તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

આજનો જીવનમંત્ર:કોઈએ આપેલી ભેટને માત્ર સજાવટની વસ્તુ સમજશો નહીં, તેની સાથે આપનાર વ્યક્તિની ભાવના જોડાયેલી હોય છે

2 દિવસ પહેલાલેખક: પંડિત વિજયશંકર મહેતા
  • કૉપી લિંક

વાર્તા- શ્રીકૃષ્ણએ અંતિ સમયમાં પોતાના ભાઈ ઉદ્ધવને જ્ઞાન આપ્યું હતું. ઉદ્ધવ શ્રીકૃષ્ણના કાકાના દીકરા હતાં અને ખૂબ જ બુદ્ધિવાન હતાં. ઉદ્ધવજીએ શ્રીકૃષ્ણને અનેક પ્રશ્ન પૂછ્યાં અને ભગવાને બધા જ પ્રશ્નોના ઉત્તર આપ્યાં હતાં.

જ્યારે ઉદ્ધવજી પ્રશ્નોના ઉત્તરથી સંતુષ્ટ થયા ત્યારે શ્રીકૃષ્ણએ કહ્યું, ઉદ્ધવ, હવે હું દેવલોક ગમન કરીશ એટલે હું આ સંસારને છોડીને જતો રહીશ. તમારે પણ મારાથી વિદાય લેવી પડશે.

ઉદ્ધવજીએ શ્રીકૃષ્ણનો હાથ પકડ્યો અને કહ્યું, તમે મને આમ છોડીને જશો નહીં, હું તમારી સાથે લાંબા સમયથી રહ્યો છું.

શ્રીકૃષ્ણએ કહ્યું, ઉદ્ધવ આ દુનિયામાં બધા લોકો એકલાં જ આવે છે અને તેમણે એકલાં જ જવું પડે છે.

આ વાત સાંભળીને ઉદ્ધવ ખૂબ જ નિરાશ થઈ ગયાં. તે સમયે શ્રીકૃષ્ણએ પોતાની ચરણ પાદુકાઓ એટલે ખડાઊ ઉદ્ધવજીને ભેટ કરી અને કહ્યું, આ ભેટને યાદ રાખવી અને તમે બદ્રીકાશ્રમ જતા રહો. બદ્રીનાથના પર્વતો ઉપર મેં તમને જે વાત જણાવી છે, તે વાતોનું ચિંતન કરવું. આ ખડાઊ તમને યાદ અપાવશે. મળવું અને અલગ થવું જીવનનું સત્ય છે. તેને તોડવું જોઈએ નહીં. જે જ્ઞાન મેં આપ્યું, તેનો યોગ્ય ઉપયોગ કરો. શ્રીકૃષ્ણની વાત માનીને ઉદ્ધવ ત્યાંથી જતાં રહ્યાં

બોધપાઠ- શ્રીકૃષ્ણએ ઉદ્ધવને કહ્યું હતું કે જે જ્ઞાન મેં આપ્યું છે, તેનું ચિંતન કરો અને આ ખડાઊ મારી ભેટ છે. આપણાં જીવનમાં પણ અનેકવાર એવા અવસર આવે છે, જ્યારે આપણને કોઈ ભેટ આપે છે અથવા આપણે કોઈને ભેટ આપીએ છીએ. ભેટનો અર્થ એ જ હોય છે કે આપણે ભેટ આપનાર વ્યક્તિને યાદ કરીએ અને તે વ્યક્તિની સારી વાતોનું ચિંતન કરીએ અને તે સારી વાતોને પોતાના જીવનમાં ઉતારીએ.