તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • Dharm darshan
  • Dharm
  • What To Do And What Not To Do On Amavasya, If You Are Not Able To Keep Fast On This Day, Then You Can Have Food After Bathing And Worship.

અમાસના દિવસે શું કરવું અને શું નહીં:આ દિવસે વ્રત રાખી શકો નહીં તો સ્નાન-દાન અને પૂજા પછી ભોજન કરી શકો છો

14 દિવસ પહેલા
  • કૉપી લિંક
  • જ્યોતિષ ગ્રંથો પ્રમાણે ગુરુવારે આવતી અમાસ શુભ હોય છે, આ દિવસે પૂજા-પાઠનું ફળ અનેકગણું વધી જાય છે

10 જૂનના રોજ વૈશાખ મહિનાની અમાસ રહેશે. આ દિવસે શુભવાર હોવાથી તેનું ફળ અનેકગણું વધી ગયું છે. જ્યોતિષના સંહિતા ગ્રંથોમાં જણાવવામાં આવ્યું છે કે ગુરુવારે આવતી અમાસ શુભ ફળ આપે છે. આ તિથિએ પિતૃઓ માટે શ્રાદ્ધ કરવામાં આવે છે. સ્નાન-દાન પછી દિવસભર વ્રત રાખીને શનિદેવ સાથે વડ અને પીપળાના ઝાડની પૂજા કરવાથી ગ્રહદોષ દૂર થાય છે. શારીરિક તકલીફના કારણે આ દિવસે વ્રત રાખી શકો નહીં તો સ્નાન-દાન અને પૂજા-પાઠ પછી ભોજન કરી શકાય છે. આવું કરવાથી પણ સંપૂર્ણ પુણ્ય મળે છે.

વૈશાખ મહિનાની અમાસ ખાસ હોય છેઃ-
વૈશાખ અમાસના દિવસે ન્યાય પ્રિય ગ્રહ શનિદેવની જયંતિ તરીકે ઊજવવામાં આવે છે. શનિદોષથી બચવા માટે આ દિવસે શનિદોષ નિવારણના ઉપાય કરવાથી લાભ મળે છે. ત્યાં જ વૈશાખ મહિનાની અમાસનું ધાર્મિક મહત્ત્વ પણ છે. આ દિવસે પોતાના પૂર્વજોની પૂજા કરવાથી અને ગરીબોને દાન પુણ્ય કરવાથી પાપનો નાશ થાય છે. અનેક શ્રદ્ધાળુઓ આ દિવસે પવિત્ર નદીમાં સ્નાન કરીને વ્રત પણ રાખે છે.

અનેક લોકો આ દિવસને સ્નાન-દાનની અમાસ તરીકે પણ પૂજે છે. એટલું જ નહીં શનિ જયંતિ અને સ્નાન-દાન સાથે-સાથે મહિલાઓ પોતાના પતિની લાંબી ઉંમર માટે આ દિવસે વટ સાવિત્રી વ્રત પણ રાખે છે. એટલે ઉત્તર ભારતમાં તો વૈશાખ અમાસને ખાસ સૌભાગ્યશાળી તથા પુણ્ય ફળદાયી માનવામાં આવે છે.

ગુરુવારે અમાસનો સંયોગ ઓછો જ બને છે. પરંતુ આ વર્ષે ફેબ્રુઆરીમાં પણ ગુરુવારે મૌની અમાસ હતી. હવે વૈશાખ મહિના પછી 4 નવેમ્બરના રોજ વર્ષની છેલ્લી ગુરુવારી અમાસ રહેશે
ગુરુવારે અમાસનો સંયોગ ઓછો જ બને છે. પરંતુ આ વર્ષે ફેબ્રુઆરીમાં પણ ગુરુવારે મૌની અમાસ હતી. હવે વૈશાખ મહિના પછી 4 નવેમ્બરના રોજ વર્ષની છેલ્લી ગુરુવારી અમાસ રહેશે

ગુરુવારની અમાસનું મહત્ત્વઃ-
કોઈપણ મહિનાની અમાસ જો ગુરુવારે આવતી હોય તો તેને ગુરુવારી અમાસ પણ કહેવામાં આવે છે. જ્યોતિષ ગ્રંથો પ્રમાણે આવી અમાસ શુભફળ આપનારી હોય છે. આવા સંયોગમાં કરવામાં આવેલ સ્નાન-દાન અને પૂજા-પાઠનું પુણ્યફળ વધી જાય છે. ગુરુવારે અમાસનો સંયોગ ઓછો જ બને છે. પરંતુ આ વર્ષે ફેબ્રુઆરીમાં પણ ગુરુવારે મૌની અમાસ હતી. હવે વૈશાખ મહિના પછી 4 નવેમ્બરના રોજ વર્ષની છેલ્લી ગુરુવારી અમાસ રહેશે.

આ દિવસે ગંગા-યમુના જેવી પવિત્ર નદીઓ અને મથુરા તથા અન્ય તીર્થોમાં સ્નાન, ગૌદાન, અન્નદાન, બ્રાહ્મણ ભોજન, વસ્ત્ર, સોનુ વગેરે દાનનું વિશેષ મહત્ત્વ માનવામાં આવે છે. ધર્મગ્રંથોમાં ઉલ્લેખવામાં આવ્યું છે કે આ દિવસે સ્નાન-દાન અને બ્રાહ્મણ ભોજન કરાવવાથી પિતૃઓ સંતુષ્ટ થાય છે.

વૈશાખ મહિનાની અમાસના દિવસે શું કરવું અને શું નહીંઃ-
1. આ દિવસે સૂર્યોદય પહેલાં જાગીને તીર્થ સ્નાન અથવા પવિત્ર નદીઓમાં સ્નાન કરવાની પરંપરા છે. પરંતુ મહામારીના કારણે ઘરના જ પાણીમાં ગંગાજળના થોડી ટીપા મિક્સ કરીને સ્નાન કરવાથી તેટલું જ પુણ્ય મળશે.

2. આખો દિવસ વ્રત કે ઉપવાસ સાથે જ પૂજાપાઠ અને શ્રદ્ધા પ્રમાણે દાન આપવાનો સંકલ્પ લો.

3. આખા ઘરમાં કચરા-પોતા કર્યા પછી ગંગાજળ કે ગૌમૂત્ર છાંટવું.

4. સવાર-સવારમાં પીપળાના ઝાડમા જળ ચઢાવો.

5. પીપળા અને વડના ઝાડની 108 પરિક્રમા કરવાથી દરિદ્રતા દૂર થાય છે.

6. ત્યાર બાદ શ્રદ્ધા પ્રમાણે દાન આપો. માન્યતા છે કે અમાસના દિવસે મૌન રહેવા સાથે જ સ્નાન અને દાન કરવાથી હજાર ગાયના દાન કરવા સમાન ફળ મળે છે.

7. તામસિક ભોજન એટલે લસણ-ડુંગળી અને માંસાહારથી દૂર રહો.

8. કોઈપણ પ્રકારનો નશો ન કરો અને પતિ-પત્ની એક પલંગ ઉપર સૂવે નહીં.