નવરાત્રિ કેલેન્ડર / નવરાત્રિમાં ગ્રહ-નક્ષત્રોની શુભ સ્થિતિ રહેશે, ખરીદી માટે દરરોજ શુભ મુહૂર્ત બની રહ્યા છે

Navratri will have auspicious status of the constellations, every day is auspicious time for purchase.

Divyabhaskar.com

Sep 28, 2019, 09:43 AM IST

ધર્મ ડેસ્કઃ 29 સપ્ટેમ્બર રવિવારે નવરાત્રિ શરૂ થઇ રહી છે. આ દિવસે ઘટ સ્થાપના સાથે નવ દેવીઓની પૂજા શરૂ થઇ જશે. જ્યોતિષાચાર્ય પં. પ્રફુલ્લ ભટ્ટ પ્રમાણે આ નવરાત્રિમાં ગ્રહ-નક્ષત્રોની શુભ સ્થિતિના કારણે લગભગ દરરોજ શુભ યોગ બની રહ્યા છે. જેના દ્વારા ખરીદીના શુભ મુહૂર્ત બની રહ્યા છે. ત્યાં જ તિથિ ક્ષય હોવાથી પંચાંગ ભેદના કારણે દુર્ગાષ્ટમી અને મહાનવમી પૂજામાં મતભેદ રહેશે. થોડાં લોકો દુર્ગાષ્ટમી 5 ઓક્ટોબરે અને થોડાં 6 ઓક્ટોબરે મનાવશે. આ રીતે નવમી પૂજન 6 અને 7 ઓક્ટોબરે કરવામાં આવશે.

કયા દિવસે કયો યોગ બનશેઃ-

જ્યોતિષાચાર્ય પં. પ્રફુલ્લ ભટ્ટ પ્રમાણે નવરાત્રિમાં તિથિ, વાર અને નક્ષત્રોના સંયોગથી લગભગ દરરોજ શુભ યોગ બની રહ્યા છે. આ દિવસોમાં સર્વાર્થસિદ્ધિ, અમૃતસિદ્ધિ, દ્વિપુષ્કર, ઇન્દ્ર અને રવિયોગ બની રહ્યા છે. આ શુભયોગમાં નવા કામની શરૂઆત કરવી શ્રેષ્ઠ માનવામાં આવે છે. તેની સાથે જ દરરોજ ખરીદી માટે શુભ મુહુર્ત બની રહ્યા છે.

29 સપ્ટેમ્બરે સર્વાર્થસિદ્ધિ, અમૃતસિદ્ધિ અને દ્વિપુષ્કર યોગ રહેશે.
30 સપ્ટેમ્બરે ઇન્દ્ર યોગ રહેશે.
1 ઓક્ટોબરે રવિયોગ રહેશે.
2 ઓક્ટોબરે સર્વાર્થસિદ્ધિ, અમૃતસિદ્ધિ યોગ અને રવિયોગ રહેશે.
3 ઓક્ટોબરે સર્વાર્થસિદ્ધિ અને રવિયોગ રહેશે.
4 ઓક્ટોબરે રવિયોગ રહેશે.
6 ઓક્ટોબરે સર્વાર્થસિદ્ધિ અને રવિયોગ રહેશે.
7 ઓક્ટોબરે સર્વાર્થસિદ્ધિ અને રવિયોગ રહેશે.
8 ઓક્ટોબરે રવિયોગ રહેશે.

કયા દિવસે કઇ તિથિ રહેશેઃ-
29 સપ્ટેમબર રવિવારે એમક તિથિએ ઘટસ્થાપના થશે. 3 ઓક્ટોબરે લલિતા પંચમીનું વ્રત અને પૂજા કરવામાં આવશે. 4 ઓક્ટોબરે છઠ્ઠ સાથે જ બંગાળમાં દુર્ગા પૂજા શરૂ થઇ જશે. થોડાં પંચાંગમાં તિથિ ક્ષય હોવાના કારણે 5 અને 6 ઓક્ટોબરે આઠમની પૂજા કરવામાં આવશે. 6 અને 7 ઓક્ટોબરે નોમનું વ્રત અને પૂજા કરવામાં આવશે. આ દિવસોમાં પુરાણો પ્રમાણે 2 થી 10 વર્ષની કન્યાઓનું પૂજન નવદુર્ગા સ્વરૂપમાં કરવામાં આવશે. આઠમ અને નોમના દિવસે કુળદેવી તથા વિશેષ પૂજાનું વિધાન છે.

29 સપ્ટેમ્બર, રવિવારે એકમ તિથિ રહેશે.
30 સપ્ટેમ્બર, સોમવારે બીજ તિથિ રહેશે.
1 ઓક્ટોબર, મંગળવારે તીજ રહેશે.
2 ઓક્ટોબર, બુધવારે ચોથ રહેશે.
3 ઓક્ટોબર, ગુરૂવારે પાંચમ રહેશે.
4 ઓક્ટોબર, શુક્રવારે છઠ્ઠ રહેશે.
5 ઓક્ટોબર, શનિવારે સાતમ સવારે 10 વાગ્યા સુધી અને ત્યાર બાદ આઠમ રહેશે.
6 ઓક્ટોબર, રવિવારે આઠમ 11 વાગ્યા સુધી અને પછી નોમ રહેશે.
7 ઓક્ટોબર, સોમવારે નોમ બપોરે 12 વાગ્યા સુધી અને ત્યાર બાદ દશેરા રહેશે.
8 ઓક્ટોબર, મંગળવારે દશમ તિથિ બપોરે 3 વાગ્યા સુધી રહેશે.

કઇ વસ્તુની ખરીદારી કરી શકો છોઃ-

નવરાત્રિમાં બનતા શુભ યોગમાં વાહન, સંપત્તિ, ઘરેણાં, કપડાં, વાસણ અને ઇલેક્ટ્રોનિક વસ્તુઓની ખરીદારી કરી શકાય છે. નવરાત્રિ સંસારની રચના કરનાર શક્તિનો પર્વ છે. માટે સાંસારિક ઉપભોગના સાધન અને ભૌતિક સુખ-સુવિધાઓની ખરીદારી કરી શકાય છે. શક્તિ પર્વ હોવાથી આ દિવસોમાં શસ્ત્ર, ઓજાર અને ઊર્જા આપનારી વસ્તુઓની ખરીદારી કરવી પણ શુભ મનાય છે.

X
Navratri will have auspicious status of the constellations, every day is auspicious time for purchase.
COMMENT

Next Stories

    ની  સંપૂર્ણ વાંચનસામગ્રી