તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • Dharm darshan
  • Dharm
  • Akshaya Tritiya 2021, Buddha Purnima 2021, Buddhha Jayanti, Parshuram Jayanti, Festivals In May 2021, Hindi Festivals In May

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

ખાસ તિથિ:મે મહિનામાં અખાત્રીજ અને બુદ્ધ પૂર્ણિમા જેવા મોટા પર્વ આવશે, આ મહિનામાં પાણીનું દાન કરવું જોઈએ

5 દિવસ પહેલા

2021નો પાચમો મહિનો મે શરૂ થઈ ગયો છે. આ મહિનામાં બે ચોથ, બે એકાદશી સાથે જ અખાત્રીજ, અમાસ અને પૂનમ જેવી ખાસ તિથિઓ આવશે. આ તિથિમાં શાસ્ત્રોમાં જણાવેલ વ્રત-પૂજા જેવા શુભ કામ કરવાથી મનોકામનાઓ પૂર્ણ થઇ શકે છે, એવી માન્યતા છે.

હિંદુ પંચાંગ પ્રમાણે હાલ ચૈત્ર મહિનાનું વદ પક્ષ ચાલી રહ્યું છે. આ મહિનો 11 મે સુધી રહેશે. તે પછી વૈશાખ મહિનો શરૂ થઈ જશે. વૈશાખ મહિનામાં ગરમી ખૂબ જ વધી જાય છે. જેના કારણે આ મહિનામાં પાણીનું દાન કરવાનું વિશેષ મહત્ત્વ છે. આ મહિનામાં કોઇ જગ્યાએ પરબ બંધાવો અથવા પરબમાં માટલાનું દાન કરવું. પરબમાં પાણીની વ્યવસ્થા પણ કરાવી શકો છો.

આ મહિનામાં પહેલી એકાદશી, શુક્રવાર 7 મેના રોજ છે. જેને વરૂથિની એકાદશી કહેવામાં આવે છે. આ દિવસે ભગવાન વિષ્ણુ માટે વ્રત કરવામાં આવશે. આ દિવસે બાળ ગોપાલને માખણ-મિશ્રીનો ભોગ તુલસી સાથે ધરાવવો.

મંગળવાર, 11 મેના રોજ વૈશાખ મહિનાની અમાસ રહેશે. તેને સતુવાઈ અમાસ કહેવામાં આવે છે. આ દિવસે પિતૃઓ માટે શ્રાદ્ધ-તર્પણ વગેરે શુભ કામ કરવા જોઈએ. જરૂરિયાતમંદ લોકોને અનાજનું દાન કરવું.

લગ્ન માટે શ્રેષ્ઠ મુહૂર્તમાથી એક અક્ષય તૃતીયા શુક્રવાર, 14 મેના રોજ છે. આ દિવસે મુહૂર્ત જોયા વિના પણ લગ્ન કરી શકાય છે. આ તિથિએ પરશુરામ જયંતી પણ ઊજવવામાં આવે છે. અખાત્રીજના દિવસે કોઇ પરબમાં પાણીનું દાન કરો. કોઇ જરૂરિયાતમંદ વ્યક્તિને બૂટ-ચપ્પલ અને છત્રીનું દાન કરો. આ દિવસે વૃષભ સંક્રાંતિ પણ રહેશે. સૂર્ય મેષ રાશિમાંથી વૃષભ રાશિમાં પ્રવેશ કરશે.

શનિવાર, 15 મેના રોજ વિનાયક ચોથ છે. આ તિથિએ ભગવાન ગણેશ માટે વ્રત-ઉપવાસ કરો અને ભગવાનની વિશેષ પૂજા કરો.

મે મહિનાની બીજી એકાદશી શનિવાર, 22 મેના રોજ રહેશે. વૈશાખ મહિનાના સુદ પક્ષમાં મોહિની એકાદશીનું વ્રત કરવામાં આવે છે. આ દિવસે ભગવાન વિષ્ણુ, દેવી લક્ષ્મી, શ્રીકૃષ્ણનો અભિષેક અને પૂજન કરવું.

મંગળવાર, 25થી નવતપા શરૂ થશે. આ દિવસોમાં ગરમી ખૂબ જ વધી જાય છે. એટલે ખાનપાન અને રહેણી-કરણીમાં નાની બેદરકારી પણ ન કરવી. ઘરથી બહાર જતી સમયે લૂથી બચવા માટે બધા ઉપાય કરો.

ભગવાન બુદ્ધની જયંતી એટલે બુદ્ધ પૂર્ણિમા બુધવાર, 26 મેના રોજ ઊજવવામાં આવશે. આ તિથિએ ભગવાન વિષ્ણુનો કૂર્મ અવતાર પણ પ્રકટ થયો હતો. આ દિવસે વૈશાખ મહિનાનો સુદ પક્ષ પૂર્ણ થઇ જશે. આ પૂનમના દિવસે કોઇ પવિત્ર નદીમાં સ્નાન કરવાની પરંપરા છે. જો બહાર જઈ શકો નહીં તો ઘરમાં જ બધા તીર્થનું ધ્યાન કરીને સ્નાન કરવું જોઈએ.

ગુરુવાર, 27 મેથી વૈશાષ મહિનાનો વદ પક્ષ શરૂ થઇ જશે. શનિવાર 29 મેના રોજ ગણેશ ચોથ વ્રત કરવામાં આવશે.

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- દિવસ સામાન્ય જ પસાર થશે. કોઇપણ કામ કરતા પહેલાં તેના અંગે ઊંડાણપૂર્વક જાણકારી લો. મુશ્કેલ સમયમાં કોઇ પ્રભાવશાળી વ્યક્તિની સલાહ તથા સહયોગ પણ મળી શકે છે. સમાજ સેવી સંસ્થાઓ પ્રત્યે પણ સહયોગની ભા...

વધુ વાંચો