તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

આજનો જીવનમંત્ર:પૂજા કરતી સમયે એવા કામ કરવાનો સંકલ્પ લેવો જોઈએ જેનાથી સમાજનું ભલુ થાય છે

12 દિવસ પહેલાલેખક: પંડિત વિજયશંકર મહેતા
  • કૉપી લિંક

વાર્તા- એકવાર છ મહર્ષિ એકબીજા સાથે આ વાતને લઇને વિવાદ કરવા લાગ્યા કે મુક્તિ એટલે શાંતિ કઈ પરમ શક્તિ દ્વારા મળી શકે છે, તે કયું સ્વરૂપ હશે જે શાંતિ પ્રદાન કરે છે?

બધા ઋષિ મુનિ તે વિવાદ કરતા-કરતા બ્રહ્માજી પાસે પહોંચ્યાં. બ્રહ્માજીએ બધાની વાત સાંભળીને કહ્યું, મુક્તિનો અર્થ હોય છે, ખરાબ આદતોથી મુક્તિ. શાંતિ પ્રાપ્ત થઈ જવું જ મુક્તિ છે. એટલે તમારે લોકોએ શિવજીના ચરિત્રને જાણવું જોઈએ. તેમની પૂજા કરવી જોઈએ.

ઋષિઓએ પૂછ્યું, શિવજીની પૂજા કઈ રીતે કરવી જોઈએ?'

બ્રહ્માજીએ કહ્યું, શ્રવણ, મનન અને કીર્તન આ ત્રણેય શિવપૂજાના પ્રકાર છે. શ્રવણ એટલે સારી કથા સાંભળો. પછી તેનું ચિંતન કરો. કીર્તનનો અર્થ થાય છે કોઈ ભજનના માધ્યમથી પરમાત્માનું ધ્યાન કરવું.

મહર્ષિઓએ કહ્યું, જો આ ત્રણેય કામ કોઈ ન કરી શકે, ત્યારે તેણે શું કરવું જોઈએ?

બ્રહ્માજીએ કહ્યું, શિવજીના લિંગ સ્વરૂપની પૂજા કરો. શિવલિંગનું પૂજન જળ ચઢાવીને પણ કરી શકાય છે.

બોધપાઠ- બ્રહ્માજીની વાતનો અર્થ છે કે શિવજી કલ્યાણના દેવતા છે. અન્ય લોકોની ભલાઈ ઇચ્છવું જ શિવજીનો મૂળ સ્વભાવ છે. શિવલિંગ ઉપર જળ ચઢાવવામાં આવે છે ત્યારે તે અનુશાસનની એક ક્રિયા છે. આ ક્રિયાથી આપણાં મનમાં ભાવ જાગે છે કે આપણે જે કશું પણ આપણાં પરિશ્રમથી પ્રાપ્ત કર્યું છે, તેને અર્પણ કરી રહ્યા છીએ. આપણે આ બધું એટલાં માટે અર્પણ કરી રહ્યા છીએ કે આપણાં પરિશ્રમથી, આપણી કીર્તિથી, આપણી કોશિશોથી અન્ય લોકોની ભલાઈ થાય. અન્ય લોકોની મદદ થઈ શકે.