તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

આજનો જીવનમંત્ર:અવગુણો અને સમસ્યાઓને દૂર કરવાની રીત તરત શોધવી જોઈએ, જેથી નુકસાન ઓછું થઈ શકે

6 દિવસ પહેલા
  • કૉપી લિંક

વાર્તા- રાવણને બ્રહ્માજી પાસેથી વરદાન મળ્યું હતું. વરદાન મેળવીને તે ખૂબ જ શક્તિશાળી થઈ ગયો. રાવણે એટલો આતંક મચાવ્યો કે તેની લૂટમાર જોઈને બધા ઋષિઓ અને મનુષ્યો ગભરાઈ ગયા અને અહીં-ત્યાં ભાગવા લાગ્યાં.

નારદજી રાવણનો આતંક જોઈને વિચારવા લાગ્યો કે રાવણ જો આ રીતે મનુષ્યોને મારશે તો સંપૂર્ણ સંસાર નષ્ટ થઈ જશે. નારદજીએ એક દિવસ રાવણને રોક્યો. રાવણ નારદજીનું ખૂબ જ સન્માન કરતો હતો. નારદજીએ તેને ખૂબ જ બુદ્ધિમાની સાથે કહ્યું, રાવણ તમને ખૂબ જ મોટી સફળતા મળી છે. હવે તમે વિશ્વવિજેતા બની શકો છો.

વિશ્વવિજેતા શબ્દ સાંભળતા જ રાવણ આશ્ચર્ય પામ્યો. તેણે કહ્યું, હું કઈ રીતે બની શકું છું. સંપૂર્ણ સંસાર કેવી રીતે જીતી શકું છું?

નારદજીએ કહ્યું, તમે તમારી ઊર્જા ખોટી જગ્યાએ ખર્ચ કરી રહ્યા છો. ખાસ કરીને તમે મનુષ્યોને મારી રહ્યા છો. મનુષ્ય તો આમ પણ અનેક સમસ્યાઓથી ઘેરાયેલાં છે, તેઓ દરેક પગલે જાતે જ મરી રહ્યા છે. મૃત્યુ પામેલા લોકોને મારવાથી શું લાભ મળશે? મનુષ્યોના મનમાં તો ખૂબ જ ઝેર ભરાયેલું છે. તમારે તેને મારવા જોઈએ, જેમની પાસે અમૃત હોય. અમૃત ઇન્દ્ર, કુબેર, વરૂણ અને યમરાજ પાસે છે. તમારે તેમની સાથે યુદ્ધ કરવું જોઈએ. તમે ખૂબ જ મોટા યોદ્ધા છો તો તમારે યુદ્ધ પણ મોટું કરવું જોઈએ.

નારદજીની આ વાત રાવણને સમજાઈ ગઈ. તે પછી રાવણ મનુષ્યોને છોડીને ઇન્દ્ર, કુબેર, વરૂણ અને યમરાજ પાછળ લાગ્યો.

કોઈએ નારદજીને પૂછ્યું કે તમે રાવણને વધારે ભડકાવી દીધો છે, તમે આવું શા માટે કર્યું?

નારદજીએ કહ્યું, રાવણ પોતાની ઊર્જાનો ખોટો ઉપયોગ જ કરશે, કેમ કે તે રાક્ષસ છે, પરંતુ મારે મનુષ્યોને બચાવવા હતા એટલે મેં રાવણને અન્ય દિશામાં વાળી દીધો છે.

બોધપાઠ- અવગુણો અને સમસ્યા જેવી જન્મ છે, તેને તરત ખતમ કરવાનો રસ્તો શોધવાનું શરૂ કરી દેવું જોઈએ. થોડા અવગુણો અને સમસ્યાઓ એવા હોય છે, જેને ખતમ કરવા મુશ્કેલ હોય છે. આવી સ્થિતિમાં અવગુણોની, સમસ્યાની દિશા બદલી દેવી જોઈએ. આવું કરવાથી અવગુણોના કારણે થતું નુકસાન ઘટાડી શકાય છે.