તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

દિવાળીનો છેલ્લો દિવસ:ભાઈબીજના દિવસે બહેનના ઘરે ભોજન કરવાની પરંપરા, તેનાથી ભાઈ-બહેનની વચ્ચે પ્રેમ જળવાયેલો રહે છે

5 મહિનો પહેલા
  • ભાઈ-બહેન યમ અને ચિત્રગુપ્તની પૂજા કરે અને વિઘ્નો દૂર કરવાની પ્રાર્થના કરે

સોમવાર, 16 નવેમ્બરના રોજ એટલે આજે દિવાળીનો છેલ્લો દિવસ ભાઈબીજ છે. આ દિવસે ભાઈ પોતાની બહેનના ઘરે ભોજન કરે છે. આ પરંપરાથી ભાઈ-બહેન વચ્ચે પ્રેમ જળવાયેલો રહે છે. માન્યતા છે કે, આ દિવસે બહેન પોતાના ભાઈની લાંબી ઉંમર, સૌભાગ્ય અને સારા સ્વાસ્થ્ય માટે યમરાજ અને ચિત્રગુપ્તને પ્રાર્થના કરે છે. ઉજ્જૈનના જ્યોતિષાચાર્ય પં. મનીષ શર્માના જણાવ્યાં પ્રમાણે આ તિથિએ બહેનના ઘરે ભોજન કરવાથી ભાઈની ઉંમર વધે છે.

આ પર્વની કથા યમરાજ અને યમુના સાથે જોડાયેલી છેઃ-

કારતક મહિનાના સુદ પક્ષની બીજના દિવસને ભાઈબીજ અને યમ બીજ કહેવામાં આવે છે. પ્રાચીન સમયમાં આ તિથિએ યમુનાએ પોતાના ભાઈ યમને પોતાના ઘરે બોલાવીને ભોજન કરાવ્યું હતું. યમુનાના સત્કારથી પ્રસન્ન થઇને યમરાજે વરદાન આપ્યું હતુ કે જે વ્યક્તિ આ દિવસે યમુના નદીમાં સ્નાન કરશે અને યમ પૂજન કરશે, તેને બધી જ પરેશાનીઓથી મુક્તિ મળી જશે. આ કારણે જ આ દિવસે યમુનામાં સ્નાન કરવાનું વિશેષ મહત્ત્વ છે.

બહેને ભાઈના સૌભાગ્યની પ્રાર્થના કરવી જોઇએઃ-
આ દિવસે બહેન-ભાઈએ યમ અને ચિત્રગુપ્તની વિધિ-વિધાનથી પૂજા કરવી જોઇએ. પ્રાર્થના કરીને માર્કણ્ડેય, હનુમાન, બલિ, પરશુરામ, વ્યાસ, વિભીષણ, કૃપાચાર્ય અને અશ્વત્થામા આ આઠ ચિરંજીવિઓની જેમ મારા ભાઈને પણ ચિરંજીવી કરી દો. આ પ્રકારે પૂજામાં બહેન પોતાના ભાઈની લાંબી ઉંમર અને સૌભાગ્યની પ્રાર્થના કરે છે. પૂજા પછી બહેન ભાઈને ભોજન કરાવે છે. તિલક લગાવે છે. ભાઈ-બહેનને કોઇ ભેટ આપે છે.

જો યમુના નદીમાં સ્નાન કરવું શક્ય ન હોય તો પોતાન જ ઘરના પાણીમાં યમુનાનું જળ મિક્સ કરો અને સ્નાન કરો. યમુના નદીનું જળ ન હોય તો પવિત્ર નદીનું ધ્યાન કરીને સ્નાન કરો. સ્નાન પછી યમરાજ અને યમુનાની પૂજા કરો અને મંત્ર જાપ કરો. મંત્ર જાપ ઓછામાં ઓછો 11, 21 કે 108 વાર કરવો જોઇએ.

યમરાજ મંત્ર- धर्मराज नमस्तुभ्यं नमस्ते यमुनाग्रज। पाहि मां किंकरैः सार्धं सूर्यपुत्र नमोऽस्तु ते।।

યમુના મંત્ર- यमस्वसर्नमस्तेऽसु यमुने लोकपूजिते। वरदा भव मे नित्यं सूर्यपुत्रि नमोऽस्तु ते।।

ભાઈ બીજના દિવસે પૂજા માટે શુભ મુહૂર્ત

સવારે 9 થી 10.30 વાગ્યા સુધી

બપોરે 3 થી 4.30 વાગ્યા સુધી લાભ

બપોરે 4.30 થી સાંજે 6 વાગ્યા સુધી અમૃત

અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- થોડા રચનાત્મક તથા સામાજિક કાર્યોમાં તમારો મોટાભાગનો સમય પસાર થશે. મીડિયા તથા સંપર્ક સૂત્રોને લગતી ગતિવિધિઓમાં તમારું વિશેષ ધ્યાન કેન્દ્રિત રાખો, તમને કોઇ મહત્ત્વપૂર્ણ સૂચના મળી શકે છે. અનુભવ...

    વધુ વાંચો