તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • Dharm darshan
  • Dharm
  • Dhanu Sankranti 2020 Surya Ka Rashi Parivartan (Planetary Positions) 2020 | Sun Transit In Sagittarius Impact On Zodiac Signs | Dhanu Sankranti History, Significance Its Importance

સૂર્ય પર્વ:ધન સંક્રાંતિએ ભગવાન ભાસ્કરના દિવાકર સ્વરૂપની પૂજા કરવાથી સારું સ્વાસ્થ્ય રહે છે અને ઉંમર પણ વધે છે

6 મહિનો પહેલા
  • કૉપી લિંક
  • ધન સંક્રાંતિએ ગૌદાન સાથે જ જરૂરિયાતમંદ લોકોને વસ્ત્ર અને અનાજદાન કરવાની પણ પરંપરા છે, તેનાથી અક્ષય પુણ્ય મળે છે

15 ડિસેમ્બરના રોજ સૂર્ય ધન રાશિમાં પ્રવેશ કરશે. તેને સૂર્ય સંક્રાંતિ કહેવામાં આવે છે. કાશીના જ્યોતિષાચાર્ય પં. ગણેશ મિશ્રના જણાવ્યાં પ્રમાણે બુધવારે સવારે સૂર્ય ધન રાશિમાં પ્રવેશ કરશે. પંચાંગ પ્રમાણે આ રાશિ પરિવર્તન 15 તારીખે જણાવવામાં આવ્યું છે. પરંતુ કાશીના વિદ્વાન પ્રમાણે 16 ડિસેમ્બરે સવારે સૂર્ય ધન રાશિમાં પ્રવેશ કરશે. એટલે આ દિવસે તીર્થ સ્નાન, દાન અને પૂજાનું મહત્ત્વ વધારે છે.

પં. મિશ્રના જણાવ્યાં પ્રમાણે સૂર્યનો કોઇ રાશિમાં પ્રવેશ સંક્રાંતિ કહેવાય છે અને જ્યારે સૂર્ય ધન રાશિમાં પ્રવેશ કરે છે ત્યારે તેને ધન સંક્રાંતિ કહેવામાં આવે છે. તે માગશર કે પોષ મહિનામાં આવે છે. ધન સંક્રાંતિ પર્વ હેમંત ઋતુમાં ઊજવાય છે. જે આ વર્ષે 16 ડિસેમ્બરના રોજ છે. આ દિવસે સૂર્ય વૃશ્ચિક રાશિમાંથી બહાર આવીને ધન રાશિમાં પ્રવેશ કરી રહ્યો છે.

સૂર્યના દિવાકર સ્વરૂપની પૂજાઃ-
ધન સંક્રાંતિના દિવસે સૂર્યદેવના દિવાકર સ્વરૂપની પૂજા કરવાનું ખૂબ જ મહત્ત્વ છે. આ દિવસે સૂર્યદેવની પૂજા કરવી ખૂબ જ શુભ માનવામાં આવે છે. આ પર્વમાં પવિત્ર નદીઓના જળમાં સ્નાન કરવાથી મનુષ્યો દ્વારા કરવામાં આવેલાં ખરાબ કર્મ કે પાપથી મુક્તિ મળે છે. સાથે જ, આ દિવસે પૂજા કરવાથી ભવિષ્ય સૂર્યની જેમ ચમકવા લાગે છે.

પૂજા વિધિઃ-

  • સવારે સૂર્યોદય પહેલાં જાગીને સ્નાન કરો પછી ઉગતા સૂર્યને જળ ચઢાવો.
  • પૂજા કરે અને આખો દિવસ વ્રત અને દાન કરવાનો સંકલ્પ લો.
  • પીપળા અને તુલસીને જળ ચઢાવો. તે પછી ગાયને ઘાસ-ચારો અથવા અનાજ ખવડાવો.
  • જરૂરિયાતમંદ લોકોને ભોજન ખવડાવો અને કપડાનું દાન કરી શકો છો.
  • સૂર્યોદય પછી બે પ્રહર વિતી ગયા પહેલાં એટલે દિવસમાં 12 વાગ્યા પહેલાં પિતૃઓની શાંતિ માટે તર્પણ કરવું જોઇએ.

સંક્રાંતિ પર્વમાં ગૌદાનનું મહત્ત્વઃ-
ધન સંક્રાંતિ પર્વ ઊજવનાર લોકોએ દિવસભર બ્રહ્મચર્યનું પાલન કરવું જોઇએ. આખો દિવસ જરૂરિયાતમંદ લોકોને દાન કરવું જોઇએ. કોશિશ કરવી જોઇએ કે આ દિવસે મીઠાનું સેવન ન કરો. આ પર્વમાં ભગવાન સૂર્ય, વિષ્ણુ અને શિવજીની પૂજા કરવી જોઇએ. આ સિવાય પિતૃ શાંતિ માટે તર્પણ કરવાનું પણ મહત્ત્વ છે.

ધન સંક્રાંતિએ ગૌદાનને ખૂબ જ મહત્ત્વપૂર્ણ માનવામાં આવે છે. ગ્રંથો પ્રમાણે આ સંક્રાંતિએ ગૌદાનથી દરેક પ્રકારના સુખ મળે છે. પાપ દૂર થાય છે અને પરેશાનીઓથી પણ છુટકારો મળે છે. ગૌદાન ન કરી શકો તો ગાય માટે એક કે વધારે દિવસના ચારાનું દાન કરો. આ પ્રકારે દાન કરવાથી પાપ દૂર થઇ જાય છે.