શ્રાવણમાં 30 શિવમંદિરોનાં દર્શન:દક્ષિણનું શ્રીકાંતેશ્વર શિવાલય; મૈસૂરના નંજનગુડમાં આવેલું આ મંદિર લગભગ એક હજાર વર્ષ જૂનું છે

2 મહિનો પહેલા
  • કૉપી લિંક
  • divyabhaskar.com માં અમે શ્રાવણ મહિના નિમિત્તે શ્રાવણ મહિનાના 30 દિવસમાં 30 પ્રખ્યાત શિવ મંદિરોના દર્શન કરાવીશું
  • આ શિવલિંગની સ્થાપના ગૌતમ ઋષિએ કરી હોવાનું માનવામાં આવે છે, આ મંદિરમાં 108 શિવલિંગ બનેલાં છે

કર્ણાટકની તીર્થનગરી નંજનગુડમાં ભગવાન શિવનું ખૂબ જ જૂનું મંદિર છે. નંજનગુડ પ્રાચીન તીર્થનગર છે. જે કર્ણાટરમાં મૈસૂરથી 26 કિલોમીટર દક્ષિણમાં છે. આ તીર્થ કાબિની નદીના કિનારે છે. નંજનગુડ નગર 10મી અને 11મી સદીમાં ગંગ તથા ચોલ વંશના સમયથી પ્રસિદ્ધ છે. અહીં ભોળાનાથની પૂજા શ્રીકાંતેશ્વર નામથી થાય છે.

ભગવાન શિવના આ સુંદર મંદિરને નંજનગુડ મંદિર અને શ્રીકાંતેશ્વર મંદિરના નામથી ઓળખવામાં આવે છે. મંદિર દ્રવિડ શૈલીમાં બનેલું છે અને 147 સ્તંભ પર ઊભું છે. માન્યતા છે કે, આ મંદિરમાં ભગવાન શિવનો વાસ હતો. આ મંદિર લગભગ એક હજાર વર્ષ જૂનું છે. બહાર ભગવાન શિવની ખૂબ જ મોટી મૂર્તિ છે. અહીં સ્થાપિત શિવલિંગ અંગે માનવામાં આવે છે કે, તેની સ્થાપના ગૌતમ ઋષિએ કરી હતી. ઘઉંવર્ણા રંગના પથ્થરથી બનેલાં આ મંદિરના ગોપુરમ અને ખૂબ જ મોટી ચાર દીવાલ ઉપર કરવામાં આવેલી શિલ્પકારીમાં ગણેશજીના વિવિધ યુદ્ધના દૃશ્યો જોવા મળે છે. આ શિલ્પકારી જોવા લાયક છે.

આ શિવલિંગની સ્થાપના ગૌતમ ઋષિએ કરી હોવાનું માનવામાં આવે છે, આ મંદિરમાં 108 શિવલિંગ બનેલાં છે
આ શિવલિંગની સ્થાપના ગૌતમ ઋષિએ કરી હોવાનું માનવામાં આવે છે, આ મંદિરમાં 108 શિવલિંગ બનેલાં છે

સાત માળનો મુખ્યદ્વાર છેઃ-
આ મંદિરમાં ગણેશજી, શિવજી અને પાર્વતીના વિવિધ ગર્ભગૃહ છે. એક મોટા વાડામાં એક કિનારે 108 શિવલિંગ છે. આ ખૂબ જ મોટા મંદિરમાં એક જગ્યા એવી પણ છે, જ્યાં ઊંચી છતથી સવારે સૂર્યની પહેલી કિરણ આવે છે. આ મંદિર લગભગ 50 હજાર વર્ગ ફૂટમાં ફેલાયેલું છે. મંદિરનો મુખ્ય દ્વાર લોકોને ખૂબ જ ગમે છે. તેને મહાદ્વારના નામથી ઓળખવામાં આવે છે. 7 માળના આ દરવાજામાં સોનાથી મઢાવેલ 7 કળશ છે. આ કળશની ઊંચાઈ લગભગ 3 મીટર છે.

7 માળના આ દરવાજામાં સોનાથી મઢાવેલ 7 કળશ છે. આ કળશની ઊંચાઈ લગભગ 3 મીટર છે.
7 માળના આ દરવાજામાં સોનાથી મઢાવેલ 7 કળશ છે. આ કળશની ઊંચાઈ લગભગ 3 મીટર છે.

રથયાત્રા ખાસ છેઃ-
સ્થાનીય લોકોનું માનવું છે કે, આ મંદિરના દર્શનથી ભક્તોના દુઃખ દૂર થાય છે. અહીં વર્ષમાં બે વાર રથોત્સવ ઉજવવામાં આવે છે. જેને દૌડજાત્રે પણ કહેવામાં આવે છે. આ જાત્રામાં ભગવાન ગણેશ, શ્રીકાંતેશ્વર, સુબ્રમન્ય, ચંદ્રકેશ્વર અને દેવી પાર્વતીની મૂર્તિઓ અલગ-અલગ રથમાં સ્થાપિત કરીને પૂજા-અર્ચના કરી રથોત્સવની શરૂઆત થાય છે. આ મહોત્સવને જોવા માટે હજારો લોકો હાજર રહે છે.

નંજનગુડ કૈવી રીતે પહોંચવું-

હવાઈ માર્ગ- નંજનગુડનું નજીકનું એરપોર્ટ મૈસૂર છે જે અહીંથી 23 કિલોમીટર દૂર છે.

રેલ માર્ગ- નંજનગુડમાં એક રેલવે સ્ટેશન છે અને મૈસૂર માટે વિવિધ ટ્રેન અહીંથી મળી શકે છે.

સડક માર્ગ- સડક માર્ગથી આ શહેર પહોંચી શકાય છે. આ શહેર બેંગલુરુથી 163 કિલોમીટર અને મૈસૂરથી 23 કિલોમીટર દૂર છે. મૈસૂર સાથે-સાથે ચામરાજનગર સુધી બસ ચાલે છે.

અન્ય સમાચારો પણ છે...