• Gujarati News
  • Dharm darshan
  • Dharm
  • Gayatri Praktyotsav On June 9: Mother Gayatri Is The Goddess Of The Five Elements, Worshiping Her Increases Life And Happiness And Prosperity.

9 જૂને ગાયત્રી પ્રાગટ્યોત્સવ:માતા ગાયત્રી પંચ તત્વોની દેવી છે, તેમની પૂજા કરવાથી ઉંમર વધે છે અને સુખ-સમૃદ્ધિ પણ મળે છે

21 દિવસ પહેલા
  • કૉપી લિંક

હિંદુ કેલેન્ડર પ્રમાણે જેઠ મહિનાના સુદ પક્ષની દશમ તિથિએ માતા ગાયત્રી અવતરણ થયા હતાં એવી માન્યતા છે. આ દિવસને ગાયત્રી જયંતી તરીકે ઊજવવામાં આવે છે. આ વખતે ગાયત્રી જયંતી પર્વ 9 જૂન, ગુરુવારે છે. હિંદુ ધર્મમાં માતા ગાયત્રીને વેદમાતા કહેવામાં આવે છે. એટલે બધા જ વેદ તેમના દ્વારા જ બન્યા છે. માતા ગાયત્રીને ભારતીય સંસ્કૃતિની જનની પણ કહેવામાં આવે છે.

અથર્વવેદમા ઉલ્લેખવામાં આવ્યું છે કે માતા ગાયત્રીથી આયુ, પ્રાણ, પ્રજા, પશુ, કીર્તિ, ધન તથા બ્રહ્મવર્ચસ મળે છે. વિધિ અને નિયમો દ્વારા કરવામાં આવતી ગાયત્રી ઉપાસના રક્ષા કવચ બનાવે છે. જેના દ્વારા પરેશાનીઓ સમયે તેમની રક્ષા થાય છે. દેવી ગાયત્રીની ઉપાસના કરનાર લોકોની મનોકામનાઓ પૂર્ણ થાય છે.

માતા ગાયત્રી પંચ તત્વોની દેવી છે
હિંદુ ધર્મમાં માતા ગાયત્રીને પંચમુખી માનવામાં આવે છે. જેનો અર્થ એ છે કે સંપૂર્ણ બ્રહ્માંડ જળ, વાયુ, પૃથ્વી, તેજ અને આકાશના પાંચ તત્વોથી બન્યું છે. સંસારમાં જેટલાં પણ પ્રાણ છે, તેમનું શરીર પણ આ જ પાંચ તત્વોથી બનેલું છે. પૃથ્વી ઉપર પ્રત્યેક જીવની અંદર ગાયત્રી પ્રાણ-શક્તિ તરીકે છે. આ જ કારણ છે કે ગાયત્રીને બધી શક્તિઓનો આધાર માનવામાં આવે છે. એટલે ગાયત્રી ઉપાસના ચોક્કસ કરવી જોઈએ.

ગાયત્રી મંત્રનો માનસિક જાપ કોઈપણ સમયે કરી શકાય છે
ગાયત્રી મંત્રનો માનસિક જાપ કોઈપણ સમયે કરી શકાય છે

ગાયત્રી મંત્રનો જાપ કરતી સમયે ધ્યાનમાં રાખવામાં આવતી વાતો

  • ગાયત્રી મંત્ર જાપ માટે સવારનો સમય સૌથી સારો માનવામાં આવે છે. ગાયત્રી મંત્ર માટે સ્નાન સાથે મન અને આચરણ પણ પવિત્ર રાખવાનું હોય છે.
  • સાફ અને સૂત્તરના કપડા પહેરીને કુશ કે ધાબળો પાથરીને મંત્રજાપ કરવાનું વિધાન છે.
  • મંત્ર જાપ માટે તુલસી કે ચંદનની માળા ઉપયોગમાં લેવી જોઈએ. આ મંત્રનો માનસિક જાપ કોઈપણ સમયે કરી શકાય છે.
  • અચાનક કોઈ કામના કારણે જાપમાં વિઘ્ન આવે તો હાથ-પગ ધોઈને ફરીથી જાપ કરો. બાકી મંત્ર જાપની સંખ્યાને થોડા-થોડા અંતરે પૂર્ણ કરો. સાથે જ એકથી વધારે માળા કરી જાપ બાધા દોષની માફી માગો.
  • ગાયત્રી મંત્ર જાપ કરનાર લોકોનું ખાનપાન શુદ્ધ હોવું જોઈએ. જે લોકોનું સાત્વિક ખાનપાન નથી, તેઓ પણ ગાયત્રી મંત્ર જાપ કરી શકે છે, કેમ કે માન્યતા છે કે આ મંત્રની અસરથી એવો વ્યક્તિ પણ શુદ્ધ અને સદગુણી બની જાય છે.