદાયક સમય રહશે, કુંભ રાશિના લોકોએ સાવધાન રહેવું

Divyabhaskar.com

Jan 15, 2020, 10:16 AM IST

ધર્મ દર્શન ડેસ્કઃ બુધવાર 15 જાન્યુઆરીએ મકરસંક્રાંતિ છે. આ દિવસે સવારે 8.33 મિનિટે સૂર્ય શ્રવણ નક્ષત્ર સાથે ધન રાશિમાંથી મકર રાશિમાં પ્રવેશ કરશે. શ્રવણ નક્ષત્રના સ્વામી શનિ છે. ચંદ્ર પૂર્વાફાગણ નક્ષત્રમાં રહેશે અને બુધવારે પંચમી તિથિ રહેશે. સૂર્યના રાશિ પરિવર્તન સમયને લઇને પંચાંગ ભેદ પણ છે. ઉજ્જૈનના જ્યોતિષાચાર્ય પં. મનીષ શર્મા પ્રમાણે જાણો, મકરસંક્રાંતિ સાથે જોડાયેલી ખાસ વાતો અને સૂર્યના રાશિ પરિવર્તનથી બધી જ 12 રાશિઓ ઉપર અસર....

મકરસંક્રાંતિ કેમ ઉજવવામાં આવે છેઃ-
પં. શર્મા પ્રમાણે જ્યારે સૂર્ય એક રાશિથી બીજી રાશિમાં પ્રવેશ કરે છે ત્યારે તેને સંક્રાંતિ કહેવામાં આવે છે. સૂર્ય જ્યારે મકર રાશિમાં પ્રવેશ કરે છે ત્યારે તેને મકરસંક્રાંતિ કહેવામાં આવે છે. આ દિવસે સૂર્ય દક્ષિણાયનથી ઉત્તરાયણ થઇ જાય છે. સૂર્યના ઉત્તરાયણ થવા સાથે જ દેવતાઓના દિવસની શરૂઆત થાય છે. આ કારણે આ તહેવારનું મહત્ત્વ વધી જાય છે. મકરસંક્રાંતિએ સૂર્ય પૂજન અને પવિત્ર નદીઓમાં સ્નાન કરવા અને દાન-પુણ્ય કરવાની પ્રાચીન પરંપરા છે. આ વખતે મકરસંક્રાંતિ ગંધર્વ ઉપર સવાર થઇને આવશે. અપવાહન મેષ રહેશે.

સૂર્યના રાશિ પરિવર્તનથી બારેય રાશિઓ ઉપર કેવી અસર થશે

1. મેષ

તમારા માટે મકરસંક્રાંતિ મહત્ત્વપૂર્ણ રહેશે. તમારી સાધનાઓને સફળતા મળશે. ઘણાં દિવસોથી જે કામ કરવાનું વિચારી રહ્યા છો, તે આ સમયગાળામાં પૂર્ણ થશે. ટ્રાન્સપોર્ટ અને આયાત-નિકાસનું કામ કરતાં લોકોને ફાયદો થશે. આજે તમે પીળા અને કેસરી રંગના વસ્ત્ર ધારણ કરો. તલ, ચણાની દાળનું દાન કરો. શુભ રંગ- કેસરી, શુભ અંક-9

2. વૃષભ

મકરસંક્રાંતિ ધર્મ-કર્મ સાથે ઉજવો. ધાર્મિક કાર્યોમાં સામેલ થાવ. વેપાર-વ્યવસાયમાં ઉન્નતિ થશે. શુભ સમચાારની પ્રાપ્તિ થશે. સંતાન માટે વિચારેલાં કાર્યો પૂર્ણ થશે. સંક્રાંતિએ તમે વાદળી અથવા આસમાની વસ્ત્રો ધારણ કરો. તેલ, તલ, ધાબળો, પુસ્તકનું દાન કરો. શુભ રંગ- આસમાની, શુભ અંક- 10

3. મિથુન

તમારે મકરસંક્રાંતિએ સાવધાન રહેવું. અજાણ્યા લોકો ઉપર વિશ્વાસ કરવો નહીં. જોખમી કાર્યો ટાળવાનો પ્રયાસ કરો. સંક્રાંતિએ તમે આસમાની અથવા કાળા વસ્ત્રો ધારણ કરો. તલ, સાબુ, વસ્ત્ર, કાંસકો અને અનાજનું દાન કરો. શુભ રંગ- કાળો, શુભ અંક- 11

4. કર્ક

તમને મકરસંક્રાંતિએ તમે કરેલાં કાર્યો માટે સન્માન મળશે. નવા લોકો સાથે સંપર્ક થશે. કાર્યક્ષેત્રનો વિકાસ થશે. સંક્રાંતિએ તમારે પીળા કે ગુલાબી વસ્ત્ર ધારણ કરવાં.  વેપાર શુભ રહેશે. તલ, ચણા, સાબુદાણા, ધાબળો, મચ્છરદાની દાન કરો. શુભ રંગ- ગુલાબી, શુભ અંક- 12

5. સિંહ

તમારા માટે મકરસંક્રાંતિ પર્વ ચિંતાજનક રહી શકે છે. અજ્ઞાત ભય રહેશે. જોખમી કાર્યો ટાળવાનો પ્રયાસ કરો. સંક્રાંતિએ લાલ વસ્ત્ર ધારણ કરો, મચ્છરદાની અને તલનું દાન કરો. શુભ રંગ- લાલ, શુભ અંક- 1

6. કન્યા

તમારા માટે મકરસંક્રાંતિ સુખ વધારનાર રહેશે. ખાસ કરીને વિદ્યાર્થીઓને ખૂબ જ લાભ થશે. દરેક ક્ષેત્રમાં સફળતા પ્રાપ્ત થશે. વેપારમાં ઉન્નતિ થશે. સંક્રાંતિએ સફેદ વસ્ત્ર ધારણ કરવા જોઇએ. ઊનના વસ્ત્ર અને તલનું દાન કરો. શુભ રંગ- સફેદ, શુભ અંક- 2

7. તુલા

બુધવાર અને મકરસંક્રાંતિના યોગના કારણે પરેશાની વધી શકે છે. વધારે ચિંતા કરવાની જરૂર નથી. થોડાં સમય બાદ પ્રસન્નતા પ્રાપ્ત થશે. સફેદ વસ્ત્ર ધારણ કરવા શ્રેષ્ઠ રહેશે. તલ અને મચ્છરદાનીનું દાન કરો. શુભ રંગ- લીલો, શુભ અંક- 3

8. વૃશ્ચિક

મકરસંક્રાંતિએ તમને વેપારમાં લાભ થઇ શકે છે. પરિવારમાં સુખ વધશે. નુકસાનની ભરપાઈ થશે. અટવાયેલાં ધનની પ્રાપ્તિ થશે. સમસ્યાઓનું સમાધાન થશે. કેસરી વસ્ત્ર ધારણ કરવાં. તલ, સાબુદાણા અને ઊનના વસ્ત્ર દાન કરો. શુભ રંગ- સફેદ, શુભ અંક- 4

9. ધન

આ દિવસે તમને સંતોષ અને સુખનો અહેસાસ થશે. નવા કાર્યો કરવાનો અવસર મળશે. માન-સન્માન અને પ્રસિદ્ધિમાં વૃદ્ધિ થશે. નવા સંપર્કો પ્રાપ્ત થશે. સંક્રાંતિએ પીળા વસ્ત્ર ધારણ કરો. તલ, ધાબળો, મચ્છરદાની તમારી ક્ષમતા પ્રમાણે દાન કરો. શુભ રંગ- કેસરી, શુભ અંક- 5

10. મકર

આ ઉત્સવ તમારા માટે વિશેષ સુખ લઇને આવી રહ્યું છે. વેપાર અને વ્યવસાય દ્વારા આર્થિક લાભ પ્રાપ્ત થશે. પરિવારમાં આવી રહેલાં દબાવ સમાપ્ત થશે. સન્માનિત લોકો સાથે મળવાનું થશે. સંક્રાંતિએ આસમાની વસ્ત્ર ધારણ કરવા શ્રેષ્ઠ રહેશે. ક્ષમતા પ્રમાણે તલ, ધાબળો, તેલ, અડદ દાળનું દાન કરો. શુભ રંગ- લીલો, શુભ અંક- 6

11. કુંભ

મકરસંક્રાંતિએ તમારે સાવધાન રહેવું જોઇએ. કોઇ અજાણ વ્યક્તિની વાતો ઉપર વિશ્વાસ કરવો નહીં. રોકાણથી બચવાનો પ્રયાસ કરો. સંતાન ઉપર ધ્યાન આપો. સંક્રાંતિએ સફેદ વસ્ત્ર ધારણ કરો અને તેલ, રૂ, વસ્ત્ર, રાઈ, મચ્છરદાનીનું દાન કરો. શુભ રંગ- સફેદ, શુભ અંક- 7

12. મીન

મકરસંક્રાંતિનો આ પર્વ લાભ અને હર્ષદાયક સમાચાર આપી શકે છે. વેપાર અને વ્યવસાયમાં લાભ થશે. સંબંધિઓ અને સહયોગીઓ પાસેથી મદદ પ્રાપ્ત થશે. સંક્રાંતિએ લાલ વસ્ત્ર ધારણ કરો. ધાબળો, ઊની વસ્ત્ર કોઇ જરૂરિયાતમંદ લોકોને દાન કરો. શુભ રંગ- લાલ, શુભ અંક- 9
 

COMMENT

Next Stories

    ની  સંપૂર્ણ વાંચનસામગ્રી