• Gujarati News
  • Dharm darshan
  • Dharm
  • Auspicious Coincidence Of Ekadashi On Thursday, Putrada Ekadashi 13, Take A Bath By Mixing Sesame In Water On This Day And Also Donate Sesame.

પુત્રદા એકાદશી:ગુરુવારે એકાદશીનો શુભ સંયોગ, આ દિવસે પાણીમાં તલ મિક્સ કરીને નાહવું અને તલનું દાન પણ કરવું

6 મહિનો પહેલા
  • કૉપી લિંક

ગુરુવાર, 13 જાન્યુઆરીએ પોષ મહિનાના સુદ પક્ષની એકાદશી છે. જેને પવિત્રા કે પુત્રદા એકાદશી પણ કહેવામાં આવે છે. આ તિથિએ ભગવાન વિષ્ણુની ખાસ પૂજા કરવાની પરંપરા છે. પુત્રદા એકાદશી ગુરુવારે હોવાથી આ દિવસે ભગવાન વિષ્ણુની પૂજા કરવાથી મળતું શુભફળ વધી જશે. પોષ અને ધનુર્માસ હોવાથી સૂર્યદેવની પૂજા પણ ખાસ કરીને કરવી જોઈએ. આ દિવસે વ્રત-પૂજા કરવાથી સંતાનની ઇચ્છા રાખનાર લોકોની મનોકામનાઓ પૂર્ણ થાય છે.

પાણીમાં તલ મિક્સ કરીને નાહવાની પરંપરા
પોષ મહિનામાં આવતી પુત્રદા એકાદશીએ પાણીમાં ગંગાજળ અને તલ મિક્સ કરીને નાહવાની પરંપરા છે. આવું કરવાથી જાણ્યે-અજાણ્યે થયેલાં દરેક પ્રકારના પાપ અને દોષ દૂર થઈ જાય છે. આ એકાદશીએ તલ ખાવા અને તેનું દાન પણ કરવું જોઈએ. આ વ્રતમાં ભગવાન વિષ્ણુની પૂજા દરમિયાન શંખથી અભિષેક કરવાનું વિધાન છે. સાથે જ તેના પછી તુલસી પાન ચઢાવવા જોઈએ. આવું કરવાથી મહાપૂજાનું ફળ મળે છે.

એકાદશીના દિવસે સૂર્યોદય પહેલાં જાગીને તીર્થ સ્નાન કરો અને ઉગતા સૂર્યની પૂજા કરો
એકાદશીના દિવસે સૂર્યોદય પહેલાં જાગીને તીર્થ સ્નાન કરો અને ઉગતા સૂર્યની પૂજા કરો

પોષ મહિનામાં ભગવાન વિષ્ણુ અને સૂર્ય પૂજાનું મહત્ત્વ
પુરીના જ્યોતિષાચાર્ય ડો. ગણેશ મિશ્ર જણાવે છે કે હિંદુ કેલેન્ડરના પોષ મહિનાના દેવતા ભગવાન વિષ્ણુ અને સૂર્ય છે. આ મહિનામાં ભગવાન સૂર્યના ભગ સ્વરૂપની પૂજા કરવી જોઈએ. તેનાથી સ્વાસ્થ્ય સારું રહે છે અને ઉંમર પણ વધે છે. ખગોળીય દૃષ્ટિએ જોવામાં આવે તો આ મહિને સૂર્યનો પ્રકાશ ધરતીના ઉત્તર ગોળાર્ધમાં વધારે સમય માટે રહે છે. એટલે આ દિવસે સૂર્ય પૂજાનું ખૂબ જ વધારે મહત્ત્વ છે.

પોષ મહિનામાં ભગવાન વિષ્ણુના નારાયણ સ્વરૂપની પૂજાનું વિધાન ગ્રંથોમાં ઉલ્લેખવામાં આવ્યું છે. આ સ્વરૂપ મનુષ્યોને સારા કર્મ કરવાનો બોધપાઠ આપે છે. ભગવાન રામ અને શ્રીકૃષ્ણ પણ નારાયણ સ્વરૂપના અવતાર હતાં. એટલે પોષ મહિનામાં આવતી પુત્રદા એકાદશીનું વ્રત ખાસ માનવામાં આવે છે.

આ દિવસે શું કામ કરવું

  • આ દિવસે સૂર્યોદય પહેલાં જાગીને તીર્થ સ્નાન કરો અને ઉગતા સૂર્યની પૂજા કરો.
  • શાલિગ્રામ અને તુલસી પૂજા સાથે તુલસીના છોડમાં જળ ચઢાવવું જોઈએ
  • પીપળામાં ભગવાન વિષ્ણુનો નિવાસ હોય છે. એટલે સવારે જલ્દી જાગીને પીપળાની પૂજા પણ કરવી.
  • કેળાના ઝાડની પૂજા કરો. આવું કરવાથી પણ ભગવાન વિષ્ણુ પ્રસન્ન થાય છે.
  • જરૂરિયાતમંદ લોકોને તલ, ગોળ અને ગરમ કપડાનું દાન કરવું જોઈએ.
અન્ય સમાચારો પણ છે...