તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

20 જુલાઈએ દેવશયની એકાદશી:ભાગવત મહાપુરાણ પ્રમાણે 4 મહિના સુધી ભગવાન વિષ્ણુ ક્ષીરસાગરમાં યોગ નિદ્રામાં સૂવે છે

11 દિવસ પહેલા
  • કૉપી લિંક
  • ભાગવત મહાપુરાણ પ્રમાણે અષાઢ મહિનાના સુદ પક્ષની એકાદશી તિથિએ શંખાસુર રાક્ષસ મૃત્યુ પામ્યો હતો

હિંદુ કેલેન્ડર પ્રમાણે અષાઢ મહિનાના સુદપક્ષની એકાદશીને દેવશયની એકાદશી કહેવામાં આવે છે. પુરાણો પ્રમાણે આ 4 મહિનામાં ભગવાન વિષ્ણુ યોગ નિદ્રામાં રહે છે. ત્યાર બાદ કારતક મહિનાના સુદપક્ષની એકાદશીએ ભગવાન વિષ્ણુની યોગ નિદ્રા પૂર્ણ થાય છે. આ એકાદશીને દેવઉઠી એકાદશી કહેવામાં આવે છે. દેવશયની એકાદશી આ વખતે 20 જુલાઈએ આવી રહી છે. આ દિવસથી ચાતુર્માસ પણ શરૂ થઇ જાય છે. એટલે હવે 20 જુલાઈથી લગભગ 4 મહિના સુધી માંગલિક કાર્યો થઇ શકશે નહીં. ચાતુર્માસ દરમિયાન પૂજાપાઠ, કથા, અનુષ્ઠાનથી પોઝિટિવ ઊર્જા મળે છે. ચાતુર્માસમાં ભજન, કીર્તન, સત્સંગ, કથા, ભાગવત માટે સૌથી સારો સમય માનવામાં આવે છે.

પુરાણોમાં દેવશયની એકાદશીનું મહત્ત્વઃ-

  • શાસ્ત્રો પ્રમાણે દેવશયની એકાદશીથી ચાતુર્માસ શરૂ થઇ જાય છે અને ચાર મહિના માટે 16 સંસ્કાર બંધ રહે છે. જોકે, પૂજન, અનુષ્ઠાન, સમારકામ કરાવવેલ ઘરમાં પ્રવેશ, વાહન અને ઘરેણા ખરીદી જેવા કામ કરી શકાય છે.
  • આ એકાદશીને સૌભાગ્યદાયિની એકાદશી કહેવામાં આવે છે. પદ્મ પુરાણ પ્રમાણે આ દિવસે વ્રત અથવા ઉપવાસ રાખવાથી જાણ્યા-અજાણ્યા કરેલાં પાપ દૂર થઇ શકે છે.
  • આ દિવસે વિધિ-વિધાનથી પૂજા કરવાથી મોક્ષની પ્રાપ્તિ થાય છે. બ્રહ્મવૈવર્ત પુરાણ પ્રમાણે આ વ્રતને કરવાથી મનોકામનાઓ પૂર્ણ થાય છે.
  • ભાગવત મહાપુરાણ પ્રમાણે અષાઢ મહિનાના સુદ પક્ષની એકાદશી તિથિએ શંખાસુર રાક્ષસ મૃત્યુ પામ્યો હતો. તે દિવસથી ભગવાન ચાર મહિના સુધી ક્ષીર સાગરમાં સૂવે છે.
માન્યતાઓ પ્રમાણે શિવજી મહાશિવરાત્રિ સુધી અને બ્રહ્માજી શિવરાત્રિથી દેવશયની એકાદશી સુધી પાતાળમાં નિવાસ કરે છે
માન્યતાઓ પ્રમાણે શિવજી મહાશિવરાત્રિ સુધી અને બ્રહ્માજી શિવરાત્રિથી દેવશયની એકાદશી સુધી પાતાળમાં નિવાસ કરે છે

માન્યતાઃ દેવશયની એકાદશીથી 4 મહિના સુધી ભગવાન પાતાળમાં રહે છેઃ-
ગ્રંથો પ્રમાણે પાતાળ લોકના અધિપતિ રાજા બલિએ ભગવાન વિષ્ણુને પાતાળમાં સ્થિત પોતાના મહેલમાં રહેવાનું વરદાન માંગ્યુ હતું. એટલે એવું માનવામાં આવે છે કે, દેવશયની એકાદશીથી 4 મહિના સુધી ભગવાન વિષ્ણુ પાતાળમાં રાજા બલિના મહેલમાં નિવાસ કરે છે. આ સિવાય અન્ય માન્યતાઓ પ્રમાણે શિવજી મહાશિવરાત્રિ સુધી અને બ્રહ્માજી શિવરાત્રિથી દેવશયની એકાદશી સુધી પાતાળમાં નિવાસ કરે છે.