12 નવેમ્બરથી દિવાળી:ધનતેરસના દિવસે રાશિ પ્રમાણે ખરીદારી કરી શકાય છે, આ તિથિએ ભગવાન ધનવંતરિ અને યમરાજની પૂજા કરો

આ વર્ષે 12 નવેમ્બરથી પાંચ દિવસનો દીપોત્સવ શરૂ થઇ રહ્યો છે. 12 તારીખના રોજ ધનતેરસ છે. આ વર્ષે પંચાંગ ભેદના કારણે 13 તારીખે પણ તેરસ તિથિ રહેશે. ઉજ્જૈનના જ્યોતિષાચાર્ય પં. મનીષ શર્માના જણાવ્યાં પ્રમાણે ધનતેરસ ભગવાન ધનવંતરિ અને યમરાજની વિશેષ પૂજા કરવાની પરંપરા છે. આ તિથિએ પોતાની રાશિ પ્રમાણે ખરીદારી પણ કરી શકાય છે.

પ્રાચીન સમયે દેવતાઓ અને દાનવોએ મળીને સમુદ્ર મંથન કર્યું હતું. આ મંથનમાં આસો મહિનાના વદ પક્ષની તેરસ તિથિએ ભગવાન ધનવંતરિ અમૃત કળશ સાથે પ્રકટ થયાં હતાં. ધનવંતરિ આયુર્વેદના દેવતા છે. સારા સ્વાસ્થ્ય માટે તેમની પૂજા કરવામાં આવે છે. ધનતેરસના દિવસે યમરાજની પૂજા કરવાથી ભય દૂર થાય છે. આ દિવસે ખરીદારી કરવાનું પણ મહત્ત્વ છે. જો ધનતેરસના દિવસે રાશિ પ્રમાણે વસ્તુઓ ખરીદો છો તો જ્યોતિષીય ગ્રહોથી પણ શુભ ફળ મળી શકે છે. જાણો મેષ થી મીન સુધી, ધનતેરસના દિવસે કઇ-કઇ વસ્તુઓ ખરીદી શકાય છે....

મેષઃ- આ રાશિના લોકો માટે સોનું, ચાંદી, વાસણ, ઘરેણાં, હીરા, વસ્ત્ર વગેરે વસ્તુઓ ખરીદવી શુભ રહેશે.

વૃષભઃ- સોના, ચાંદી, પીત્તળ, કાંસું, હીરો, કમ્પ્યૂટર વગેરે ખરીદી શકાય છે. કેસર અને ચંદન પણ ખરીદી શકો છો.

મિથુનઃ- જમીન, મકાન, પ્લોટ વગેરેના સોદા માટે પણ આ તિથિ લાભદાયક રહેશે. આ દિવસે મગ, સોનું, ચાંદી વગેરે વસ્તુઓ ઘરે લાવી શકાય છે.

કર્કઃ- સોના, ચાંદી, વાહન, ઘરેણાં વગેરે ખરીદી શકો છો. આ દિવસે જૂની વસ્તુઓ ખરીદવાથી બચવું જોઇએ.

સિંહઃ- વાહન, વીજળી ઉપકરણ, સોના, ચાંદી, તાંબુ, પીત્તળ, વાસણ, લાકડાનો સામાન ખરીદી શકો છો.

કન્યાઃ- આ લોકોએ ચાંદીની ખરીદારી કરવાથી બચવું જોઇએ. જમીન, ઘર વગેરેનો સોદો આ તિથિએ કરી શકો છો.

તુલાઃ- આ સમયે તમારે સંતોષ જાળવી રાખવો જોઇએ. રોકાણથી બચવું. કોઇ બિનજરૂરી ખરીદારી કરવી હોય તો પરિવારના કોઇ અન્ય સભ્યના નામથી કરો.

વૃશ્ચિકઃ- સોના, ચાંદી, વાસણ, પીત્તળ, વસ્ત્ર, લોખંડ અને તેનાથી બનેલી વસ્તુઓ ખરીદી શકાય છે.

ધનઃ- ગુરુ ગ્રહ આ રાશિમાં છે. તમને જમીન-જાયદાદ વગેરેથી લાભ થઇ શકે છે. મૂલ્યવાન ધાતુઓથી પણ લાભ મળી શકે છે.

મકરઃ- તમારા માટે સમય ખૂબ જ સારો રહેશે. બધી જ વસ્તુઓની ખરીદારીથી લાભ મળી શકે છે. વસ્ત્ર અને સોનું ખરીદવું વધારે શુભ રહેશે.

કુંભઃ- આ લોકો પુસ્તક, વાહન, ઇલેક્ટ્રોનિક્સ, લાકડાનું ફર્નીચર અને ઘરમાં સજાવટની વસ્તુઓ ખરીદી શકે છે.

મીનઃ- સોના-ચાંદી, રત્ન વગેરે વસ્તુઓ ખરીદવા માટે સારો યોગ છે. શેરબજારમાં રોકાણ સમજી-વિચારીને કરો. વસ્ત્ર અને આભૂષણ પણ ખરીદી શકાય છે.

આ પણ વાંચોઃ-

બૃહસ્પતિનું રાશિ પરિવર્તન/ તુલા સહિત 8 રાશિઓ માટે ગુરુનું રાશિ પરિવર્તન શુભ રહેશે, થોડાં લોકોને ધનલાભ અને ઉન્નતિના અવસર મળશે

સાપ્તાહિક ભવિષ્યફળ/ 6 રાશિના લોકો માટે નવેમ્બરનું બીજું સપ્તાહ શુભ રહેશે, તુલા અને કુંભ રાશિના લોકોએ વધારે સાવધાન રહેવું પડશે

ગ્રહ દશા:19 નવેમ્બર સુધી વિશાખા નક્ષત્રમાં સૂર્ય રહેશે, 3 રાશિના લોકો માટે શુભ સમય, ચોખા અને ચાંદીની કિંમત વધવાની સંભાવના છે

દિવાળીએ ગ્રહ સંયોગ:14 નવેમ્બરની સાંજે મંગળ માર્ગી બનશે; 32 વર્ષ પછી સૂર્ય, ચંદ્ર સહિત 5 ગ્રહોનો દુર્લભ યોગ બનશે

ખરીદીનો તહેવાર:શનિવારે સવારે 8:05 વાગ્યાથી પુષ્ય નક્ષત્ર શરૂ થશે અને રવિવારે સવારે 8:46 સુધી રહેશે, શનિવારે ખરીદી માટેનાં 7 મુહૂર્ત છે

પુષ્પ નક્ષત્ર:પુષ્પનો અર્થ પોષણ કરવું થાય છે, ઋગ્વેદમાં તેને સુખ સમૃદ્ધિ અને સૌભાગ્ય આપનાર તારો કહેવાયું છે