તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

ગુપ્ત નવરાત્રિ 11 જુલાઈથી:રવિપુષ્ય મહાયોગમાં દેવી પર્વની શરૂઆત અને 18મીએ ભડલી નોમના મુહૂર્તના દિવસે છેલ્લો દિવસ રહેશે

18 દિવસ પહેલા
  • કૉપી લિંક
  • ગુપ્ત નવરાત્રિમાં શિવ-શક્તિ અને દસ મહાવિદ્યાઓના સ્વરૂપમાં દેવીની પૂજા થાય છે, દુર્ગા સપ્તશતી પાઠ અને બીજ મંત્રનો જાપ પણ થાય છે

ગુપ્ત નોરતા આ વર્ષે 11 જુલાઈથી શરૂ થઈ રહી છે. અષાઢ મહિનાની નવરાત્રિ આ વખતે આઠ દિવસ જ રહેશે. એક દિવસ ઓછો હોવાના કારણે પાંચમ અને છઠ્ઠ તિથિ એક જ દિવસ રહેશે. જેથી છઠ્ઠ તિથિનો ક્ષય થઈ ગયો છે. નોરતાની શરૂઆત પુષ્ય નક્ષત્રના શુભ યોગમાં થશે અને વણજોયા મુહૂર્ત એટલે ભડલી નોમના દિવસે 18 જુલાઈએ પૂર્ણ થશે. ગુપ્ત નોરતામાં કરવામાં આવતી દેવી આરાધનાનું વિશેષ પુણ્ય ફળ મળે છે. પંડિતો પ્રમાણે 11 જુલાઈથી શરૂ થઈ રહેલી નવરાત્રિમાં વ્રત રાખીને દેવી દુર્ગા અને કાળીની આરાધના કરવામાં આવે છે. ગુપ્ત નોરતામા દેવીના બીજ મંત્ર અને સપ્તશતીના પાઠ સાથે હવન કરવામાં આવે તો વાતાવરણ શુદ્ધ થશે, ત્યાં જ સાધકોના આત્મબળમાં પણ વધારો થશે.

શરીરની તાકાત વધારવા માટે નવરાત્રિઃ-
અષાઢ મહિનામાં વરસાના દિવસ રહે છે. એટલે તમામ પ્રકારના સંક્રમણ ફેલાવવાની શક્યતા રહે છે. તેનાથી બચવા માટે ગુપ્ત નોરતાની વ્યવસ્થા આપણાં ઋષિઓએ કરી છે. કેમ કે નોરતા દરમિયાન નિયમ અને સંયમથી રહેવામાં આવે છે. જેથી સંક્રમણ સામે લડવા માટે શરીરમાં તાકાત વધી જાય છે. આ દરમિયાન દેવીની પૂજામાં ઔષધીઓ જડીબૂટીઓ ધરાવતી હવન સામગ્રીનો ઉપયોગ કરવામાં આવે છે. જેનાથી વાતાવરણ શુદ્ધ થાય છે અને બીમારીઓ ફેલાતી નથી.

હિંદુ કેલેન્ડરમાં એક વર્ષના ચાર નોરતા ઉલ્લખવામાં આવે છે. તેમાં નવા વર્ષની શરૂઆત એટલે ચૈત્ર (માર્ચ-એપ્રિલ)મા આવતી નવરાત્રિને પહેલી અને પ્રકટ નવરાત્રિ કહેવામાં આવે છે
હિંદુ કેલેન્ડરમાં એક વર્ષના ચાર નોરતા ઉલ્લખવામાં આવે છે. તેમાં નવા વર્ષની શરૂઆત એટલે ચૈત્ર (માર્ચ-એપ્રિલ)મા આવતી નવરાત્રિને પહેલી અને પ્રકટ નવરાત્રિ કહેવામાં આવે છે

વર્ષમાં 4 નવરાત્રિ આવે છેઃ-
હિંદુ કેલેન્ડરમાં એક વર્ષના ચાર નોરતા ઉલ્લખવામાં આવે છે. તેમાં નવા વર્ષની શરૂઆત એટલે ચૈત્ર (માર્ચ-એપ્રિલ)મા આવતી નવરાત્રિને પહેલી અને પ્રકટ નવરાત્રિ કહેવામાં આવે છે. તે પછી અષાઢ(જૂન-જુલાઈ)માં ગુપ્ત નોરતા, પછી આસો (સપ્ટેમ્બર-ઓક્ટોબર) મહિનામાં શારદીય નોરતાને પણ પ્રકટ નોરતા કહેવામાં આવે છે. તે પછી મહા (જાન્યુઆરી-ફેબ્રુઆરી)માં ગુપ્ત નોરતા હોય છે.

ગુપ્ત નવરાત્રિ કેમ કહેવામાં આવે છેઃ-
હિંદુ કેલેન્ડરમાં અષાઢ મહિનાના સુદ પક્ષના શરૂઆતના 9 દિવસને ગુપ્ત નોરતા કહેવામાં આવે છે કેમ કે, તેમાં ગુપ્ત રૂપથી શિવ અને શક્તિની ઉપાસના કરવામાં આવે છે. સાથે જ દેવીની દસ મહાવિદ્યાઓની પણ સાધના કરે છે. આ નોરતા ખાસ કરીને ગુપ્ત સિદ્ધિઓ મેળવવાનો સમય છે. એટલે તેને ગુપ્ત નોરતા કહેવામાં આવે છે. જ્યારે ચૈત્ર (માર્ચ-એપ્રિલ) અને શારદીય નોરતા (સપ્ટેમ્બર-ઓક્ટોબર)મા સાર્વજનિક રીતે માતાની ભક્તિ કરવાનું વિધાન છે.