આજનો જીવનમંત્ર:હંમેશાં એવું કામ કરતા રહેવું જોઇએ, જેનાથી અન્ય લોકોનું ભલું થતું હોય

વાર્તા- સાધુ-સંત જ્યારે પણ મળે છે ત્યારે તેઓ સમાજના હિત અંગે વિચારે છે. ભારદ્વાજ ઋષિ અને યાજ્ઞાવલ્ક્ય ઋષિ સાથે જોડાયેલો આવો જ એક કિસ્સો છે

પ્રાચીન સમયમાં ભારદ્વાજ નામના એક ઋષિ પ્રયાગમાં રહેતાં હતાં. ત્યાં એકવાર માહ મહિનામાં અનેક સંતોનું મિલન થયું. અનેક સંતો પ્રયાગ આવ્યાં હતાં. જ્યારે બધા સંત ફરી પોત-પોતાના આશ્રમ પાછા ફરી રહ્યા હતાં, ત્યારે ભારદ્વાજ ઋષિએ યાજ્ઞાવલ્ક્ય નામના ઋષિને રોક્યાં.

ભારદ્વાજ ઋષિએ યાજ્ઞાવલ્ક્ય ઋષિને કહ્યું, બધા સાધુ-સંત મહા મહિનાનું સ્નાન કરીને પાછા ફરી ગયા છે, પરંતુ હું તમને હાલ જવા દઇશ નહીં.

તેમને ઊંચા સ્થાને બેસાડ્યા અને પછી બોલ્યાં, મને મોટો સંકોચ થઇ રહ્યો છે. પરંતુ હું તમારી સામે કહી શકું છું. મારી ઉંમર વધી રહી છે, પરંતુ હું હજું સુધી રામકથાનો સંદેશ સમજી શક્યો નહીં. રામ કોણ છે? આ સંપૂર્ણ સિદ્ધાંતને હું તમારી પાસેથી સમજવા માગું છું. હું તમારી પાસેથી રામકથા સાંભળવા માગું છું.

યાજ્ઞાવલ્ક્ય ઋષિએ કહ્યું, ભારદ્વાજજી તમે મન, વચન અને કર્મ, ત્રણેયથી ભક્ત છો. સંપૂર્ણ રીતે પ્રમાણિક અને સમજદાર છો, પરંતુ સવાલ તો એવા પૂછી રહ્યા છો, જાણે તમે મૂર્ખ છો. તમે કશું જ જાણતાં નથી. પરંતુ આ પ્રશ્ન મને એટલા માટે પૂછી રહ્યા છો, કેમ કે મારા મુખથી રામકથા બોલાવીને સંપૂર્ણ સંસારને આ કથા સાંભળવા મળી જાય. બધાનું ભલું થાય. આ જ સંતની વિશેષતા છે.

તે પછી યાજ્ઞાવલ્ક્યજીએ ભારદ્વાજ ઋષિને તે જ રામકથા સંભળાવી, જે શિવજીએ પાર્વતીજીને સંભળાવી હતી. આજે સંપૂર્ણ સંસાર તે રામકથાનો આનંદ લઇ રહ્યો છે.

બોધપાઠ- આ બંને સંતે પોતાના આચરણથી આપણને એ સંદેશ આપ્યો છે કે હંમેશાં એવા કામ કરવા જોઇએ, જેનાથી અન્ય લોકોનું ભલું થાય છે. સાધુ-સંત હોવાનો અર્થ એ નથી કે આપણે સમાજથી અલગ રહી છે તો આપણે સમાજમાં બની રહેલી ઘટનાઓથી કોઇ સંબંધ નથી. સાધુ-સંત સમાજથી અલગ રહે છે, પરંતુ દરેક કામ અન્યના હિત માટે જ કરે છે.