તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • Dharm darshan
  • Dharm
  • Sankashti Chaturthi Today, According To The Bhavishya Purana, This Fast Removes All Kinds Of Troubles, Also Gives Relief In Diseases.

આજે સંકટ ચોથ:ભવિષ્ય પુરાણ પ્રમાણે આ વ્રત કરવાથી દરેક પ્રકારના કષ્ટ દૂર થાય છે, બીમારીઓથી પણ રાહત મળી શકે છે

2 મહિનો પહેલા
  • કૉપી લિંક
  • લગ્નસુખ અને પરેશાનીઓથી છુટકારો મેળવવા માટે વૈશાખ મહિનાના વદ પક્ષની ચોથનું વ્રત કરવામાં આવે છે

વૈશાખ મહિનાના વદ પક્ષની ચોથ તિથિ સૌભાગ્ય આપનારી હોય છે. આ દિવસે આખુ રથા એટલે ઉંદર ઉપર સવાર ગણેશજીની પૂજા કરવી જોઈએ. આ દિવસે ઘીથી બનેલી વસ્તુઓ એટલે હલવો, લાડવા, પૂરી વગેરે બનાવીને ગણેશજીને અર્પણ કરો. બ્રાહ્મણ ભોજન કરાવ્યાં પછી સ્વયં ભોજન કરો. આ સંકટ ચોથનું વ્રત કરવાથી દરેક પ્રકારની પરેશાનીઓ દૂર થઈ જાય છે.

મહત્ત્વઃ- ભવિષ્ય પુરાણ પ્રમાણે સંકટ ચોથની પૂજા અને વ્રત કરવાથી દરેક પ્રકારના કષ્ટ દૂર થઈ જાય છે. વૈશાખ મહિનાના વદ પક્ષની ચોથના દિવસે ચંદ્રને અર્ઘ્ય આપવાથી સૌભાગ્ય અને લગ્નસુખ મળે છે. સાથે જ, શારીરિક પરેશાનીઓ પણ દૂર થઈ જાય છે. મનોકામનાઓ પૂર્ણ કરવા અને દરેક પ્રકારની પરેશાનીઓથી છુટકારો મેળવવા માટે સંકટ ચોથ વ્રત કરવામાં આવે છે. વૈશાખ મહિનાની આ ચોથના દિવસે વ્રત અને પૂજા કરવાથી મનોકામનાઓ પૂર્ણ થાય છે.

કથાઃ-સતયુગમા સો યજ્ઞ કરનાર રાજા પૃથુ હતાં. તેમના રાજ્યમા દયાદેવ નામનો બ્રાહ્મણ હતો. જે વેદોનો જાણકાર હતો. તેના ચાર પુત્ર હતાં. પિતાએ પુત્રોના લગ્ન કરાવી દીધા હતાં. તે ચાર વહુઓમાથી મોટી વહુએ એક દિવસ તેની સાસુને કહ્યું કે હું બાળપણથી જ સંકટનાશક ગણેશ ચોથ વ્રત કરી રહી છું. એટલે તમે મને અહીં પણ આ વ્રત કરવાની મંજૂરી આપો.

વહુની વાત સાંભળીને તેના સસરાએ કહ્યુ કે તમે બધી વહુમા સૌથી મોટા છો. તમને કોઈ કષ્ટ નથી. કોઇ વસ્તુની અછત નછી. તો વ્રત શા માટે કરવા ઇચ્છો છો. હાલ તમારો સમય ઉપભોગ કરવાનો છે. થોડા સમય પછી તે વહુ ગર્ભવતી થઈ ગઈ. તેણે એક સુંદર બાળકને જન્મ આપ્યો. તેના પછી પણ તેની સાસુએ વ્રત કરવાની ના પાડી દીધી.

જ્યારે તેનો પુત્ર મોટો થઈ ગયો ત્યારે લગ્ન સમયે તેની બુદ્ધિ ભટકી ગઈ અને તે ક્યાંક જતો રહ્યો. આ ઘટનાથી બધા ચિંતામાં પડી ગયા અને કહેવા લાગ્યા કે યુવક ક્યાં જતો રહ્યો? કોઈએ અપહરણ કરી લીધું. મહેમાનો દ્વારા આવા સમાચાર સાંભળીને તેની માતા તેના સસરાને દયાદેવને કહેવા લાગી. તમે મારું ગણેશ ચોથ વ્રત છોડાવી દીધું, જેના પરિણામથી જ મારો પુત્ર ગાયબ થઈ ગયો છે.

આ વાત સાંભળીને સસરા ખૂબ જ દુઃખી થઈ ગયાં. તે પછી વહુએ સંકટનાશક ગણેશ ચોથના વ્રતનો સંકલ્પ લીધો અને તે યુવક પાછો આવી ગયો. તે પછી વહુ હંમેશાં આ વ્રત કરવા લાગી. તેના પ્રભાવથી તેના બધા જ સંકટ દૂર થઈ ગયાં