તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

પંચાંગ ભેદ:29 અને 30 નવેમ્બરે કારતક મહિનાની પૂર્ણિમા, આ તિથિએ નદીમાં સ્નાન અને દાન-પુણ્ય કરવાની પરંપરા છે

8 મહિનો પહેલા
  • કૉપી લિંક
  • આજે વૈકુંઠ ચૌદશના દિવસે ભગવાન વિષ્ણુ અને શિવજીની વિશેષ પૂજા કરો, આ તિથિએ વિષ્ણુજી સૃષ્ટિનું સંચાલન કરે છે

રવિવાર, 29 નવેમ્બરના રોજ એટલે આજે કારતક મહિનાની ચૌદશ તિથિ છે. આ તિથિ બપોરે લગભગ 12.10 વાગ્યા સુધી રહેશે, તે પછી પૂર્ણિમા તિથિ શરૂ થઇ જશે. આ ચૌદશને વૈકુંઠ ચૌદશ કહેવામાં આવે છે. માન્યતા છે કે, આ તિથિએ શિવજી ભગવાન વિષ્ણુને સૃષ્ટિનો ભાર સોંપે છે. વિશ્રામ પછી વિષ્ણુજી વૈકુંઠ ચૌદશથી સૃષ્ટિનું સંચાલન ફરીથી શરૂ કરે છે. પંચાંગ ભેદના કારણે 29 અને 30 નવેમ્બરના રોજ કારતક મહિનાની પૂર્ણિમા ઊજવવામાં આવશે. જેને દેવ દિવાશી અને ત્રિપુરારી પૂર્ણિમા પણ કહેવામાં આવે છે.

ઉજ્જૈનના જ્યોતિષાચાર્ય પં. મનીષ શર્માના જણાવ્યાં પ્રમાણે આજે ભગવાન વિષ્ણુ અને શિવજીનું વિશેષ પૂજન કરવું જોઇએ. વૈકુંઠ ચૌદશના દિવસે ગણેશ પૂજનથી પૂજાની શરૂઆત કરવી. તે પછી ભગવાન વિષ્ણુની મૂર્તિ અને શિવલિંગની પૂજા કરો.

વિષ્ણુજીને કેસર, ચંદન મિક્સ કરેલાં જળથી સ્નાન કરાવો. ચંદન, પીળા વસ્ત્ર, પીળા ફૂલ વગેરે ચઢાવો. શિવલિંગને દૂધ મિક્સ કરેલાં જળથી સ્નાન કરાવ્યા પછી સફેદ આંકડાના ફૂલ, ચોખા, બીલીપાન અર્પણ કરો.

બંને ભગવાનને કમળ ફૂલ પણ અર્પણ કરો. દૂધથી બનેલી મિઠાઈનો ભોગ ધરાવો. ધૂપ-દીપ પ્રગટાવો. આરતી કરો. મંત્ર જાપ કરો.

વિષ્ણુ મંત્ર- ૐ નમો નારાયણ, શિવ મંત્ર- ૐ નમઃ શિવાય

કારતક પૂર્ણિમાએ નદી સ્નાન અને દાન-પુણ્ય કરો

કારતક મહિનાની પૂર્ણિમાએ પવિત્ર નદીમાં સ્નાન કરવાની પરંપરા છે. સાંજે નદીમાં દીપદાન કરવાનું વિશેષ મહત્ત્વ છે. આ તિથિએ કરેલાં દાન-પુણ્ય, જાપ વગેરેનું દસ યજ્ઞ સમાન પુણ્ય ફળ પ્રાપ્ત થાય છે.

કારતક પૂર્ણિમાએ સત્યનારાયણ ભગવાનની વ્રત કથા સાંભળવી જોઇએ. સાંજે મંદિર, ચાર રસ્તે, પીપળાના વૃક્ષ તથા તુલસીના છોડ પાસે દીવો પ્રગટાવવો જોઇએ અને નદીઓમાં દીપદાન કરવું જોઇએ.