છઠ્ઠ પૂજા સૂર્ય ઉપાસનાનું પર્વ છે:સૂર્ય પંચદેવોમાં સામેલ ભગવાન સૂર્યની પૂજા સાથે જ શુભ કામની શરૂઆત થાય છે, અર્ધ્ય આપતી સમયે સૂર્યના 12નામનો જાપ કરવો

3 મહિનો પહેલા
  • કૉપી લિંક

સૂર્ય પૂજાના મહાપર્વ છઠ્ઠ પૂજામાં 30 ઓક્ટોબરે સૂર્યાસ્ત સમયે અને 31મીએ સવારે સૂર્યોદય સમયે અર્ઘ્ય આપવામાં આવે છે. માત્ર છઠ્ઠ પૂજામાં સૂર્યાસ્ત સમયે અર્ઘ્ય આપવામાં આવે છે. ભગવાન સૂર્ય પંચદેવોમાં સામેલ છે. દરેક શુભ કામની શરૂઆત પંચદેવોની પૂજા સાથે થાય છે. સૂર્યદેવને રોજ સવારે અર્ઘ્ય આપીને 12 મંત્રનો જાપ કરવાથી ભક્તની મનોકામના પૂર્ણ થાય છે, નકારાત્મક વિચાર દૂર થાય છે અને સ્વાસ્થ્ય લાભ મળે છે.

ઉજ્જૈનના જ્યોતિષાચાર્ય પં. મનીષ શર્માના જણાવ્યા પ્રમાણે છઠ્ઠ પૂજામાં અને રોજ સવારે સૂર્યને અર્ઘ્ય આપતી સમયે ભગવાન સૂર્ય નારાયણના 12 નામનો જાપ કરવો જોઈએ.

12 નામનો જાપ મંત્ર-
आदिदेव नमस्तुभ्यं प्रसीद मम भास्कर, दिवाकर नमस्तुभ्यं, प्रभाकर नमोस्तुते।
सप्ताश्वरथमारूढ़ं प्रचंडं कश्यपात्मजम्, श्वेतपद्यधरं देव तं सूर्यप्रणाम्यहम्।।

છઠ્ઠ પૂજામાં અને રોજ સવારે સૂર્યને અર્ઘ્ય આપતી સમયે ભગવાન સૂર્ય નારાયણના 12 નામનો જાપ કરવો જોઈએ
છઠ્ઠ પૂજામાં અને રોજ સવારે સૂર્યને અર્ઘ્ય આપતી સમયે ભગવાન સૂર્ય નારાયણના 12 નામનો જાપ કરવો જોઈએ

છઠ્ઠ માતા સાથે જોડાયેલી માન્યતા

  • માન્યતા છે કે પ્રકૃતિએ પોતાને છ ભાગમાં વહેચી હતી. તેમાં છઠ્ઠા ભાગને માતૃ દેવી કહેવામાં આવે છે.
  • છઠ્ઠ માતાને બ્રહ્માજીની માનસ પુત્રી કહેવામાં આવે છે.
  • દેવી દુર્ગાના છઠ્ઠા સ્વરૂપ કાત્યાયનીને પણ છઠ્ઠ માતા કહેવામાં આવે છે.
  • છઠ્ઠ માતાને સૂર્ય ભગવાનની બહેન કહેવામાં આવે છે. આ કારણે સૂર્ય સાથે છઠ્ઠ માતાની પૂજા થાય છે.
  • છઠ્ઠા માતા બાળકોની રક્ષા કરનારી દેવી છે. આ કારણે સંતાનના સૌભાગ્ય, લાંબી ઉંમર અને સારા સ્વાસ્થ્યની કામનાથી છઠ્ઠ પૂજાનું વ્રત કરવામાં આવે છે.
  • ભવિષ્ય પુરાણ પ્રમાણે શ્રીકૃષ્ણએ પોતાના પુત્ર સાંબને સૂર્યપૂજા કરવા માટે કહ્યું હતું. બિહારમાં કથા પ્રચલિત છે કે દેવી સીતા, કુંતી અને દ્રૌપદીએ પણ છઠ્ઠ પૂજાનું વ્રત કર્યું હતું અને વ્રતના પ્રભાવથી જ તેમના જીવનના બધા કષ્ટ દૂર થયાં હતાં.